1 Samueli 7:3 - Amazwi Yakwe Leza 2013

³ Samueli anena aina Izlaeli ati, “Ndi cakuti mwawelela kuli Yawe ni myenzo inu yonsi, fwandi mulinzile ukusumba tuleza twa inamasi na maunkolanya yakwe tuleza twa inamasi na yakwe Asyitaloti. Muipelesye sile kuli Yawe wenga mpo, awino mwatumikila. Nawe alamutuula ku maka ya ina Filisti.”

1 Samueli 7:3 Iomraidhean Croise

Utandiko 35:2

Caleka Yakobo anena amu ng'anda yakwe na yonsi ali nawe ati, “Sumbini tuleza twa inamasi tuno muli nato, muisangulule muzwale ivizwalo visuma.

1 Yamwene 11:33

Ndacita vivyo pamulandu wakuti Solomoni wiyo wamfutatila, atatandika nu kupepa Asyitaloti, kaleza kanaci ka ina Sidoni, na Kemosyi, kaleza kanaci ka ina Moabu, alino na Moleki, kaleza ka ina Amoni, Solomoni wata ukuntontela. Wene akucita ivintu vya winyi nupya asikusunga amasunde yane ni vyeo vyane wakwe vino isi Davidi wacitanga.

1 Yamwene 8:48

Mu mpanga kwene iyo muno yali, ndi cakuti yazenzuka umu cumi cumi yatandika nu kukupepa ala iyasenukila nu ku mpanga ii, ino wapile antu yako, na manso yalozizye ku musumba uno we mweneco wasolola, nu ku Ng'anda ikulu ino nakukuulila,

2 Yamwene 17:39

Muce mwauvwila nene ne Yawe Leza winu, nani ndamutuula lyonsi uku anisi inu.”

2 Yamwene 23:15

Yosiya wononyile ni ncende ya kupepela mwenemo utuluwi, iyayelile mu musumba wa Betele, ino Yeloboamu umwana wakwe Nebati wakuuzile. Yeloboamu wiyo uwalenzile ukuti aina Izlaeli yonsi nayo yaifya. Yosiya atamola utuvuwa tonsi, kumwi namawe kwene yano yakuulile ayasyunola nu kuyasyunola. Nupya ayoca kumwi nu lucesi ulu cindame sana luno yaomvyanga apa kupepa Asyela.

1 Milandu 22:19

Acino mulinzile mwatumikila Yawe Leza winu na mano inu nga nu mwenzo winu onsi. Tandikini ku kuula Ng'anda ikulu yakwe Yawe, pakuti mwike mwenemo Mbokosi ya Upangano yakwe Yawe nga ni viombelo vyuze ivyakuomvya apa kumupepa.”

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

2 Milandu 19:3

Lelo nanti cingaya vivyo, kuli ivisuma vimwi vino wacita, pasi pano wemo wonona maunkolanya yakwe Asyela umu mpanga ii yonsi nu kukwata umwenzo wakulondesya Leza cila nsita, vitalililika.”

2 Milandu 20:33

Lelo incende zyakupepela mwenemo utuluwi atononyile. Alanga antu aingi yatatala yazenzuka nu kupeela imyenzo yao kuli Yawe Leza wa vikolwe vyao.

2 Milandu 30:19

wiyo wensi wino wika umwenzo wakwe ku kulondalonda Yawe, Leza wa vikolwe vyakwe, nanti angala wene asi umuswefiwe ukulingana na masunde.”

Mapinda 16:1

Umwenzo wa muntu ukapanga amapange, lelo upinguzi waya kuli Yawe.

Ezaya 55:7

Umwipe ate imisango yakwe, ni ntalanganyi nayo amapange yakweyo. Kayale sile yasenukile kuli Yawe, ukuti ayelele uluse, kuti Leza witu nawe alayelela cuze.

Yelemiya 24:7

Ndayapeela umwenzo wakumanya ukuti nene indi Yawe. Yene yalaya antu yane, nga nani ndaya Leza wao, pano yalaweluluka kunondi ni myenzo yao yonsi.’”

Yelemiya 36:3

Nalimwi Ayuda ndi cakuti yuvwa uyi onsi uno napingila kuyacitila, yangafuntuka ku nzila zyao iziipe, apakuti nani njuvwileko uluse ku uyi wao nu ku maifyo yao.”

