ZAKHARIA 8:22 - KITTA' MATANGKASA'

²² Nampa jaimo tau siagang jaimi bansa makassa' labattu mange ri Yerusalem untu' anynyomba mae ri Nakke Batara Kaminang Koasaya siagang ampalaki barakkakKu.

ZAKHARIA 8:22 Iomraidhean Croise

PAMMUJI 68:30

Sikamma karaenga angngerangi passare mae ri Katte ri BallatTa ri Yerusalem.

YESAYA 2:2

Ri allo-allo labattua bulu' tampa' Balla'Na Batara ammenteng tinggi nai' siagang ammenteng kassaki irate moncong-moncong siagang sikamma buluka. Sikontu bansaya a'balulungi mange anjoreng,

YESAYA 2:3

nakana ngaseng ke'nanga, “Umba kinai' ri Bulu'Na Batara, ri Balla'Na Allata'alana Israel. LaNapangngajarrangi mae ri katte apa mustia nigaukang. Lanipinawangi oloanNa, saba' battu ri Yerusalem ajaranNa Batara, battu ri Sion A'bicara.”

YESAYA 25:7

Irate ri anjo buluka laNapa'lanynyaki rammang kasi'nanga niaka antongkoki bansa-bansaya.

YESAYA 49:22

Nakana Batara Kaminang Tinggia mae ri umma'Na, “LaKusarei pammatei bansa-bansaya na lanapoterang ana'-ana'nu; ana'-ana'nu bura'nea lanakalawingi, na ana'-ana'nu bainea lanapisangi rate ri salangganna.

YESAYA 49:6

Nakana Batara ri nakke, “He atangKu, attayangi tugasa' lompoanganga ri kau; tena nanupoterang bawang sesa turunganna Yakub siagang nupoterang kalompoanna suku-suku Israel, mingka Kupa'jari tongko singara' mae ri bansa-bansaya, sollanna nipasalama' sikontu bonena linoa.”

YESAYA 55:5

Lanukioki bansa-bansa maraenga, na battu linta' ke'nanga mae ri kau, lanri iNakke, Karaeng Allata'alanu, Allata'ala matangkasa'na Israel, lanri le'ba' mako Kupakalompo.”

YESAYA 66:23

Tunggala' Bulang Beru siagang allo Pammari-marianga labattui sikontu umma' rupataua untu' anynyomba ri Nakke ri Yerusalem.

YEREMIA 4:2

Punna assumpako lanri arengKu siagang lambusukko nuadele' siagang tojeng lalang tallasa'nu, lanapalaki sikontu bansaya sollanna Kubarakkaki ke'nanga, kammayatompa lamammuji ke'nanga mae ri Nakke.”

MIKHA 4:2

lanakana ngaseng ke'nanga, “Umba kinai' ri bontoNa Batara ri Balla'Na Allata'alana Israel! LaNapangngajarrangi mae ri katte apa mustia nigaukang. Lanipinawangi oloanNa lanri pangngajaranNa Batara battu anjorengi ri Yerusalem; battu ri Sion a'bicara mae ri umma'Na.”

MIKHA 4:3

LaNatappuki Batara parkaraya ri tangnga-tangngana bansa-bansaya, ri bansa-bansa kassaka, bellaya siagang ambania. Lanade'deki sikamma pa'danna ke'nanga a'jari pa'jeko siagang sikamma pokena ke'nanga a'jari lading pa'battasa'. Bansa-bansaya tenamo nalasibunduki, tenamo nasadia ero' sibakkai.

HAGAI 2:7

Sikontu bansaya laKupata'bangkai siagang pa'barang-baranganna ke'nanga lanierangi mae, sa'genna larassi BallakKu battu ri kakalumanynyangnganna ke'nanga.

ZAKHARIA 14:16

Nampa sikontu tau niaka ija attallasa' ri alla'na anjo bansa-bansa ambundukai Yerusalem, la'lampai mange ri anjo kotaya untu' anynyomba ri Karaeng, Batara Kaminang Koasaya, siagang untu' ampakalompoi Passua'-suarrang Pa'ballakang Leko'-Lekoka.

ZAKHARIA 8:21

Pandudu' se'reanga kota lanakana mae ri pandudu' kota maraenga, ‘Umba ki'lampa mange anynyomba ri Batara Kaminang Koasaya siagang ampalaki barakka'Na. Amminawang mako ri kambe.’

GALATIA 3:8

Le'ba' memammi nipau lalang ri Kittaka angkanaya akkullei assibajiki ammotere' bansa maraenga siagang Allata'ala punna tappa' ke'nanga mae ri Ia. Le'ba'mi nipauang la'bi riolo Abraham anjo Kabara' Bajika ilalang ri janji angkanaya, “Battu ri kaumi nalaNabarakkaki Allata'ala sikontu rupataua ri lino.”

PAPPICINI' 15:4

Inai tamallakka ri Katte, Batara? Inai taeroka ampa'la'bangi kalompoanTa? IKatteji bawang matangkasaka. Sikontu bansaya labattui anynyomba ri Katte, nasaba' nacini' ngasemmi sikontu taua kaadelang le'baka Kigaukang.”

PAPPICINI' 21:24

La'jappami bansa-bansaya ri lino lalang ri singara'na, siagang karaeng-karaenga lanaerammi kakalumanynyanganna antama' ri anjo kotaya.