Amosi 1:9 - Amazwi Yakwe Leza 2013

⁹ Yawe wavwanga wati, “Pamulandu wakuti aikazi aku Tuli yacili yakutwalilila ukwifya, nemo ntalata ukuyavunuka. Yene yatozile uluko lonsi pyu lwa antu asyalapo, nu kulusenda yalutwala umu uzya ku Edomu, ukwaula kusunga icipangano ca wina cici.

Amosi 1:9 Iomraidhean Croise

2 Samueli 5:11

Lyene Hilamu umwene waku Tuli atuma inkombe kuli Davidi ni vilongelelwa ivya uculuzi. Wayalongelizye imilando ya mikelide, pamwi na yakawaza ya mbao na yakaconga ya mawe, nga nayo iyakuulila Davidi isano.

Masamu 83:7

aina Gebali, aina Amoni na ina Amaleke, aina Filisti kumwi na ina Tuli.

Yelemiya 25:22

Yamwene yonsi aku Tuli, yamwene yonsi aku Sidoni nga na yamwene aku vilila vyakwe yemba waku Mediteleniani.

Yelemiya 47:4

Pasi pano lyene uwanda watiwiza uwakulovya aina Filisti yonsi, uwanda wakucilikilako asyala yonsi yano yangazwilizya aina Tuli na Sidoni. Yawe ali pipi nu konona aina Filisti, insyazi zyamu nkumba yakwe Kulete.

Ezekelo 27:1

Yawe avwanga kunondi ati,

Ezekelo 27:27

Ivyuma vyako vyonsi vya uculuzi, vyalowela muli yemba, na yakapisya yako yonsi, na yakalungisya yako, na aculuzi yako, ni viya vyako vyonsi vino ukasenda, yonsi pyu yaunzile nu kumwela, lino we ciwato wononike.

Ezekelo 28:1

Yawe avwanga kunondi ati,

Ezekelo 28:18

Wakowezya incende yako yamuzilo ku maifyo yako avule nu ku ucenjezi wako wa uculuzi. Nafumya munuli umoto ulakoca, nakusangula itwi pansi, pa manso yakwe yonsi akuweni.

Amosi 1:11

Yawe wavwanga wati, “Pamulandu wakuti aikazi aku Edomu yacili yakutwalilila ukwifya, nemo ntalata ukuyavunuka. Yene yazinginye akazi kao ala yalemile amalupanga, ukwaula kuyakwatila uluse, pasi pano yali nu ukali ni cipyu ivitangazusiwa.

Amosi 1:6

Yawe wavwanga wati, “Pamulandu wakuti aikazi aku Gaza yacili yakutwalilila ukwifya, nemo ntalata ukuyavunuka. Yene yatozile uluko lonsi pyu lwa antu, nu kulusenda yalutwala umu uzya ku mpanga ya Edomu.

Obadiya 1:11

Mwemo mwaimi nu kulolekesya sile kuno anisi yakupokolola icuma cao, nu kucita kwati mwatimumana akapi nayo, lino yakuvuna ivisasa nu kwingila apa mpongolo zya Yelusalemu, ku kwankana icuma.

Zakaliya 9:1

Ii ili mbila ya mazwi yakwe Yawe akuti wene watapingula ukuvunuka impanga ya Hadalaki nga nu musumba wa Damasiko. Pano imusumba yonsi ya ina Alamu iyakwe Yawe, pamwi ndi vino waya ali mweneco wa mitundu yonsi ya ina Izlaeli.

Mateo 11:21

“Kalanda ku antu amu Kolazini! Kalanda ku antu amu Betisaida! Ndi cakuti vinjelengwe ivyacisilwe munomuli vyacisilwe nu ku Tuli na Sidoni, antu ya kuku yange yazwale masaaka nu kuiswela itwi kuti yalange vino yati yazenzuka.

Mateo 11:22

Lelo namunena nati, pa wanda wa upinguzi, mwemo mulavunukwa kuluta antu amu Tuli na Sidoni.

Luka 10:13

“Kalanda ku antu amu Kolazini! Kalanda ku antu amu Betisaida! Ndi cakuti vinjelengwe ivyacisilwe munomuli vyacisilwe nu ku Tuli na Sidoni, antu ya kuku yange ikale pansi, yazwale masaaka, nu kuiswela itwi kuti yalange vino yati yazenzuka.

Luka 10:14

Lelo pa wanda wa upinguzi, mwemo mulavunukwa kuluta antu amu Tuli na Sidoni.