Yelemiya 4:1

Yawe wavwanga wati, “Mwe antu amu Izlaeli, ndi mukasi ukwaluluka, lyene mwalukile sile kunondi. Sumbini utuluwi twinu utwa winyi tuno napata wakwe cimwi, nupya mutapumboka umu nzila.

Ezekelo 14:6

“Caleka unene aina Izlaeli ukuti Yawe Simwandalali wavwanga wati, ‘Zenzukini! Fumini ku tuluwi twinu nu kuta imicitile inu iipe!’

Ezekelo 18:31

Tiini iviipe vyonsi vyampiti. Senulini amano inu ni myenzo inu. Uzye icani cino mwe ina Izlaeli mungalondela ukufwila?

Oseya 14:1

Mwe ina Izlaeli welini kuli Yawe, Leza winu, pano mwemo mwapona apamulandu wa maifyo inu.

Mateo 15:8

‘Antu yaa yakancindika sile mu mazwi yao. Lelo melenganyo yao yali kutali kufuma kunondi.

Mateo 4:10

Yesu amunena ati, “Senka pano Ciwa, pano calembwa mu malembelo cati, ‘Wapepa Mwene Leza wako, wene wenga sile awino uwatumikila.’ ”

Mateo 6:24

“Pasi umuntu angaombela aene yaili; pano angapata wenga nu kutemwa umuze, nupya angayela wenga nu kusula umuze. Mutangaombela Leza nga ni vyuma.

Luka 4:8

Yesu aasuka ati, “Calembwa mu malembelo cati, ‘Wapepa Mwene Leza wako, wene wenga sile awino watumikila.’”

Yoane 4:24

Leza u Mupasi, na yano akamupepa, yalinzile kumupepela mu Mupasi nu mu cumi.”

Malango 10:20

Mwaoopa Yawe Leza winu nu kumutumikila. Muye akutailwa kunoli nu kucita amalayo inu mwi zina lyakwe aliwe wenga sile.

Malango 13:4

Fwandi muce mwalondela Yawe Leza winu nu kumupeela umucinzi. Sungini amasunde yakwe nu kumuyela. Mwamuombela nu kuya akutailwa kunoli.

Malango 4:29

Kuku kwene ali kuno mulatandika nu kulonda Yawe Leza winu, nga ndi cakuti mwaca mwamulonda ni myenzo inu yonsi nu umi winu onsi, lyene mulamuzana.

Malango 6:13

“Mwaoopa Yawe Leza winu. Mwamupepa aliwe wenga sile nu kucita ivilayo umwi zina lyakwe mpo.

Yoswa 13:31

na citika wakwe Gileadi, na Asyitaloti na Edilei (imisumba yaku wene yakwe Ogi umwene waku Basyani). Ili mpanga ino yapile amu mupanda wakwe Makili, uluko nu luko.

Yoswa 24:14

Lyene Yoswa atwalilila kuvwanga ati, “Fwandi lyene mulinzile koopa Yawe nu kumutumikila umucumi nu mukutailwa. Sumbini tuleza tuno ivikolwe vinu vyapepanga ku mbalama ya Luzi lwa Yodani nu mu Eguputo, nga mwatumikila Yawe.

Yoswa 24:23

Yoswa nawe ayanena ati, “Fwandi sumbini tuleza tuno tuli pakasi kinu nu kufima imyenzo inu iye iyakuyela Yawe, Leza wa ina Izlaeli.”

Yakapingula 10:16

Acino aina Izlaeli iyasumba tuleza utwa inamasi nga iyatumikila Yawe. Nga Yawe auvwila aina Izlaeli ulanda pa ntazi zyao.

Yakapingula 10:6

Nupya kwene aina Izlaeli yiifya kuli Yawe pa kupepa maunkolanya yakwe Baali na yakwe Asyitaloti, nga na tuleza tuze twa ina Alamu, nu twa ina Sidoni, nu twa ina Moabu, nu twa ina Amoni, nu twa ina Filisti.

Yakapingula 2:11

Lyene aina Izlaeli iyacita inkota pa manso yakwe Yawe nu kutumikila tuleza tu Baali.

Yakapingula 2:13

Yene iyatazyela Yawe nu kutumikila maunkolanya yakwe Baali na yakwe Asyitaloti.

1 Samueli 31:10

Alino lyene iyakoweka ivyanzo vyao mu ng'anda ikulu yakwe Asyitaloti leza wao, nu kupampamila icala cakwe ku lung'umba lwa Beti Syani.