Ayebulai 13:16 - Amazwi Yakwe Leza 2013

¹⁶ Mwaiusya kucita visuma nu kwazwana pano vintu vii vikoline wa mpolelwa zino zikazanzya Leza.

Ayebulai 13:16 Iomraidhean Croise

Masamu 37:3

Tailanga muli Yawe nu kucita ivisuma, ikalanga nu longo mu mpanga.

Masamu 51:19

Ali lino lyene, ulapokelela nu luzango impolelwa zyampomvu, impolelwa zyakoca, na mawila ya vilyo kumwi na tucipambasi twa ng'ombe, utwakutuula apa kavuwa kako.

Luka 18:22

Lino Yesu uvwile cii, amunena ati, “Kuli cintu conga sile cino ulizya. Kakazye vyonsi vino wakwata ukapeele ni mpiya zino ulazana ku apina, nga ulaya ni vyuma mwi yulu, lyene wize undondele.”

Milimo 10:38

Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.

Milimo 9:36

Mu Yopa mwali mulondezi umwanaci izina lyakwe a Tabita (Izina lyakwe mu Cigiliki a Dokasi, cikusenula mpombo). Wasumvile insita yakwe yonsi mu kuomba milimo isuma nu kukumbusuka apina.

Loma 12:13

Mwakumbusuka aina inu yano yulilwa, nga nu kuzengela alendo mu mang'anda inu.

Galatiya 6:10

Caleka tulinzile kucita visuma ku muntu wensi vino tungacita nu kuluta kuli yao ali alondezi yakwe Klistu.

Galatiya 6:6

Muntu wino akusambiliziwa Ilandwe lya wina Klistu alinzile kwankanya visuma vyonsi vino akweti kuli wiyo akumusambilizya.

Efeso 4:28

Muntu wino wiyanga alinzile kuta kwiya, nga atandike kuomba kwaula usomvi kuti azanilemo uwikazi nga nu kwankanya kweneko apina.

Filipi 4:14

Lelo mwacisile cisuma pa kungazwa lino nali mu nsita ya ntazi.

Filipi 4:18

Napokelela vyonsi, ndakai ntuulilwa. Nupya napokelela mawila yano Epaflodito wandetile kufuma kunomuli. Yene yakoline wa mununko usuma uwa wila uno wapelwa kuli Leza, impolelwa ino yapokelelwa na Leza nupya iya kumuzanzya.

1 Tesalonika 5:15

Mwasakamala ukuntacitilana cilanduzi. Lelo nsita zyonsi mulinzile kukwata simwililo lya kucita cisuma kuli cila wenga nga nu ku antu onsi.

2 Tesalonika 3:13

Lelo mwemo, inane, mutalinzile kunenuka kucita visuma.

1 Timoti 6:18

Uwayanena kuti yacita visuma, nu kuya akama mu milimo isuma, nu kupeela kwaula lusoko, yaye aiteyanye kwankanyako yauze.

Filimoni 1:6

Ipepo lyane ilyakuti utandano witu namwe ataila, ulalenga ukuvwikisya mulimo uno tukaomba.

Ayebulai 6:10

Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.

3 Yoane 1:11

We mukundwe utezya kuya namalolela ya vintu viipe. Lelo uye namalolela ya vintu visuma. Wino akacita visuma wene uwakwe Leza. Wino akacita viipe wene atatala walola Leza.