Ayebulai 12:2 - Amazwi Yakwe Leza 2013

² Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

Ayebulai 12:2 Iomraidhean Croise

Masamu 110:1

Yawe wanenyile umwene wane ati, “Ikala ukwi kasa lilunji lyane kufika lino ndakucimvizya anisi yako, kuti yaye wa cilyatilo ca ngazo zyako.”

Masamu 138:8

Awewe we Yawe ulamalila umulimo wane onsi ndi muno walaila. Uluse lwako ulwa pe na pee. Utatazyela umulimo uno we mweneco watandike!

Ezaya 31:1

Kalanda kuli yayo akasimwilila ku Eguputo, ku wazwilizyo. Yao akaika amano umu kutaila imfwalasi. Yao ataila amaceleta, ni vita ivikasimuzya amaceleta kwene ukwaula kutaila muli Yawe, Wamuzilo wakwe Izlaeli.

Ezaya 45:22

“Welulukini kunondi mwe antu yonsi apano nsi, welulukini kunondi kuti mutuulwe. Pano nene indi Leza, nga kutaya namuze awe.

Ezaya 53:3

Wasaalukanga nu kusulwa ku antu, wali umuntu wa ulanda, wene uvwanga ukali. Swemo twamusuuzile cakuti tutalondanga nu kumulolekesya, pano tutamwikanga pa untu foo.

Ezaya 8:17

Yawe wafisama uku manso ya antu yakwe, amu mupanda wakwe Yakobo. Lelo nemo namutaila nu kulolela awino inkalolela.

Mika 7:7

Lelo nemo namapempukilwa kuli Yawe. Namalolelanga Leza Katuula wane. Leza wane amanguvwa.

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Mpendwa 21:9

Acino Mose apanga inzoka ya mukuwa nga aikoweka na pa mulongoti. Lyene umuntu ali wensi ndi walumika ni nzoka, nga aiza alolekesya pa nzoka ya mukuwa, wene aya nu umi.

Mateo 16:21

Kufuma pa nsita kwene ilya nu kutwalilila, Yesu atandika kunena alondezi yakwe paswe ati, “Indi nu kuya ku Yelusalemu, kuno ndapelwa mu makasa ya ikolo ya Ayuda, yasimapepo akalamba na yakasambilizya ya Masunde, yano alancuzya cuze. Yalankoma, lelo pa wanda uwalenga yatatu ndazyukuka nu kuya nu umi.”

Mateo 20:28

wakwe vino Mwana wa Muntu atizile kuti atumikilwe, lelo kuti atumikile yauze nu kupeela umi wakwe kuti akulule antu aingi.”

Mako 14:36

Apepa ati, “Tata, vintu vyonsi ivyangupale kunuli. Sisya ulwako luu lwa ucuzi kunondi. Kusi kulonda kwane, lelo kulonda kwako kucitike.”

Mako 15:28

Cii cacitike pa kufikilizya malembelo yakwe Leza akuti, “Wapendilwe pamwi na yakaifya.”]

Mako 16:19

Pacisila lino Mwene Yesu wavwanga kunoyali, asendwa kwiyulu kupela, aikala kwi kasa lilunji lyakwe Leza.

Mako 9:12

Yesu nawe aasuka ati, “Cumi, Eliya akwiza inkolelo kuti alungike vintu vyonsi. Uzye pacani amalembelo yakati Mwana wa Muntu ali nu kucula cuze nga nu kuzewana?

Mako 9:24

Isi wa mwana asanzika izwi ati, “Nataila, lelo ungazwe kuti nkwatisye utailo.”

Luka 17:5

Atumwa yanena Mwene yati, “Tukuzizye utailo.”

Luka 23:11

Lyene Helodi na asilika yakwe yatumfya Yesu nu kumusaalula. Alino lyene yamuzwika umwingila uyembe cuze, yamuswilizya kuli Pilato.

