Ayebulai 13:11 - Amazwi Yakwe Leza 2013

¹¹ Simapepo Mukulu wa Ciyuda akaleta uwazi wa nyama mu Ncende Yamuzilo Kuluta kuti aupeele uye impolelwa ya kupelwa pa maifyo. Lelo vitumbi vya nyama vikaociwa kunzi ya nsakwe.

Ayebulai 13:11 Iomraidhean Croise

Kufuma 29:14

Lelo inyama yakwe cipambasi, mukwela nga ni vyamunda ukavyocele kunzi ya nsakwe. Ukwene uli wila wa kwelela amaifyo yakwe yasimapepo.

Ezekelo 43:21

Kacipambasi ka ng'ombe kano kalatuulilwa pa maifyo, ukakatole nu kukocela mu musolo wi linga lya kunzi pa ncende yaya mu pipi ni Ng'anda ikulu yakwe Leza, kunzi ya ncende yamuzilo.

Aina Levi 16:27

Ing'ombe ni mbuzi ya wila wa kwelela amaifyo, zino yatozile uwazi waziko yaomvye pa lutambi lwa kuswefya Ncende Yamuzilo kuluta, yalinzile kuzifumya kunzi ya nsakwe. Alino yoce imikwela, ni minyefu nga ni vyamunda vyakwezyo.

Aina Levi 6:11

Lyene azule vyakuzwala vyakwe vivi, azwale vyuze, alino azyole itwi nga alisende kunzi ya nsakwe, pa cifulo cino citakoweziwa.

Aina Levi 6:30

Lelo ndi yaleta uwazi uwa wila uwo uwa kwelela amaifyo mwi Taalu lya Ukongano nu kuuomvya mu lutambi lwa kufuta amaifyo, inyama iyo italinzile ukuliwa. Ilinzile ukoca yonsi pyu.

Aina Levi 9:11

Lelo inyama yonsi nu mukwela aya avyocela kunzi ya nsakwe.

Aina Levi 9:9

Ana yakwe yatoola uwazi yamupeela. Lyene Aaloni atimpika munwe wakwe mu wazi uwo, alino apaka pa mpembe zya kavuwa. Uwazi uze wasyala aitila mwisika ya kavuwa kako kwene.

Mpendwa 19:3

Yaipeele kuli Eleaza simapepo. Yalinzile kuisenda ukunzi ya nsakwe nu kuifyulila pa manso yakwe.

Mpendwa 19:7

Pacisila cakwe vivyo, simapepo afule ivyakuzwala vyakwe nu mwisikulu aowe ku mwili. Lyene alino angingila mu nsakwe. Lelo ala acili mukowele mpaka ukufika na lino ilanzi lyatemba.