സംഖ്യാപുസ്തകം 3:16 - സത്യവേദപുസ്തകം C.L. (BSI)

¹⁶ അവിടുന്നു കല്പിച്ചതുപോലെ മോശ അവരുടെ കണക്കെടുത്തു.

സത്യവേദപുസ്തകം OV Bible (BSI)

¹⁶ തന്നോടു കല്പിച്ചതുപോലെ മോശെ യഹോവയുടെ വചനപ്രകാരം അവരെ എണ്ണി.

ഇന്ത്യൻ റിവൈസ്ഡ് വേർഷൻ - മലയാളം

¹⁶ തന്നോട് കല്പിച്ചതുപോലെ മോശെ യഹോവയുടെ വചനപ്രകാരം അവരെ എണ്ണി.

മലയാളം സത്യവേദപുസ്തകം 1910 പതിപ്പ് (പരിഷ്കരിച്ച ലിപിയിൽ)

¹⁶ തന്നോടു കല്പിച്ചതുപോലെ മോശെ യഹോവയുടെ വചനപ്രകാരം അവരെ എണ്ണി.

സമകാലിക മലയാളവിവർത്തനം

¹⁶ യഹോവ തന്നോടു കൽപ്പിച്ചതുപോലെതന്നെ മോശ അവരെ എണ്ണി.

സംഖ്യാപുസ്തകം 3:16 Iomraidhean Croise

ഉൽപത്തി 45:21

യാക്കോബിന്റെ പുത്രന്മാർ അതുപോലെതന്നെ ചെയ്തു. രാജാവു കല്പിച്ചതുപോലെ വാഹനങ്ങളും യാത്രയ്‍ക്കാവശ്യമായ ഭക്ഷണസാധനങ്ങളും യോസേഫ് അവർക്കു കൊടുത്തു.

സംഖ്യാപുസ്തകം 3:15

“ലേവിപുത്രന്മാരിൽ ഒരു മാസവും അതിലധികവും പ്രായമുള്ള എല്ലാവരുടെയും കണക്ക് കുടുംബം തിരിച്ചും പിതൃഭവനം തിരിച്ചും എടുക്കുക.

സംഖ്യാപുസ്തകം 3:17

ഗേർശോൻ, കെഹാത്ത്, മെരാരി എന്നിവരായിരുന്നു ലേവിയുടെ പുത്രന്മാർ.

സംഖ്യാപുസ്തകം 3:39

സർവേശ്വരന്റെ കല്പനയനുസരിച്ച്, ഒരു മാസവും അതിലധികവും പ്രായമുള്ള ലേവിഗോത്രത്തിലെ പുരുഷസന്താനങ്ങളെ ആളാംപ്രതി കുടുംബം തിരിച്ചു മോശയും അഹരോനുംകൂടി എണ്ണി തിട്ടപ്പെടുത്തി. അവരുടെ സംഖ്യ ഇരുപത്തീരായിരം.

സംഖ്യാപുസ്തകം 3:51

സർവേശ്വരൻ തന്നോട് കല്പിച്ചിരുന്നതുപോലെ മോശ ആ വീണ്ടെടുപ്പുവില മുഴുവൻ അഹരോനെയും പുത്രന്മാരെയും ഏല്പിച്ചു.

സംഖ്യാപുസ്തകം 4:27

ഗേർശോൻകുലത്തിൽപ്പെട്ടവർ അഹരോന്റെയും പുത്രന്മാരുടെയും നിർദ്ദേശാനുസൃതം ഈ ജോലികൾ ചെയ്യേണ്ടതാണ്. അവർ ചുമക്കേണ്ട വസ്തുക്കൾ, ചെയ്യേണ്ട ജോലികൾ മുതലായവ നിങ്ങൾ വ്യക്തമായി നിർദ്ദേശിക്കണം.

സംഖ്യാപുസ്തകം 4:37

സർവേശ്വരൻ മോശയോടു കല്പിച്ചതനുസരിച്ച് മോശയും അഹരോനുംകൂടി തിരുസാന്നിധ്യകൂടാരത്തിൽ ജോലി ചെയ്യാൻ കെഹാത്യരുടെ എണ്ണമെടുത്തപ്പോൾ ലഭിച്ച സംഖ്യയായിരുന്നു ഇത്.

സംഖ്യാപുസ്തകം 4:41

സർവേശ്വരന്റെ കല്പനപ്രകാരം മോശയും അഹരോനുംകൂടി തിരുസാന്നിധ്യകൂടാരത്തിൽ ജോലി ചെയ്യുന്നതിനു യോഗ്യരായ ഗേർശോന്യരുടെ എണ്ണമെടുത്തതനുസരിച്ചുള്ള സംഖ്യയായിരുന്നു ഇത്.

സംഖ്യാപുസ്തകം 4:45

സർവേശ്വരന്റെ കല്പനപ്രകാരം മോശയും അഹരോനുംകൂടി തിരുസാന്നിധ്യകൂടാരത്തിൽ ജോലി ചെയ്യുന്നതിനു യോഗ്യതയുള്ള മെരാര്യരുടെ എണ്ണമെടുത്തപ്പോൾ ലഭിച്ച സംഖ്യയായിരുന്നു ഇത്.

സംഖ്യാപുസ്തകം 4:49

സർവേശ്വരൻ മോശ മുഖേന നല്‌കിയ കല്പനപ്രകാരം അവർ ശുശ്രൂഷിക്കാനും ചുമടെടുക്കാനുമായി നിയമിക്കപ്പെട്ടു. അവിടുന്നു കല്പിച്ചതുപോലെ അവരുടെ എണ്ണം തിട്ടപ്പെടുത്തി.

ആവർത്തനം 21:5

ലേവ്യപുരോഹിതന്മാർ അവിടെ ചെല്ലണം. വ്യവഹാരങ്ങളെക്കുറിച്ചും, അതിക്രമങ്ങളെക്കുറിച്ചും വിധികല്പിക്കാനും സർവേശ്വരന്റെ നാമത്തിൽ ജനത്തെ അനുഗ്രഹിക്കാനും തിരുസന്നിധിയിൽ ശുശ്രൂഷ ചെയ്യാനും സർവേശ്വരൻ തിരഞ്ഞെടുത്തിട്ടുള്ളവർ അവരാണല്ലോ.