ZEFANYA 2:4 - KITTA' MATANGKASA'

⁴ Ri kota Gaza tena manna sitau lanipasalama'. Askelon lasinoi tena bonena. Pandudu'na Asdod lanibongkai lalang pa'bundukang ti'ring battua ri tangngana alloa, siagang pandudu' Ekron lanisuroi a'lampa battu ri kotana ke'nanga.

ZEFANYA 2:4 Iomraidhean Croise

PAMMUJI 91:6

ri bala battua ri wattu sassanga, yareka kaancurang antujuako ri tangngana alloa.

YESAYA 14:29

He bansa Filistin, tepo'mi palu-palu eroka nipake untu' ampalu-paluiko. Mingka teako rannui, lanri punna nia' ulara' mate, nia' labattu ulara' maraeng, la'bi sekkeka, untu' ansambeangi, siagang bayao ulara' bo'boka a'jari naga akka'nyi'.

YEREMIA 15:8

Larassi pa'rasangannu ri janda, la'biangngang na kassika ri biring tamparang jaina. LaKubunoi sikamma taua ri wattu rungkana sa'genna pa'risi' nasa'ring amma'na ke'nanga. Ri wattu alloa Kupabattui mae ri ke'nanga sitau tulammanraki sa'genna malla' siagang lussa' ke'nanga.

YEREMIA 6:4

Lanakana ke'nanga, “Umba, nakipparuru untu' ambunduki Yerusalem! Umba nanibuccuki anne alloa!” Mingka lanakana pole ke'nanga, “Ai, tarlambakki'! Appakkaramulami battu sassanga, appakkaramulami kacinikang taun-taunta.