ZAKHARIA 8:13 - KITTA' MATANGKASA'

¹³ He pandudu' Yehuda siagang Israel! Ri jammang allaloa, punna situnra-tunrai bansa maraenga, nakana ke'nanga, ‘Poro battu lalo bala sangkammaya antujui Yehuda siagang Israel antuju tongko!’ Mingka laKupasalama' ngasengko, sa'genna anjo bansa-bansa maraenga lanakana massing ri para ia ke'nanga, ‘Poro anjo barakka' turunga ri Yehuda siagang Israel, turung tongi mae ri kalennu!’ Lanri kammana pakajarreki pa'mai'nu siagang teako mallakki!”

ZAKHARIA 8:13 Iomraidhean Croise

PA'JARIANG 26:4

LaKusareko ana'-cucu sanrapang bintoenga ri langi' jaina, siagang sikontu anne daeraya laKupassareangi mae ri ke'nanga. Sikontu bansaya ri lino lappala' ngasengi ri kau sollanna Kubarakkaki ke'nanga sangkamma le'ba'na Kubarakkaki turungannu.

PAMMUJI 44:16

Sila'busu' alloa' nicalla, angkasiaki sirika siagang kapala' rupaya,

PAMMUJI 72:17

Poro tuli niu'ranginna arenna karaenga satunggu-tungguna, napila' masahoro' lalang nia'na mataalloa. Poro napalaki bansa-bansaya nanibarakkaki sangkamma ia, na sikontu tau antappuai arenna lamate'nei.

PAMMUJI 79:4

Nicau-caumi ikambe ri bansa-bansa siampi'na ikambe, nakakkalimi siagang nacau-caumi ikambe.

YESAYA 43:28

imang-imannu narantassi ballakKu. Jari Kupassareammi nihina Israel, Kubalang parekangi turunganna Yakub nitumpasa'.”

YEREMIA 24:9

LaKupa'jari cilakai ke'nanga sa'genna sikontu bansaya ri sikontu linoa a'jari malla' ngasengi. Kemae-kemae ke'nanga Kupasiara', lanicau-caui ke'nanga, dipa'jari kakkallang siagang nicalla-calla. Arenna ke'nanga lanipakei a'jari pattunra.

YEREMIA 25:18

Yerusalem siagang sikontu kotaya ri Yehuda, siagang sikamma karaenga kammayatompa pagawe-pagawena, kusarei angnginungi anjo anggoroka, sa'genna a'jari ke'nanga rapang parang kalotoro' appakamallaka. Sa'genna anne alloa arenna ke'nanga nipakei untu' pattunra.

YEREMIA 26:6

Punna tuli teanu mappilangngeri, anne balla' sambayanga laKupa'jari sangkamma Silo, sa'genna sikontu bansaya ri lino napakei arenna kota Yerusalem anne salaku kana pattunra.”

YEREMIA 29:18

LaKuondang tojengi ke'nanga siagang pa'bundukang, kacipurang, siagang garring sa'genna sikontu bansaya ri sikontu linoa la'jari mallaki anciniki ke'nanga. Kemae-kemae Kupasisa'la'-sa'la' ke'nanga, anjorengi lamalla' siagang lannekkere' taua anciniki apa kajarianga mae ri ke'nanga. Lanicau-caui ke'nanga, siagang arenna ke'nanga lanipakei a'jari kana pattunra.

YEREMIA 33:24

“Le'ba'mi nuparhatikang apa napaua taua mae ri tu Israel siagang tu Yehuda? Nakana ke'nanga angkanaya Kupela'mi anjo ruaya bansa le'baka Kupile. Iaminjo saba'na nanacini' tuna ummakKu, tenamo nabilangi salaku se're bansa.

YEREMIA 42:18

Sangkamma iNakke, Karaeng Allata'alana Israel Kutumpai kalarroangKu siagang kalussakkangKu mae ri pandudu'na Yerusalem, kamma tomminjo laKutumpai kalussakkangKu mae ri kau ngaseng a'lampaya mange ri Mesir. Lamallaki taua ancinikko; lanihinako, siagang lanipakei arennu a'jari kana pattunra. Tenamo nalanucini' pole butta passolongang cera'nu.”

YEREMIA 44:12

Siagang punna nia' battu ri tu Yehuda ammantanga tassesa, tuli ero'na a'lampa mange ri Mesir untu' ammantang anjoreng, lapanra' kabusuki ke'nanga. Kabusu'na ke'nanga, lompo ca'di, lamatei ri Mesir lalang pa'bundukang yareka lanri kacipurang. Lamallaki taua anciniki ke'nanga, siagang lanihinai ke'nanga ri taua. Arenna ke'nanga lanipakei a'jari pattunra.