Luka 24:26

Uzye citalondekwanga ukuti Katuula uwalavilwe acule mu vintu vii nga alino aingile mu lulumbi lwakwe?”

Yoane 1:29

Uwanda walondelela Yoane alola Yesu akwiza kunoli, ati, “Lolini, Mwana wa Mfwele wakwe Leza wino akafumya maifyo ya antu.

Yoane 12:24

Cumi namunena vino lupece lwa ngano luno lwaponela mu musili lutanga sanduluka, suka ndi lwatala lwafwa. Lelo ndi lwafwa, lyene lumaleta mpece zyuze zingi lino lwaseeka.

Yoane 12:32

Lelo lino nemo ndasamikwa ku cimuti, ndaongwela antu yonsi kunondi.” (

Yoane 13:3

Yesu, wamanyile vino Isi wamupeela maka yonsi, na vino wafumile kuli Leza nga nupya ali nu kuswilila kuli Leza.

Yoane 6:40

Pano kulonda kwakwe Tata kwakuti wensi uwalola Mwana nu kumutaila, wene alaya nu umi wape, nga nani ndaleka azyukuke pa wanda wampelelekezyo.”

Yoane 8:56

So Abulaamu wali nu luzango pa kulola kwiza kwa wanda wane. Wauweni nga azanga.”

Milimo 2:36

“Caleka aina Izlaeli yonsi yalinzile kumanya ningo vino Yesu wii wino mwatanyile pa lupanda awino Leza watacita kuya Umwene na Klistu.”

Milimo 3:15

Mwakomile Umwene wino akapeela umi, lelo Leza wamuzyukwile kufuma ku afwe, nga naswe sweswe yakambone pali cii.

Milimo 5:31

Lelo leza wazyukwile Yesu alino amwika kwi kasa lyakwe lilunji, ukuya intunguluzi na katuula, kuti apeele aina Izlaeli longo lwakuzenzuka nu kwelelwa maifyo yao.

Milimo 5:41

Atumwa nao yafuma mwi Tengo, yazanga cuze, pano Leza wayapendile kuya alinge kusulwa pamulandu wi zina lyakwe Yesu.

1 Kolinto 1:18

Pano Ilandwe lya pamulandu wa mfwa yakwe Klistu pa lupanda lisyasenula cimwi ku antu yano akulowa. Lelo kunotuli swe muno tukutuulwa, Ilandwe lii amaka yakwe Leza yano akuomba.

1 Kolinto 1:23

Lelo swemo tukakosola Klistu uwatanyilwe pa lupanda, ilandwe lyaya icisiki cakupumikako Ayuda nupya utumpe ku Akulukuwa.

Efeso 2:16

Lyene kupitila mu mfwa yakwe ya pa lupanda Klistu wononyile lupato luno twakwatilana. Nupya kupitila mu lupanda amuno watulemanya Ayuda, na Akulukuwa tuye mwili onga, nga nu kutuwezya kuli Leza.

Efeso 5:2

Lekini umi winu watungululwa nu kutemwa, wakwe vino Klistu watutemilwe nu kupeela umi wakwe pamulandu witu, kuti uye mununko usuma uwa mpolelwa ino ikazanzya Leza.

Filipi 1:6

Nupya nkusininkizya ukuti Leza, wino uwatandike mulimo usuma uu munomuli, alautwalilila kufika lino alaumala pa Wanda wakwiza kwakwe Klistu Yesu.

Filipi 3:20

Lelo sweswe ikazi ya mwiyulu nupya tukulolela Katuula witu Mwene Yesu Klistu.

2 Timoti 4:8

Acino cilambu ca kucimvya kwane cino cikundolela, ingala ya wololoke ino Mwene kapingula mololoke alampeela pa Wanda ulya. Nupya atalapeela sile nene, lelo alapeela na yao amutemwa, yano akalolela kwiza kwakwe nupya.

