Ayebulai 10:22 - Amazwi Yakwe Leza 2013

²² Caleka lekini tupalamile kuli Leza nu mwenzo uwa cumi nu utailo uwa mpomvu. Lekini tusunge myenzo itu iye iswepe, ni myelenganyizizye itu nayo iye ya untungwa kufuma ku viipe, ni mili itu ifulwe na manzi aswepe.

Ayebulai 10:22 Iomraidhean Croise

1 Yamwene 15:3

Abiya wene wacisile amaifyo yonsi yano isi wacisile. Wene atali uwacumi kuli Yawe nu mwenzo onsi, ndi vino Davidi icikolwe cakwe cali.

1 Milandu 12:33

Antu amu mutundu wakwe Zebuluni, asilika ali a yanyela ku kulwa inkondo, nupya aiteinye ukuya ku kulwa ni vyanzo vya misango yonsi, nayo yali 50,000. Yaile ku kwazwa Davidi nu mwenzo onsi pyu.

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

1 Milandu 29:17

We leza wane, imanyile ukuti wemo ukaezya umwenzo wa muntu ali wensi, nu kuti ukazangila mu muntu akacita ivisuma. Ndakai nailolela ni nsansa kuno antu yako yakupeela kunuli mu kuitemelwa.

Masamu 111:1

Namataizyanga Yawe nu mwenzo wane onsi, mwi uvi lya ukongano wa antu yakwe.

Masamu 119:10

Nkakuvula uku mwenzo wane onsi, utaleka napuzya umwi sunde lyako.

Masamu 119:145

Nkulila kunuli nu mwenzo wane onsi, ungasuke, we Yawe. Nani namayela amalamulo yako.

Masamu 119:2

Alongo ayayo akawaka amasunde yakwe nu kumulonda ni myenzo yao yonsi.

Masamu 119:34

Ndondolwela amasunde yako, nu kuyela namayayelanga nu kuyawaka nu mwenzo wane onsi.

Masamu 119:58

Nkukulenga uku mwenzo wane onsi, undole luse luse ndi muno walaila!

Masamu 119:69

Nanti angala avilumba yakuntumpwila, lelo nemo nkayela amasunde yako nu mwenzo onsi.

Masamu 119:7

Lyene ningakuwanzya nu ku mwenzo mpee, apa kusambilila ivyeo vyako ivya ulungami.

Masamu 119:80

Leka nayela amasunde yako, nupya ntaya ni nsonyi zyakucimviwa.

Masamu 32:11

Mwasansamuka mwensi mwe yakacita yaololoke, apamulandu navino Yawe wacita! Mwensi mwe muno mukamuzumila pundini ni nsansa, umilini utupundu!

Masamu 51:10

We Leza, mpeko umwenzo wa kuyela uwike munondi umwenzo upya uposye.

Masamu 73:28

Lelo nemo natemwisya ukukupalamila, we Leza! Akuli wewe we Yawe akuno nemo nazina, apakuti inalumbilizya vyonsi vino wemo ukacita.

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Masamu 9:1

Namakutaizya we Yawe, nu mwenzo wane onsi, namataka ni vicitwa vino wacita ivyakuzunguka.

Masamu 94:15

Ulungami nupya kwene ulazanwa umu vilye vya uputuzi, nga antu ya myenzo yololoke yalaulondela.

Kufuma 29:4

“Wize na Aaloni ku mulyango wi Taalu lya Ukongano pamwi na ana yakwe aonsi,

Mapinda 23:26

Mwanane, ala sumba amano kuli vino nkukunena, uwalola vino nkaikala mu umi wane.

Ezaya 29:13

Icacumi Umwene akuvwanga akuti, “Antu yaa yene yakalanda ukuti yakampepa fwandi yakazaila sile, na mano yao yaya kuze kuze. Amasunde ya antunze ni ntambi zyao, ali vino yakaiusya sile mu mutwe, yene ali mapepo yao.

Ezaya 52:15

Ali vino alalenga ukuti imitundu iingi izunguke, na yamwene kwene yatalalanda apakulola icata cakwe, apakulola cino citatazile cilandwapo, nanti ukulola cino citatazile cuvwike.”

Yelemiya 24:7

Ndayapeela umwenzo wakumanya ukuti nene indi Yawe. Yene yalaya antu yane, nga nani ndaya Leza wao, pano yalaweluluka kunondi ni myenzo yao yonsi.’”

