Ayebulai 1:8 - Amazwi Yakwe Leza 2013

⁸ Alino pa Mwana wakwe Leza wavwanzile ati, “We Leza, cilimba ca wene wako cilikalilila manda pe! Ulungami ili ntuwa ya wene wako.

Ayebulai 1:8 Iomraidhean Croise

2 Samueli 23:3

Leza wa ina Izlaeli avwanga, Ciliwe camu Izlaeli icinena citi, “Wino akaateka antu yakwe mu ulungami, wino akateeka umu coopo cakwe Leza,

Masamu 145:13

Uwene wako uwene wa muyayaya, nga utesi wako uwa manda pe. Yawe wene akafikilizya amalayo yakwe, wene akalanga icikuku ku viumbwa vyakwe vyonsi.

Masamu 72:7

Leka usuma uvulisye apa nsita ino Mwene ali pano nsi, ni syuko lya antu likayeko insita yonsi, ukufika na pano umwezi ulata ukuya penepo.

Masamu 99:4

Mwene uwamaka, awewe watemwa ukulungika, waletela aina Izlaeli ulungi. Wayaletela iviziipe ni vyacumi.

Ezaya 45:25

Lelo muli Yawe amuno yonsi amu mupanda wakwe Yakobo yalacimvya nga yamulumbanye.’ ”

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

Yelemiya 38:15

Yelemiya nawe anena Zedekiya ati, “Ndi cakuti nakunena icumi, uzye utamankoma? Nupya ndi cakuti nakupanda amano, wemo usikunguvwa foo.”

Oseya 1:7

Lelo nanti cili vivyo nemo ndatemwa amu mutundu wakwe Yuda, nupya ndayatuula uku maka yane, ne Yawe Leza wao. Ntalayatuula apakuomvya ulapwa, nanti amalupanga, nanti mfwalasi na asilika akakwela pa mfwalasi, ndi vino cikaya apakulwa inkondo, awe.”

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Malaki 3:1

Yawe Wamaka yonsi wavwanga wati, “Lolini ndatuma inkombe yane, ino ilanteyanyizizya umwakupita. Lyene mu nsita ino mutenekile umwene wino mukalonda aliza ku Ng'anda yakwe ikulu. Inkombe ya upangano, ino mwalukisya ukulola, iliiza nu kukosola upangano wane.”

Mateo 1:23

“Umukazyana atamanya umonsi alasenda indilwa nupya alavyala umwana umonsi, nga yalamutemela izina yati a Emanueli,” (kuli kuti, “Leza ali naswe”).

Luka 1:75

kuti twaikala mu umi wamuzilo nu wololoke pa manso yakwe, mu manda ya umi witu onsi.

Yoane 10:30

Nemo na Tata twaya wenga.”

Yoane 10:33

Ayuda yaasuka yati, “Pasi apa vicitwa visuma pano tukulonda tukutame na mawe, lelo apa mazwi yako a misuli kuli Leza! Wewe muntu sile nga ukwezya ukuicita kwati wewe Leza.”

Yoane 20:28

Tomasi amunena ati, “Mwene wane, Leza wane.”

Loma 9:5

Yene ivizikulula vya vikolwe vitu vilumbuke, na Klistu kwene uwamu mupanda wa mutundu wao. Leza, wino waya na maka pali vyonsi, alumbanyiwe manda pe! Ameni.

1 Kolinto 15:25

Pano Klistu alinzile kuteeka kufika lino alacimvya anisi yakwe onsi.

Malango 2:37

Lelo ukulingana ni lamulo lino Yawe watupeezile, swemo tutaile ku mpanga ya ina Amoni nanti ku nkumba ya Luzi lwa Yaboki nanti ku misumba ya mpanga ya myamba nanti ku ncende yuze ili yonsi kuno wene watulesizye ukufika kweneko.

Malango 7:14

Impanga yonsi pano yapela, kutalaya alakwata upolelelo ukankala ngu winu. Kutalaya umonsi nanti umwanaci wenga panomuli wino atalakwata umwana nanti iviteekwa vinu vino vitalakwata ana.

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

2 Petulo 1:11

Mu musango kwene uu, wene alamuyulila mulyango wakwingila mu Wene wa manda pe, uwa Mwene na Katuula witu Yesu Klistu.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.