Ayebulai 12:10 - Amazwi Yakwe Leza 2013

¹⁰ Akwasi itu, yatata yatusundanga pa nsita inono ndi vino cayazipile kucita. Lelo Leza akatusunda kuti vintu vituzipile pakuti tukakumeko ku muzilo wakwe.

Ayebulai 12:10 Iomraidhean Croise

Masamu 119:75

We Yawe, namanya ukuti upinguzi wako uwa ulungi, nu kuti wamvunwike pano wewe wacumi.

Masamu 17:15

Lelo nemo umu ulungami wane, ndiza nkulole. Lino ndakatuka ndiza ndole icata cako, nupya ndaya nu luzango wakwe cimwi.

Nyimbo zya ndosya 3:33

Pano asi umweneco uwatandika ukutucuzya, nanti ukutuletela amalanda, awe.

Aina Levi 19:2

kuti anene aina Izlaeli yonsi ati, “Muye amuzilo pamulandu wakuti Ne Yawe Leza winu Nene wamuzilo.

Efeso 4:24

nupya zwalini untu upya, uno waumvilwe mu mwata wakwe Leza. Lyene mulaya aololoke nupya amuzilo.

Kolose 1:22

Lelo ndakai kupitila mu mfwa ya Mwana wakwe yaku mwili, mwemo Leza wamucita kuya yacuza yakwe pakuti aleke muye amuzilo, asanguluke, nupya aula mulandu pa manso yakwe.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Ayebulai 12:14

Ezyini kwikala mu mutende na antu onsi, nu kwikala umi wamuzilo. Pano kusi umwi wino alalola Mwene kwaula kwikala umi wamuzilo.

1 Petulo 2:5

Wa mawe ya umi, lekini Leza amuomvye mu kukuula ng'anda ikulu yakwe. Mukwene amuno mulatumikila wakwe yasimapepo amuzilo mukupeela impolelwa zyamuzilo izingazumiliziwa kuli Leza muli Yesu Klistu.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

2 Petulo 1:4

Mu musango uu, wene watupeela upolelelo ukulu cuze uwamutengo ukome, uno walavile. Wene wacisile cii pakuti mutuulwe ku mbunu zyamu nsi zino zikaonona, nga lyene mukumeko ku mwata wakwe Leza.

Luti 1:3

Elimeleki afwa, nga Naomi, umuci wakwe, asyala wenga na ana yakwe yaili aonsi.