Ayebulai 1:13

Leza atatazile anena umwi uwamu angeli yakwe ati, “Ikala kwi kasa li lunji lyane kufika lino ndakucimvizya anisi yako yaye wa cilimba ca ngazo zyako!”

Ayebulai 1:3

Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.

Ayebulai 10:14

Mu mpolelwa yonga kwene amuno wene walenga ukuti antu yano aswefiwa kufuma ku maifyo yaye afumaluke manda pe.

Ayebulai 10:33

Nsita zimwi antu yamutusile pa lwalala nu kumucuzya. Nsita zimwi mwali aiteyanye kuilundanya kuli yao acuziwanga mu musango ndi uu.

Ayebulai 11:36

Yamwi yayasowike nu kuyanyambola, yauze nao yanyefilwe mu minyololo nu kuyatwala ku ng'anda yaminyololo.

Ayebulai 12:3

Elenganyini pa vintu vino wene wapisilemo nu kuposya lino yakaifya yamupasile cuze! Acino mutatonta nu kunenuka.

Ayebulai 13:13

Lyene lekini tufumile kunoli kunzi ya nsakwe nu kukumako kukuzewana kwakwe.

Ayebulai 5:9

Na lino wacisilwe umufumaluke, wizile aya intulo ya ufyusi wa manda pe kuli yonsi akamuyela.

Ayebulai 7:19

Pano Masunde yakwe Mose yatalenzile muntu kuya mufumaluke. Ndakai twapelwa upaalilo usuma cuze nupya wene ungatupalamika kuli Leza.

Ayebulai 8:1

Cikalamba cino tukulanda cakuti tukweti Simapepo Mukulu wino wikala kwi lunji lya cilimba cakwe Leza mwiyulu.

Ayebulai 9:28

Mu musango uli onga Klistu wapilwe kuya impolelwa yakufumya maifyo ya antu aingi. Wene alaloleka iila lyakwe ciili, asi ku kufumya maifyo, lelo ukwiza tuula yao akumulolela.

Yakobo 2:1

Inane, mwemo mwataila muli Yesu Klistu Mwene witu uwa lulumbi. Acino mutalinzile kukwata kasoozi pa antu kulingana na vino yakaloleka kunzi.

1 Petulo 1:11

Yalondelizye kuti yamanye nsita nga nu musango uno cii cilacitikilamo. Mupasi wakwe Klistu, uno wali munoyali, uwasowile macuzi yano Klistu wali nu kucula nga nu lulumbi ululalondelela.

1 Petulo 3:18

Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.

1 Petulo 3:22

Ndakai Klistu waya kwiyulu kuno atenzi kwi kasa lilunji lyakwe Leza, nupya akuteeka pa angeli, na maka yonsi amwiyulu.

Yuda 1:21

Ikalini mu kutemwa kwakwe Leza. Lolelini Mwene witu Yesu Klistu, nawe alaya na mizu kunomuli nu kumupeela umi wape.

Umbwilo 1:11

Lyene liti “Lemba vino walola nu kutuma lupapulo ku mauvi amu misumba cinimbali, ku Efeso, ku Similina, ku Pegamu, ku Tiatila, ku Sadisi, ku Filadefia, nu ku Lodesiya.”

Umbwilo 1:17

Lino namulola, nani mpona pansi pipi na pa ngazo zyakwe wa muntu mufwe. Nawe anjikila ikasa lyakwe lilunji nga avwanga ati, “Utoopa! Nene uwakutandika nupya uwakusyalikizya.

Umbwilo 1:8

“Nene Alufa na Omega, kuli kuti, uwakutandika nupya uwakusyalikizya,” vii avino Mwene Leza wa maka yonsi walanda. Wene alipo, wino uwaliko, nupya wino aliiza.

Umbwilo 2:8

“Lemba ku ntunguluzi yakwi uvi ku Similina uti, “Lii ilandwe kufuma kuli wino uwakutandika nupya uwakusyalikizya. Wene wafwile nupya ali nu umi.