Ayebulai 11:4 - Amazwi Yakwe Leza 2013

⁴ Mu utailo amuno Abeli wapile impolelwa isuma kuli Leza kuluta ino Kaini wapile. Mu utailo amuno Leza wavwangile Abeli visuma ukuti wene umololoke, pano Leza umwisikulu uwamucitile umboni pakupokelela uwila wakwe. Mu utailo wakwe Abeli acili akuvwanga nanti angala wene wafwa.

Ayebulai 11:4 Iomraidhean Croise

Utandiko 4:10

Alino Yawe amuuzya ati, “Uzye pacani cino wacita icintu cii ciipisye? Uwazi wa munyonko ukulila kunondi ukufuma mu musili, wi zwi ilikulilila cilanduzi.

Utandiko 4:15

Lelo Yawe amunena ati, “Awe, cisi vivyo! Umuntu umwi ndi alakukoma, ndacita cilanduzi panoli ca utazi wa katwe pa antu cinimbali.” Lyene Yawe aika icimanyililo pali Kaini, pakuti umuntu ali wensi wino angamukomenkanya atamukoma.

Utandiko 4:25

Nupya Adamu amanya umuci wakwe, nga nawe amuvyalila umwana umonsi. Muci amutemela izina ati Seti, nga avwanga ati, “Leza watapeela kunondi umwana umonsi uwakupyanikizya pali Abeli, wino Kaini wakomile.”

Utandiko 4:8

Lyene uwanda umwi Kaini anena muto wakwe ati, “Tuye tulyatoke ku vyalo.” Nga lino yali ku vyalo Kaini akatukila Abeli muto wakwe, amukoma.

1 Yamwene 18:38

Lyene Yawe Leza ali pakulenga kuti umoto upone pa kavuwa, iwoca impolelwa, inkwi, amawe nu musili, nga iumika na manzi yaya ali mu kamufolo.

Yobo 8:10

Kwene leka sile ivikolwe vyampiti vikusambilizye pali cico. Wemo kutikila sile, uuvwe vino vikukusunda.

Mapinda 15:8

Yawe wapata uwila wa muntu mwipe, lelo ipepo lya antu asuma likamuzanzya.

Mapinda 21:27

Yawe wapata impolelwa ya antu aipe, makamaka ndi yaipelela apamulandu umwi uwipe.

Aina Levi 9:24

Mukupumikizya Yawe atuma umoto iwoca uwila wakoca ni viputulwa vya mafuta vino vyali pa kavuwa. Lino antu yalola cii, iyapunda pamwi yonsi, nga yafukama pansi yafupime.

Mateo 23:35

Pamulandu kwene uu, Leza alamuvunuka pa kukomwa kwa antu yonsi yano ali akaele, kutandikila pa kukomwa kwakwe Abeli uwakaele, kufika na pa kukomwa kwakwe Zakaliya mwana Belekiya, wino mwakomile mu Ng'anda ikulu yakwe Leza pakasi ka cifulo camuzilo na kavuwa.

Luka 11:51

Kutandikila pa kukomwa kwakwe Abeli kufika na pa kukomwa kwakwe Zakaliya, wino wakomilwe mu Ng'anda ikulu yakwe Leza pakasi ka kavuwa ni cifulo camuzilo. Endi, namunena, vino mukulo uu ulapelwa cilanduzi.

Tito 1:16

Yene yakati yamanya Leza, lelo vicitwa vyao vikayasinila ukuti mu cumi yatamumanya. Yene yaya nu lupato nupya yasyayela Leza. Yene yasi antu ampomvu angacita cisuma cili consi.

Ayebulai 11:2

Pa utailo wao apano Leza wavwangile antu yampiti visuma.

Ayebulai 12:1

Swemo tukweti iumba likulu lyakwe yakambone, lino litulizizye. Acino lekini tufume ku vintu vyonsi vino vikatuvulunganya, na maifyo yano akatupalama lili lili. Lekini tusimule nu mukozya mu lwilo lwa kucimvya luno lwikwa nkolelo itu.

Ayebulai 12:24

Mwati mwiza kuli Yesu wakukundanya antu na Leza mu upangano upya nga nu ku wazi wakwe wapongolwilwe nu kukanyiwa muno mwaya vintu visuma cuze vyalavilwe kuluta, ivyamu wazi wakwe Abeli.

Ayebulai 5:1

Simapepo Mukulu wensi akasololwa kufuma mu antu yauze. Wene akasontwa kuti atumikile Leza pa kuyazwa, nu kupeela impolelwa na mawila kuti maifyo yelelwe.

Ayebulai 9:22

Kulingana na Masunde yakwe Mose, vintu vinono sile visiswefiwa nu wazi. Maifyo nayo yasyaelelwa ndu wazi utapongolwilwe.

2 Petulo 2:8

Muntu wiya uwacitanga vyawololoke watenzi pakasi kao, nga cila wanda wene wanyungulukanga pa kulola nu kuvwa vintu viipe vino yacitanga.

Yuda 1:11

Kalanda kunoyali! Pano yene yalondela musango wakwe Kaini. Mulandu wakutemwisya impiya, yene yaisumba aisikulu mu usomvi wakwe Balamu. Yene yakatukila Leza ndi vino Kola wacisile. Acino yalononwa.