Ayebulai 11:12 - Amazwi Yakwe Leza 2013

¹² Caleka mu muntu wii wenga, uwali kwati wafwa mpiti, mwizile mufuma amu mupanda wakwe. Nu wingi wakweyo wali wa ntanda zya mwiyulu nupya wa musensenga uwamu nkumba yakwe yemba uno utangapendwa.

Ayebulai 11:12 Iomraidhean Croise

Utandiko 15:5

Alino Yawe amufumya panzi, nga amunena ati, “Lingamila umwiyulu nga upende intanda, ndi ungazipenda. Vii avino ana yako yalavula wa ntanda.”

Utandiko 22:17

Nalaya ukuti ndakupeela ana avule cuze, nu kuvula kwao kulaya wa ntanda zya mwiyulu, nanti wa musensenga uwamu nkumba yakwe yemba. Ana yako yalacimvya anisi yao.

Utandiko 26:4

Ndalenga ana yako kuvula wa ntanda zya mwiyulu, nupya ndayapeela impanga ii yonsi. Mitundu yonsi ili nu kunguzya kuti njipolelele wakwe vino natimpolelela ana yako.

Utandiko 32:12

Lelo wewe wandavile uti, ‘Cumi kwene ndalenga vintu vyonsi vikuzipile nupya ndasandulula amu mupanda wako yavule wa lusenga lwamu nkumba yakwe yemba, ulutangapendwa.’ ”

2 Samueli 17:11

“Umpandamano wane uwakuti wewe wemwisikulu ule ukonganike aina Izlaeli yonsi pali pamwi, ukufuma sile ku mpanga yakwe Dani ukufika nu ku Belisyeba kwene, yano yavula wa musensenga uwamu nkumba yakwe yemba. Alino lyene wewe kwene uyatungulule ku ulwi.

1 Yamwene 4:20

Antu amu Yuda nu mu Izlaeli yavuzile cuze wa musensenga uwamu nkumba yakwe yemba. Yali asansamuke pamulandu wakuti yakweti ivyakulya ni vyakumwa ivivule.

1 Milandu 27:23

Davidi atapendenkinye antu atakweti imyaka ukuluta pa myaka amakumi yaili yakuvyalwa, pamulandu wakuti walanga Yawe walaya ukusandulula aina Izlaeli wa ntanda zya mwiyulu.

Neemiya 9:23

Wasandulwile ana yao aonsi kwati intanda zya mwiyulu, nu kuyatwala umu mpanga ino walavile kupeela ivikolwe vyao. Yingile mwenemo nu kupoka yaiposile.

Kufuma 32:13

Iusya aomvi yako Abulaamu, Isaki na Yakobo nupya iusya na vino wayalavile nu kulapa pi zina lyako lino wayanenyile ukuti ulayapeela aizikulu avule cuze, avule wa ntanda zya mwiyulu, nu kuti ulapeela aizikulu yao impanga yonsi ino walavile. Mpanga kwene ii ilaya impanga yao amanda pe.”

Ezaya 10:22

Nanti angala aina Izlaeli yangavula uli, yaye wa lusenga lwamu nkumba yakwe yemba, lelo ampendwa sile ali yano yalaweluluka, pamulandu wakuti ukulowa kwa antu kucilipo, nako ukukome.

Ezaya 48:19

Ana inu nayo yangavula wa musensenga, nupya ntange ndeke ukuti yalowelele foo.”

Yelemiya 33:22

Ica cumi, nemo ndavuzya wakwe cimwi ana ya muomvi wane Davidi, na yasimapepo aina Levi akumbombela icakuti apakuyapenda, cikaye sile kwati nalimwi umuntu wino akwezya ukupenda intanda zya mwiyulu nanti umusensenga uwamu nkumba yakwe yemba.”

Oseya 1:10

Lelo aina Izlaeli yalavula wa musensenga uwamu nkumba yakwe yemba, uno utangapimwa nanti kupendwa. Pali ndakai Leza akuyanena ati, “Mwemo musi antu yane,” lelo uwanda uliza lino wene alayanena ati, “Mwemwe ana yakwe Leza wa umi!”

Habakuku 1:9

“Impuka yao ya ulwi ikwiza icikalale, nga nu muntu wensi akuzakaza lino impuka iyo itali ifike. Afungwa yano yene yalema yavula wa musensenga.

Loma 9:27

Vii avino kasema Ezaya wavwanzile pamulandu wa ina Izlaeli ati, “Nanti angala aina Izlaeli yavula wa musensenga uwamu nkumba yakwe yemba, lelo anono sile alatuulwa.

Malango 1:10

Yawe Leza winu uwalenga kuti muvule wa ntanda umwiyulu.

Malango 28:62

Nanti angala mulavula wa ntanda umwiyulu, anono sile alapusuka, pamulandu wakuti mwakana ukuyela Yawe Leza winu.

Yoswa 11:4

Yamwene ya yonsi iyakatuka pamwi ni vita vyao vyonsi, iciliumba icikulu wakwe cimwi, avule wa musensenga uwamu nkumba yakwe yemba. Lyene imfwalasi zyao pamwi na maceleta navyo afumfwe.

Umbwilo 20:8

Lyene alapita ku kusomba antu amu nko zyonsi, yano asalangana mu nsi yonsi, kuli kuti Gogi na Magogi. Wene alayakonganika pamwi ku ulwi, nu wingi wao ulaya wa musensenga uwamu nkumba yakwe yemba.

Yakapingula 7:12

Aina Midyani, na ina Amaleke, nga na amu mitundu yamu lwanga ala yatiyalimba mu cifoloma consi kwati amakanta ku wingi, nupya yakweti ingamila izivule wa musensenga uwamu nkumba yakwe yemba.

1 Samueli 12:5

Samueli nawe ayanena ati, “Yawe pamwi nu mwene wino watasonta ali kambone akupeela umboni uwakuti mutanzanyile nu mulandu uli onsi.” Nayo yavwanga iyati, “Endi, wene akambone.”