Amosi 1:5 - Amazwi Yakwe Leza 2013

⁵ Indonona impongolo zya misumba yakucingilila umusumba waku Damasiko. Indononela calimwi umwene wensi akateeka uku Cifoloma caku Aveni. Na wensi akulemelela intuwa ya wene uku Beti Edeni. Antu aku Alamu yalasendwa umu uzya ku mpanga yaku Kili.”

Amosi 1:5 Iomraidhean Croise

2 Yamwene 14:28

Ivintu vyuze vyonsi vino Yeloboamu wacisile, ni milimo yakwe yonsi, na vino watukwite ivya vita, ukwika penepo na vino wapokolwile nu kuwezezya aina Izlaeli umusumba wa Damasiko nu wa Hamati, iyali iyakwe Yaudi, vyalembwa mu lupapulo lwa Milandu yakwe Yamwene aku Izlaeli.

2 Yamwene 16:9

Umwene wa ina Asilya nawe amuuvwa. Akatuka aya azanza umusumba wa Damasiko nu kuupoka. Asenda antu aikalanga mwenemo wa afungwa, ayatwala uku Kili nga akoma na Lezini.

Ezaya 22:6

Ivita vyamu Elamu vyali viizile pa mfwalasi, ala vyati visenda na malapwa ni nceto. Ivita vyaku Kili navyo kwene vyali viizile ala vyativizwalila ni visyangu vya viko.

Ezaya 43:14

Yawe, Mukuluzi winu, Wamuzilo wilya wakwe Izlaeli, wavwanga wati, “Apamulandu wakumupususya ndatuma impuka ya vita kuti vikalwisye aina Babiloni. Ndawisya imifikilo ya mpongolo, cakuti utupundu tuno amu musumba yakapunda, tulasanguka impooma.

Ezaya 8:4

Pano alala mwana atacili wamanya ukwama ati, ‘Tata’ nanti ‘Mayo’, mwene waku Asilya ale wasenda mpiti ivyuma vyaku Damasiko ni visampwe vyonsi vyaku Samaliya.”

Yelemiya 50:36

Ulupanga lwa nkondo lukulwisya yakasema, kuti yasanguke iviwelewele! Ulupanga lwa nkondo lukulwisya ivita vyakwe, kuti vice vyazakaza sile uku ntete.

Yelemiya 51:30

Alino lyene ivita vyaku Babiloni vilata ukulwa, vilikala sile cele, umu maceleta yaviko. Amaka yaviko yalasila. Vilaya sile wa anaci. Amang'anda yakwe Babiloni yalatumuka umoto. Imikolongelo ya mpongolo zyakwe ilavunoka.

Nyimbo zya ndosya 2:9

Impongolo zyati zyononeka. Imifikilo nayo yakontoka kumwi ni mikolongelo. Umwene wamuno mpanga kumwi na makombe yakwe yasendwa uzya ku inamasi. Kusi nanti umwi uwakusambilizya amazwi yakwe Leza. Nanti sile a yakasema yakwe kwene yatiyata ukulola ivilolwa ukufuma ku Mwene.

Ezekelo 27:23

Amu misumba ya Halani, Kane na Edeni, nga na aculuzi aku Syeba, aku Asyuli na aku Kilimadi yaculuzyanyanga nawe.

Ezekelo 30:17

Alumendo amu musumba wa Heliopolisi nu ku Bubastisi yalakomwa ku lupanga, nga na ikazi amu misumba iyo yalasendwa mu uzya.

Oseya 10:8

Ncende zyakupepelapo tuleza twaufi, utwalenga kuti aina Izlaeli yifye, zilononwa. Imyunga na yakasokopyo vilamela nu kukula apa tuvuwa twao. Antu yalanena imyamba iyo yati, “Tufisini!” Yalanena utulundu yati, “Tufupilizini!”

Amosi 5:5

Lelo mutakongana ku Betele ku kupepa, nanti ukwingila mu Giligali ku kundonda, nanti ukuya pa lwendo ku Belisyeba. Cumi kwene aina Giligali yalasendwa umu uzya, nu musumba wa Betele ulaongolokela limwi.”

Amosi 9:7

“Uzye mwe ina Izlaeli mutakoline na ina Kusyi? Avino Yawe wavwanga. Uzye asi nene nafumizye aina Izlaeli ku Eguputo? Uzye asi nene nafumizye aina Filisti ku Kafitoli na ina Asilya ku Kili?

Naumi 3:13

Silolini ivita vinu, vyonsi kwene visi na maka wa anaci! Imikolongelo yapa mpongolo yako ilayulila anisi yako, nga nu moto ulonona imikolongelo kwene iyo.