Yelemiya 3:10

Vivyo vyonsi vitalenzile Yuda, kaci wakwe cizelele muze, ukuweluluka kunondi nu mwenzo wakwe onsi. Lelo wene wacitanga cico umwisyente.” Ivyalanda ne Yawe.

Yelemiya 30:21

Intunguluzi yao ilaya iya mutundu wao. Uwa kuyateeka alafuma pakasi kao. Ndaleka ukuti aize kunondi nu kumpalamila, pano kutanga kuye angaitemelwa ukumpalamila.” Ivyalanda Yawe.

Ezekelo 16:9

“Natoozile na manzi, nakufula uwazi wa mbuza nakupaka na mafuta.

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Aina Levi 14:7

Simapepo alinzile kusansa uwazi maila cinimbali pa muntu wino akuswefiwa ku ndwala yakwe tembwe. Lyene alinzile kumunena ukuti wataswefiwa. Simapepo alinzile kuta icunyi cino yatakomile kuti cipapuke, kusalala mu vyalo.

Aina Levi 16:4

Lyene Yawe apeela malamulo yaa. Lino Aaloni atali aingile mu Ncende Yamuzilo kuluta, alinzile kufulala umwili onsi nu kuzwala vyakuzwala vyamuzilo, mwingila, kaputula, na tulibani.

Aina Levi 8:6

Lyene Mose aleka kuti Aaloni na ana yakwe iize nkolelo nga nu kufulala.

Zakaliya 13:1

Yawe Wamaka yonsi wavwanga wati, “Lino insita iya ilafika, intulo yonga ilapongwela amanzi, yano ana yakwe Davidi na ina Yelusalemu yalafulala ku ukowezi wao.

Mpendwa 8:7

Na pakuyasangulula, uwacita vii. Uwayakanyila amanzi pa kuyasisizya inkota zyao. Nupya yalinzile yapele apali ponsi ku mwili wao, alino nu kufula insalu zyao zyakuzwala, ale alino yasangululwa.

Mateo 3:11

Nemo nkumuwatizya na manzi kulanga ukuti mwati muzenzuka, lelo wino akwiza pacisila cane wene uwa maka kunduta. Ntaine kusenda ndyatu zyakwe. Wene alamuwatizya na Mupasi Wamuzilo nu moto.

Luka 1:1

Musambazi Teofilo, antu aingi yezya na maka kulemba pa vintu vino vyacitika pakasi kitu.

Yoane 3:5

Yesu aasuka ati, “Cumi, nakunena vino, umuntu ndi atavilwe ku manzi na kuli Mupasi Wamuzilo, wene atangingila mu Wene wakwe Leza.

Yoane 8:9

Nao lino yuvwa cii, yonsi kwene yafuma wenga wenga, kutandika ku mukalamba kufika nu ku munono. Yesu asyala wenga nu mwanaci ala aimi papa kwene.

Milimo 22:16

Uzye lyene, ndakai ukulengela uli? Katuka uwatiziwe uswefiwe ku maifyo yako apakwama pi zina lyakwe.’

Milimo 8:21

Utakweti imbali nanti wankanyo mu mulimo witu, pano mwenzo wako usi wololoke pa manso yakwe Leza.

1 Kolinto 6:11

Yamwi munomuli mwali wakwe yaa. Lelo mwaswefiwa kufuma ku maifyo, nupya mwaipelesya kuli Leza mu, Mwene Yesu Klistu na Mupasi Wamuzilo, anga lyene mwaya aololoke pa manso yakwe Leza.

2 Kolinto 7:1

Mwe yacuza, Leza uwacita malayo yaa. Acino tulinzile kufumako ku vintu vyonsi vino vikakowezya mili nga ni mipasi itu. Acino pa koopa Leza twaezya kuya amuzilo.

Efeso 3:12

Muli Klistu nu mu utailo witu munoli akatupeela kuposya nga nu kuntatwisika, pakuti tungiza kuli Leza nu kupama.

Efeso 5:26

Wene wacisile iuvi kuya ilyamuzilo kupitila mu kuliswefya na manzi nga na mazwi yakwe.

Efeso 6:5

Namwe mwe azya mwayela asambazi inu mu coopo nu kuzakaza. Mwacita cii ni cumi wakwe vino mungatumikila Klistu.

