Ayebulai 10:5 - Amazwi Yakwe Leza 2013

⁵ Pamulandu kwene uu, lino Klistu wali pipi nu kwiza muno nsi, wavwanzile ati, “We Leza, usyakulonda impolelwa na mawila, lelo watunteyanyizizya mwili.

Ayebulai 10:5 Iomraidhean Croise

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

Ezaya 1:11

Yawe akuti, “Uzye mwemo mukwelenganya ukuti nkulonda impolelwa zinu zino mwala mwakoozya ukutuula kunondi. Ivimafwele vino mukungocela vyativimfuulila. Nanti sile amafuta ya nyama zinu izisuma nayo kwene yatiyamfuulila. Uwazi wakwe yacipambasi na wakwe yasuuku, na wakwe yasawe nao kwene watiumfuulila.

Ezaya 40:16

Umu mitengo yamu Lebanoni mutaya inkwi nanti inyama izyalinga ukukozezya umoto wakocela Leza impolelwa.

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

Yelemiya 31:22

Uzye ulazingota mpaka lilaci, we mwanaci mutalami? Pano Yawe watacita icintu cipya panonsi. Aeci cakuti umwanaci wataswilila kuli iya.

Yelemiya 6:20

Uzye mwati nemo nkasakamala kweneko ubani ukufuma ku Syeba nanti ivisali ukufuma ku mpanga zya kutali? Ala nemo ntange mpokelele impolelwa inu yakoca nanti ivya mawila inu ali yonsi a viteekwa ntayakasi, foo.

Mateo 11:3

“Uzye wewe uli wino Yoane walanzile ukuti akwiza, nanti tumalolelanga muze?”

Luka 1:35

Mungeli amwaasuka ati, “Mupasi Wamuzilo uliza panuli, na maka yakwe Leza uwa papelapela yalakuvimba. Pamulandu uu, umwana wamuzilo alaamwa u Mwana wakwe Leza.

Luka 7:19

Yoane aama yaili amu alondezi yakwe. Ayatuma kuli Yesu ku kumuzya, yati, “Uzye wewe uli wino Yoane walanzile ukuti akwiza, nanti tumalolelanga muze?”

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Galatiya 4:4

Lelo lino nsita yafisile Leza watumile Mwana wakwe, uwizile avyalwa ku mwanaci. Mwana kwene wii wayelanga Masunde yakwe Mose

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

Ayebulai 1:6

Lelo lino Leza wali pipi nu kutuma Mwana nupya iyeli lyakwe mu nsi, wene wavwanzile ati, “Angeli yakwe Leza yonsi yalinzile kumupepa.”

Ayebulai 10:10

Pamulandu wakuti Yesu Klistu wacisile vino Leza walondanga kuti wene acite, swemo swensi kwene twaswefiwa kupitila mu mpolelwa ino umwisikulu waipile lyonga nupya calimwi.

Ayebulai 10:7

Lyene nani mvwanga inti, ‘Apanondi niza we Leza, kuti ncite kulonda kwako, ndivino calembwa pali nene mu lupapulo lwa Masunde yakwe Mose.’”

Ayebulai 10:8

Nkolelo wavwanzile ati, “Wemo usyalonda nupya usyazangila mu kupelwa impolelwa na mawila, nanti mu nyama zino zikaociwa pa kavuwa, nga ni mpolelwa zya kufumya maifyo.” Wene wavwanzile cii nanti angala impolelwa zii zyonsi zikapelwa kulingana na vino Masunde yakwe Mose yakasambilizya.

Ayebulai 2:14

Twazana ukuti yano akwamwa ana, antu akwata munyefu nu wazi. Acino Yesu umwisikulu wizile akolana nayo ku mwili wa untu. Wene wacisile cii kuti mu mfwa yakwe amuno aonone Ciwa, wino uwakwata maka pa mfwa.

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.

Ayebulai 8:3

Simapepo Mukulu wensi akasontwa kuti apeela mawila nga ni mpolelwa zya nyama kuli Leza. Caleka Simapepo witu Mukulu nawe alinzile akwate cimwi cakupeela.

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.

2 Yoane 1:7

Asomvi aingi yasalangana konsi mu nsi. Yene yasyazumila ukuti Yesu Klistu wizile avyalwa wa muntu. Muntu uwaya vivyo wene umusomvi nupya umwanisi wakwe Klistu.