Ayebulai 13:2 - Amazwi Yakwe Leza 2013

² Mwaiusya kuzengela aenyi mu mang'anda inu. Kwali antu yamwi yano acisile vikwene nu kuzengela angeli kwaula kumanya.

Ayebulai 13:2 Iomraidhean Croise

Utandiko 18:1

Yawe aloleka kuli Abulaamu ku miti yamuzilo yakwe Mamule. Abulaamu watenzi pa mulyango wi taalu lyakwe mu nsita ino ilanzi lyatiliwalisya nu kukaya cuze.

Utandiko 19:1

Lino Angeli yaya yaili yafisile ku Sodoma manguzi, Loti watenzi pa mpongolo ya musumba. Zuwazuwa lino wayalola, akatuka aya ku kuyakomenkanya nga afukama pansi afupime,

2 Yamwene 4:8

Uwanda umwi Elisya aya ku Syunemu ukwikalanga umwanaci umwi umukama. Wene wapapatilanga kasema Elisya kuti aalya icakulya uku ng'anda ukwakwe lyonsi lino Elisya wapita inzila kwene iyo.

Yobo 31:19

Ale, uzye kwene natala nalola umupina akalonda insalu, nanti umwi akalonda icakuvimbala,

Yobo 31:32

Kutatala kwaloleka umwenyi uwiza apane, uwakuti alale apanzi. Yonsi nkayapokelela usaka utupu. Icisasa cane cayulikila calimwi.’

Ezaya 58:7

Ukwankanya icakulya cinu kuli yano yatakweti, ukupokelela apina umu ng'anda inu, yano yatakweti ukwakwikala. Ukwazwilizya antu yano mukulola ukuti kwene yasizya. Mutafisa ukulanga antu inu uku mwinu.

Aina Levi 19:34

Mwayasunga ndi vino mukasunga aina Izlaeli yauzo. Nupya mwayatemwa ndi vino mwaitemwa mweisikulu. Mwaiusya vino mwali ainamasi mu mpanga ya Eguputo. Nene indi Yawe Leza winu.

Mateo 25:35

Pano nali ni nzala namwe mwampile vyakulya. Nali nu lusala namwe mwampile manzi. Nali mwenyi namwe mwanzengile.

Mateo 25:40

Alino Mwene alaasuka ati, ‘Cumi namunena, vino consi cino mwacitile wenga munono uwamu ina yane, vivyo kwene mwacitile nene!’

Mateo 25:43

Pano nali mwenyi namwe mutanzengile, nali musizye namwe mutanzwisile, nali mulwale nupya nali mu ng'anda yaminyololo namwe mutampempwile.’

Milimo 16:15

Wene pamwi na amu ng'anda yakwe yawatiziwa, nga atwama ati, “Izini mwikale mu ng'anda yane ndi mwati mulola ukuti icumi nataila mu Mwene.” Alino atupapatila kuti twingile.

Loma 12:13

Mwakumbusuka aina inu yano yulilwa, nga nu kuzengela alendo mu mang'anda inu.

Loma 16:23

Mwine ng'anda Gayusi, muno Iuvi likakongana, nawe kwene watuma ulau. Elasita, kasunga wa cipao camu musumba, nga nu mwina witu Kwatosi, nayo kwene yatuma ulau.

1 Timoti 3:2

Intunguluzi yamwi uvi italinzile kutungwa kayi. Wene alinzile kukwata muci wenga sile, nu kuya mutekele, wa mano, wa mucinzi, akasunga aenyi ningo mu ng'anda yakwe. Wene alinzile kuya mukampuke ku kusambilizya.

1 Timoti 5:10

nupya uwamanyikwa mu kuomba milimo isuma, kukuzya ana yakwe ningo, kusunga aenyi mu ng'anda yakwe, kutumikila aina Klistu yauze mu ufuke, kwazwa antu ali mu ntazi, nu kuipelesya kucita visuma.

Tito 1:8

Wene alinzile kuya kacita wa milimo ya luse, kapokelela wa enyi, nupya uwatemwa kucita visuma. Wene alinzile kuikanya, nu kucita vilungame, alinzile kuya uwamuzilo nupya musundike.

1 Petulo 4:9

Mwazengelana mu mang'anda inu kwaula kuilizyanya.

3 Yoane 1:5

We mukundwe, wemo wewe wacumi mu mulimo uno ukaombela aina Klistu yauzo, nanti yene yali ainamasi.