ZAKHARIA 9:6 - KITTA' MATANGKASA'

⁶ Asdod lanipammantangngi ri tau battua ri bansa-bansa a'bengkoroka. Nakana Batara, “Anjo tu Filistin tampoa laKutumpasaki.

ZAKHARIA 9:6 Iomraidhean Croise

KATO'BA 6:2

Nia' wattunna naNasare Allata'ala kakalumanynyangngang, kalompoang siagang barang-barang se're tau, sa'genna tenamo apa-apa maraengang nakaeroki. Mingka tena Nikellai ri Allata'ala anjo taua angkasiaki baji'na anjo sikontu passarena. Kabalekanna, tau tenaya Naassengi langkabajikangi anjo kakalumanynyanganna. Jari, yangasenna anjo poro sia-siaji bawang, siagang appakasi'naji pa'mai'.

YESAYA 23:9

Batara Kaminang Makoasaya, Iami angngalle kaputusang kamma anjo. Ia antappuki untu' ampa'le'baki kaborroanna pandudu'na mae ri sikamma wassele' le'baka nagappa ke'nanga, siagang napakatuna sikamma tau kaminang malompoa ri lino.

YESAYA 28:1

Cilakai kota nakalompoang pa'maika sikamma painunna Israel! La'jari toami kaga'ganna, rapang bunga kalumeng niaka ri simbolenna ke'nanga. Cilakai kota tinggia nai' battu ri tangngana ka'bung copponga, nakalompoanga pa'mai' sikamma tau sitangnga matea nasa'ring.

YEREMIA 47:1

Ri tenanapa nabunduki karaeng Mesir anjo kota Gaza, a'bicarai Batara ri nakke, ri sesena pa'rasangang Filistin.

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

AMOS 1:8

Pandudu'na siagang pamarentana kota Asdod kammayatompa Askelon laKupabellai. Kota Ekron laKuhukkungi, siagang sikontu tu Filistin tassesaya laKupanraki.”

ZEFANYA 2:10

Kammami anjo pandudu'na Moab siagang Amon lanihukkungi lanri katampoanna siagang kaborroanna ke'nanga, kammayatompa lanri le'ba'na nahina umma'Na Batara Kaminang Koasaya.

ZEFANYA 2:4

Ri kota Gaza tena manna sitau lanipasalama'. Askelon lasinoi tena bonena. Pandudu'na Asdod lanibongkai lalang pa'bundukang ti'ring battua ri tangngana alloa, siagang pandudu' Ekron lanisuroi a'lampa battu ri kotana ke'nanga.

ZAKHARIA 9:5

Kota Askelon siagang Gaza lanaciniki anjo kajarianga sa'genna a'jari malla'. Lanacini' tongi Ekron na tappela'mo sikontu panrannuanna. Gaza latappelaki karaenna, siagang Askelon la'jari sinoi tena bonena.

ZAKHARIA 9:7

Talangnganreami ke'nanga dageng acceraka ija siagang kanre maraengang nipappisangkanga. Sikontu tau tassesaya la'jari ummakKu siagang nipasangkammai salaku bageang battu ri suku Yehuda. Ekron la'jari anggota ummakKu, sangkamma tu Yebus ri jammang riolo.

1 PETRUS 5:5

Kammayatompa ikau sikamma tau rungkaya. Mappilangngeriko mae ri tau toaya. Musti nupakatunai kalennu; siagang musti silayaniko siagang tuna pa'mai'nu. Nasaba' nia' tattulisi' lalang ri Kittaka angkanaya, “Nabaliangi Allata'ala tau tampoa, mingka Nakamaseangi tau tunaya pa'mai'na.”