1 Timoti 4:2

Masambilizyo ali ndi yaa, yakasalanganyiziwa mu usomvi wakwe yakasambilizya yaufi, yano yakampingu yao yafwa, kwati yocewa ni cela cikaye.

Tito 3:5

wene watutuuzile. Citali apamulandu wa vicitwa visuma vino twacita, lelo apamulandu wa mizu yakwe umwisikulu acino watutuulile. Wacisile cii pa kutufula mu maka yakwe Mupasi Wamuzilo, wino uwatulenga kuvyalwa cipya cipya nu kutandika umi upya.

Ayebulai 10:1

Masunde yakwe Mose yalanga umusango uzimantukile uwa vintu visuma vikwiza. Yene yali sile unkolanya wa vintu vikwiza. Acino nanti mpolelwa zyapeelwanga cila wanda na cila mwaka, lelo Masunde yakwe Mose yaposiwa ku maka ya mpolelwa kulenga antu yaye afumaluke.

Ayebulai 10:19

Inane, swemo lyene tukweti untungwa umalilike uwakwingila mu Ncende Yamuzilo Kuluta, pano Yesu watufwilile.

Ayebulai 11:28

Utailo uwalenzile kuti Mose acite Ucilo nu kupeela ilamulo ku antu lyakukanya uwazi pa mema kuti mungeli wino wali nu kukoma mayeli atakoma mayeli ya ina Izlaeli.

Ayebulai 12:24

Mwati mwiza kuli Yesu wakukundanya antu na Leza mu upangano upya nga nu ku wazi wakwe wapongolwilwe nu kukanyiwa muno mwaya vintu visuma cuze vyalavilwe kuluta, ivyamu wazi wakwe Abeli.

Ayebulai 4:16

Lyene lekini tutaile nu kupalamila ku cilimba ca wene cakwe Leza, kuno kuli cikuku. Tulapokelela mizu nu kuzana cikuku cakutwazwa lino twalonda kwazwiwa.

Ayebulai 6:11

Kulondesya kwitu kukulu ukwakuti cila muntu munomuli alinzile atwalilile kucita visuma kufika nu ku mpelelekezyo, kuti vino mukapaalila vikafikiliziwe.

Ayebulai 7:19

Pano Masunde yakwe Mose yatalenzile muntu kuya mufumaluke. Ndakai twapelwa upaalilo usuma cuze nupya wene ungatupalamika kuli Leza.

Ayebulai 9:10

Cili vivyo pamulandu wakuti vyene vikaomviwa mu malamulo ya milile, nu kumwa nga ni misango ipusanepusane iya kuswefiwa. Vii vyonsi amalamulo ya pa vintu vino vikaloleka, yano yakuomba kufika lino Leza alaleta utantiko upya.

Ayebulai 9:19

Nkolelo Mose wanenyile antu masunde yonsi ndi vino Leza wamupile. Lyene atoola wazi wakwe yacipambasi ya ng'ombe nu wa mbuzi, atikanya na manzi, nga ausansa pa lupapulo lwa Masunde, na pa antu onsi, ala akuomvya kamuti kakwe isopu na mavumbu ya mfwele ayenzu.

Yakobo 1:6

Lelo lino mukulenga cimwi mwataila kwaula kutwisika. Muntu ali wensi wino akatwisika wene wakolana wi imbi lya pali yemba lino likusunkwa ni cipupu.

Yakobo 4:8

Mupalame kuli Leza, nga nawe amapalama kunomuli. Mwe yakaifya, namwe fulalini minwe inu! Mwe asomvi, namwe swefini myenzo inu!

1 Petulo 1:2

Mwemo Leza Tata wamusolwile kuti muye antu yakwe, nga nu Mupasi wakwe wamucita kuya amuzilo kuti mwayela Yesu Klistu na kuti mwaswefiwa nu wazi wakwe. Leza aye ni cikuku kunomuli, nupya amupeele mutende uvule cuze.

1 Petulo 3:21

Manzi yaya yali icilangililo casontelelanga ku luwatizyo luno lukumutuula ndakai. Lwene lusi wa kufulwa kwa mwili, lelo kupapatila Leza kuti yakampingu itu yaswefiwe kupitila mu kuzyukuka kwakwe Yesu Klistu kufuma ku afwe.

Umbwilo 1:5

Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu