1 Petulo 3:4 - Amazwi Yakwe Leza 2013

⁴ Lelo kuyemba kwinu kulinzile kuya ukwa mukasi kinu, ukwa kukwata myenzo ifuke nupya itekele manda pe. Pa manso yakwe Leza cii icili campomvu kuluta.

1 Petulo 3:4 Iomraidhean Croise

Masamu 131:2

Nkateeka umwenzo suka iumyalala iuya cele, ungati akana kano kalumuka ukwiyele lyakwe nyina. Ali vino umwenzo wane waya muli nene.

Masamu 147:6

Wene akakatusya aicefya, lelo aipe yene akayasyunola mpaka ku lukungu.

Masamu 149:4

Pano Yawe akazangila mu antu yakwe, aliwe akayacindamika, pakuyapeela ucimvyo.

Masamu 25:9

Akatungulula aicefya umu nzila nsuma, nu kuyasambilizya ukulonda kwakwe.

Masamu 45:13

Umwi sano kwene, ali muno mwaya umwana wa mwene umwanaci, nawe pasi pakuzipa! Ilaya lyakwe lyasumwa nu usavu wakwe zaabu.

Masamu 51:6

Pamulandu wakuti watemwisya ulungi uwamu mwenzo, sokolola kunondi uwile wamano yako.

Ezaya 11:4

Lelo umololoke wene alaputula imilandu ya antu aulilwa, nga nu kupingwila alanda amunsi umu ulungami. Izwi lyakwe lili wa ntuwa ya kuumila alukang'ansi aipe. Nu mupu wamu mulomo wakwe ulakoma umwipe.

Ezaya 29:19

Antu yasilesile kumwi na alanda, yalasyukila insansa wakwe cimwi, zizyo zino Leza Wamuzilo wakwe Izlaeli akapeela antu.

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Ezaya 61:1

Mupasi wakwe Leza wikala munondi, pano aliwe wampaka amafuta, wantuma ukukukosola ilandwe lisuma ku alanda, nu kupozya imyenzo itonte, ku kuuma imbila pa lwa kukululwa kwa azya, nu kusapulwa kwa anyepwe.

Yelemiya 51:59

Lii, ali sunde lino Yelemiya wapile kuli Selaya, umwana wakwe Nelya, umwizikulu wakwe Maseya, wino Zedekiya umwene waku Yuda watumile ku Babiloni. Cico cali mu mwaka walenga iini wa wene wakwe. Selaya wali ali musika wa pa lwendo.

Mateo 11:29

Zwalini ikoli lyane, musambilile kunondi, pano nene wa mutembo, nupya nkaicefya mu mwenzo, nga mumazana upuzo mu myenzo inu.

Mateo 21:5

“Nenini antu amu musumba wa Zioni muti, ‘Lolini, Mwene winu akwiza kunomuli! Wene umufuke, nupya akwezile pali punda. Wene akwiza nupya akwezile pali mwana punda.’ ”

Mateo 23:26

Mwe Afaliseo mpafu! Nkolelo mutale mufule ingako ni mbale mukasi nga lyene nu kunzi kwene zimaya zifule.

Mateo 5:5

Alongo antu afuke. Pano yalapyana insi.

Luka 11:40

Viwelewele mwe! Uzye asi a Leza uwaumvile kunzi nu mukasi kwene?

Luka 16:15

Yesu ayanena ati, “Mwemo mukaizifilizya pa manso ya antu lelo Leza wamanya vyaya mu myenzo inu, pano vintu vino antu yakaelenganya ukuti vyacindamisya kunoyali ala ivya winyi pa manso yakwe Leza.

Loma 1:23

Mu cifulo cakupepa Leza asiifwa, yene yakapepa tuluwi tuno yapanga mu unkolanya wa muntu akafwa nanti vyunyi nanti nyama nanti visela.

Loma 2:29

Lelo Muyuda inkonko umuntu uwaya Muyuda mu mwenzo wakwe, wino mwenzo wakwe wasilamulwa. Kuu, kuli kuomba kwakwe Mupasi Wamuzilo, asi kuomba kwa Masunde yano yalembwa. Umuntu wa musango uu, asi antu akamutasya, lelo Leza akamutasya.

Loma 6:6

Twamanya vino untu witu wa mpiti watanyilwe pamwi na Klistu pa lupanda, kuti myenzo ya ukakasi ifumiwepo, nu kuti maifyo yatatuteeka uzya.

Loma 7:22

Kwene mwenzo wane onsi ukazumilizya Masunde yakwe Leza.

2 Kolinto 10:1

Ne Paulo, nkumupapata, ne muno antu yakati nene cantete lino ndi namwe, lelo mupame lino nsi namwe. Kupitila mu ufuke nga nu luse lwakwe Klistu nkumupapata

2 Kolinto 4:16

Swemo tusyanenuka. Mili itu ikucucuka, lelo sweisikulu tukukomeleziwa mu myenzo cila wanda.

Galatiya 5:23

kuicefya, nu kuikanya. Kutaya Masunde akalwisyanya ni micitile ii.

Efeso 4:2

Muye afuke nupya aicefye lyonsi. Mwaposya kuti mulange kutemwana kuli cila muntu.

Kolose 3:12

Mwemwe antu yakwe Leza. Wene wamutemwa nupya wamusolwile kuti muye antu yakwe. Caleka mulinzile kuya na mizu, afuke, aluse, aicefya, amutembo nupya antu akateeka myenzo.

Kolose 3:3

Pano mwemo mwafwile, icikusenula ukuti umi winu wafiswa pamwi na Klistu muli Leza.

1 Tesalonika 4:11

Lekini simwililo linu liye ilya kwikala kwaula vyongo, muye akusakamala milimo inu, nu kuombesya ndi vino twamunenyile nkolelo.

2 Tesalonika 3:12

Mwi zina lya Mwene Yesu Klistu tukupeela ilamulo ku antu yaa nu kuyasoka kuti yaikala umi uwa mpomvu nu kuomba kuti yazanilemo uwikazi.

1 Timoti 2:2

Mwapepela yakateeka ni ntunguluzi zyonsi, kuti swensi twaikala umi usi wa cimvulunganya nupya uwa mutende, twalumbanya Leza pali vyonsi mukutekela.

2 Timoti 2:25

Uye mufuke lino ukulungika yao akukulwisya, pano limwi Leza angayapeela insita yakuzenzuka nu kumanya cumi.

Tito 3:2

Uyanene yatavwangila umuntu umwi viipe, lelo yacita vya kuleta mutende nu kuyelezyanya. Nupya lyonsi yalinzile kufukila umuntu ali wensi.

Yakobo 1:21

Acino lekini kucita vya winyi nu ukakasi onsi. Tontelini Leza nu kuzumila mazwi yano akaika mu myenzo inu, yano angamutuula.

1 Petulo 1:23

Citini cii pano Leza ali So uwamupeela umi upya pa kuyela ilandwe lyakwe lya umi upya lya manda pee.

1 Petulo 3:15

Lelo mukwatile Klistu coopo mu myenzo inu, nupya mwamucindika wa Mwene. Muye aiteyanya lyonsi pa kwasuka umuntu umwi uwamuzya pali vino mukapaalila.

1 Samueli 16:7

Lelo Yawe anena Samueli ati, “Utalola pa milolekele yakwe isuma nanti ukutalimpa kwakwe, pano asi wino nsonsile foo. Antu yene yakalola imilolekele ya kunzi, lelo ne Yawe nkalola ivili mu mwenzo.”