2 Petulo 1:8 - Amazwi Yakwe Leza 2013

⁸ Vii vili vintu vino mulinzile kukwata. Ndi mwavulilwa vintu vii, vyene vilamulenga kuti mwaombesya na maka pa kumanya Mwene witu Yesu Klistu.

2 Petulo 1:8 Iomraidhean Croise

Mapinda 19:15

Ukasu ukalalikizya umuntu umutulo utukalamba, nga nu muntu umukasu alafwa uku nzala.

Mateo 13:22

Imbezu izyaponile mu myunga, ayao akauvwa mazwi yakwe Leza. Lelo masakamiko ya wikazi uwamu nsi ii, kusombwa nu ukama, vikaingila nu kutotola mazwi, alino yasyaseeka vizao.

Mateo 20:3

Alino nupya afuma pa 9 koloko, alola yauze yaimi mu museo wi sokoni aula cakuomba.

Mateo 20:6

Lyene manguzi pa 5 koloko apita nupya aya azana nayauze kwene ala yaimi. Alino ayauzya ati, ‘Pacani muimi pano musanya onsi kwaula kuomba?’

Mateo 25:26

“Mwene wakwe nawe amunena ati, ‘We muomvi mwipe nupya mukasu. Uzye fwandi wamanyile vino nkazombola pano ntakomile, nu kukolonganika pano ntasansansile?

Yoane 15:2

Tata akasisya misambo yonsi muli nene ino isyaseeka vizao, nga yonsi ino ikaseeka, yene akaitungwila kuti izifiwe nu kuseeka vizao vingi.

Yoane 17:3

Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.

Yoane 5:42

Lelo namanya vino mwaya. Namanya vino mu myenzo inu mutaya kutemwa Leza.

Loma 12:11

Mwaombesya pa kutumikila Mwene. Mutaya akasu Mwatumikila Mwene nu muzonda.

1 Kolinto 15:58

Caleka, mwe inane akundwe, komelikini nupya tekelini mutanenuka. Cincilini lyonsi lino mukutumikila Mwene. Mwamanya ukuti mukuombela Mwene mutaya kucula sile.

2 Kolinto 13:5

Muyezye mweisikulu pakuti muilole ndi mu cumi mukwikala mu utailo. Lelo ndi Klistu asyaikala muno muli, ale lyene mwaposiwa.

2 Kolinto 8:2

Yene yeziwe cuze na macuzi yano yapisilemo. Lelo luzango lwao lwali lukulu cuze cakuti kupeela kwao kwali kukulu cuze nanti angala yali apina cuze.

2 Kolinto 8:7

Mwemo mukacita vintu vyonsi ningo kuluta muntu ali wensi. Mukweti utailo ukome kuluta. Mukalanda ningo nupya mwamanya vintu vingi kuluta. Mukalondesya kupeela, nupya mwatutemwa cuze. Caleka ndakai mulinzile kupeela kuluta vino muntu ali wensi angacita.

2 Kolinto 9:14

Mu kutemwa kukulu yalamupepela pamulandu wa cikuku cakwe Leza cino wakwata kuno muli.

Filipi 1:9

Nkulenga Leza kuti kutemwa kwinu kwakulilako lyonsi pamwi na mano akumanya nu kupingula ningo,

Filipi 2:5

Mwacita nu kwelenganya mu musango uli onga na uno Klistu wakweti.

Filipi 3:8

Kusi cintu cingaya nu muzano kuluta kumanya Klistu Yesu Mwene wane. Pamulandu wakwe Klistu nemo nasumba vyonsi kuya wa vikona, kuti muzano wane uye a Klistu

Kolose 1:10

Lyene mulaya na maka akwikala ndi vino Mwene akalonda nga lyonsi mulacita vintu vino vikazanzya Mwene. Mu umi winu mulacita visuma, nupya namwe mulakula mukumanyikisya Mwene.

Kolose 2:7

Ikini misisi munoli, nu kuleka kuti wene aye mufula wa umi winu. Muye akomeleke mu utailo winu, wakwe vino mwasambiliziwe. Nupya mulinzile kutaizya cuze.

Kolose 3:16

Lekini Ilandwe lyapali Klistu likale mu myenzo inu, mu ukama wi landwe mwasambilizyanya nu kutungululana na mano onsi. Mwaimbi nyimbo zya kulumbanya, ni zyamuzilo kuli Leza. Mwaimbila Leza ni ntaizyo mu myenzo inu.

1 Tesalonika 3:12

Lekini Mwene avuzye kutemwa kuno mwatemwana, nga nu kutemwa antu yauze, ndi vino wavuzya kutemwa kwitu kunomuli.

1 Tesalonika 4:1

Pa kumalila, mwe ina itu, mwemo mwasambilile kunotuli pali vino mulinzile kwikala pakuti muzanzye Leza. Endi, vivyo kwene avino mukaikala. Lyene ndakai mwi zina lya Mwene Yesu tukumupapata nu kumukonkomezya kucita cili conga nu kuluta.

2 Tesalonika 1:3

Mwe ina itu, tulinzile kutaizya Leza nsita zyonsi. Catuzipila kucita cii, pamulandu wakuti utailo winu ukukula cuze nga nu kutemwana pakasi kinu kukukulilako.

1 Timoti 5:13

Nupya yakasumba insita zyao mu kuzeya ku ng'anda ni ng'anda. Lelo icaipisya kuluta cakuti yene yakucita ukwakwa ni cinduvyanya, yala yakulanda vintu vitalinzile kulandwa.

Tito 3:14

Antu itu yalinzile kusambilila kuomvya insita zyao mu kucita visuma. Yene yalinzile kucitila antu visuma yano alingine kwazwiwa. Lyene antu itu yatalikala mwa ukasu.

Filimoni 1:6

Ipepo lyane ilyakuti utandano witu namwe ataila, ulalenga ukuvwikisya mulimo uno tukaomba.

Ayebulai 6:12

Tusyakulonda kuti mwemo muye akasu. Lelo mulinzile kuya wakwe yao ataila nupya yano akateeka myenzo, nga yapokelela vino Leza walaya.

2 Petulo 1:2

Leza aye ni cikuku kunomuli, nupya amupeele mutende cuze kupitila mukumanya Leza na Yesu Mwene witu.

2 Petulo 1:3

Leza mu maka yakwe watupeela vyonsi vikalondekwa kuti mucumi twikale umi uwa kupepa. Cii cacitika apa kumanya kuno twamanya wiyo uwatwama kuti tukume ku lulumbi nga nu ku usuma wakwe.

2 Petulo 2:20

Lino antu yasambilile pali Yesu Klistu, Mwene nupya Katuula witu, yene yatuuzilwe ku vintu vikowele ivyamu nsi. Lelo nupya ndi yalemwa nu kutungululwa ni vintu vii ivya winyi, ale lyene yali mu mwata uwipisye kuluta vino yali nkolelo.

2 Petulo 3:18

Lelo mwemo mutwalilile kukula mu cikuku nga nu mukumanya Yesu Klistu, Mwene witu nupya Katuula witu. Kunoli kuye lulumbi, ilelo na manda pe! Ameni.