ZAKHARIA 8:6 - KITTA' MATANGKASA'

⁶ Anjo passalaka nakulle tena nantama' ri akkala'na ri sikamma tau attallasaka ija battu ri anne bansaya, mingka untu' iNakke teai apa tantama' ri akkala'.

ZAKHARIA 8:6 Iomraidhean Croise

PA'JARIANG 18:14

Maka niakka apa tantamaya ri akkala' untu' Batara? Sangkamma Kupakkanaya sumpaeng, salapang bulang sallang labattua' pole mae anrinni. Na anjo wattua lamana'mi Sara sitau ana' bura'ne.”

2 KARAENG-KARAENG 7:2

Appialimi pambantuna karaenga angkana, “Kemae lakkulle! Tena nantama ri akkala' anjo kammaya, manna pole Nappaturung bosi lompo Batara battu ri langika ri kamma-kammaya anne!” Appialimi Elisa angkana, “Sinampe' nanuciniki kajariang anjo passalaka, mingka ikau tena nalanukasia' manna sike'de' anjo kanrea.”

PAMMUJI 118:23

Iaminjo gau'Na Batara, tamaka malompona mae ri katte.

YEREMIA 32:17

“O Batara Kaminang Tinggia, iKattemi ampa'jari langika siagang buttaya lanri koasa siagang kagassingang lompoTa. Tena apa-apa sukkara' mae ri Katte.

YEREMIA 32:27

“INakkemi Batara, Allata'alana sikontu rupataua. Tena apa-apa sukkara' mae ri Nakke.

MATIUS 19:26

Nicinikimi ke'nanga ri Isa; nampa Nakana Isa ri ke'nanga, “Anjo tena memang nantama' ri akkala'na rupataua. Mingka tena tamakkulle punna Nakaerokang Allata'ala.”

LUKAS 1:20

Anne apa kupaua, ma'nassa la'rupai punna narapi'mo wattunna. Mingka lanri tenana nutappa', la'jari pepe mako; na iapa nukkulle a'bicara ammotere', punna a'rupamo anne apa kupauangangko.”

LUKAS 1:37

Nasaba' punna Nakaerokang Allata'ala, tena apa-apa takkulle Napa'jari.”

LUKAS 18:27

Appialimi Isa Nakana, “Apa tenaya nantama' ri akkala'na rupataua, tena tama'jari punna Naerokang Allata'ala!”