YEREMIA 44:22

Tenamo Natahangi Batara ancinikko assare koro'bang mae ri rewata-rewata maraenga. Anjo panggaukannu ja'dalaki siagang tunai. Doraka mako mae ri Batara siagang tenamo numannuruki ri parenta-parentaNa. Lanri kammana anjo, kamma-kamma memang anne ancuru'mi pa'rasangannu sa'genna tenamo nakkulle nipammantangngi, siagang arenna nipakemi a'jari kana pattunra. Tau ancinikai a'jari sanna'mi malla'na.”

PIRAUNG 4:15

Nakana taua, “Bellako anrinni! Kau tau ra'masa' ngasengko, teako beroi ikambe!” Jari a'lampami ke'nanga a'la'bang a'jappa battu ri se'reang bansa mange ri bansa maraenga, mingka tena sikali tau ampa'biangi untu' ammantang tuli ri se'reang tampa'.

YEHEZKIEL 34:26

LaKubarakkaki ke'nanga siagang Kupa'biangi ammantang ke'nanga ri tammulilina bulu' matangkasakKu. LaKusarei ke'nanga bosi punna parallui.

YEHEZKIEL 37:11

Nakana Allata'ala ri nakke, “He tau, anne sikamma buku-bukua iami pangngebaranna bansa Israel. Akkunrarengi ke'nanga lanri kalotoroki, tena panrannuanna siagang tena allo ri bokona.

YEHEZKIEL 5:15

Punna larroA' siagang lussaKa' mae ri kau, kammayatompa Kuhukkungko, sikontu bansa-bansa niaka ri tammulilinu la'jari mallaki nakasia'. Lanacau-cauko siagang lanrei ancinikko.

DANIEL 9:11

Sikontu tu Israel nadakkaimi hukkung-hukkunTa siagang taerokami ampilangngeri kananTa. Dorakami ikambe mae ri Katte. Lanri kammanami anjo naKipabattu mae ri kambe pangngalarroinTa, ia niaka tattulisi' lalang ri kitta'na Musa, atanTa.

MIKHA 5:7

Tu Israel niaka ija ammantang ri alla'na bansa-bansaya lakontui singa ri tangnga-tangngana olo'-oloka ri romanga yareka ri tangnga-tangngana gimbalaka ri parang rukuka. Anjo singaya antamaki ri tangnga-tangngana anjo lokoang gimbalaka na naonjo'-onjokang siagang nakae-kae; tena akkulle allappassangi anjo sikamma gimbalaka.

ZEFANYA 3:16

Lanarapiki wattunna nalakkana sallang taua, “He Yerusalem, teako mallakki siagang teako la'bai pa'mai'nu.

ZEFANYA 3:20

Labattui wattunna, pandudu'nu tassiaraka Kururungangi ammotere'. Kupa'jari masahorokko ri sikontu linoa, siagang laKupoterangi kakalumanynyangngannu.” Le'ba'mi akkana Batara.

HAGAI 2:19

Manna pole natenamo gandung ammantang, siagang poko' anggoro', poko' ara, poko' delima siagang poko' zaitunga tenapa kabusuppa na'rappo, mingka appakkaramula anne wattua laKubarakkaki ngaseng mako!”

HAGAI 2:5

Ri wattunnu assulu' battu ri Mesir, le'ba'Ma' a'janji tuli lanjagaiko. Na kamma-kamma anne pole tuli Kujagainu ngaseng. Jari tena nuparallu lussa' ri pa'mai'nu.

ZAKHARIA 1:19

Akkuta'nanga' mae ri anjo malaeka' le'baka a'bicara mae ri nakke, angkana, “Apa ngaseng battuanna anjo sikamma tanruka?” Appialimi angkana, “Anjo sikamma tanruka iamintu pangngebarranna sikamma kakaraengang makassaka ampatassimbung-simbungai pandudu'na Yehuda, Israel siagang Yerusalem.”

ZAKHARIA 14:11

Laamangi ammantang sikamma tau ammantanga ri anjo kotaya, tena bahaya kapanrakang lantujui.

ZAKHARIA 8:15

Mingka kamma-kamma anne erokKa' ambarakkaki pandudu'na Yerusalem siagang pandudu'na Yehuda, Jari, teako mallakki.

ZAKHARIA 8:9

Nakana Batara mae ri umma'Na, “Pakajarreki pa'mai'nu! Kamma-kamma anne nulangngereki kana-kana ia le'baka todong napau sikamma na'bia ri wattu nipadongko'na batu pundasia, untu' ambangungi BallakKu ammotere'.

ZAKHARIA 9:13

Yehuda laKupake a'jari salaku pana tubarani, siagang Israel salaku ana' pana sadiaya lanipabuccu'. Pandudu'na Sion laKupake salaku pa'dang; anjo pa'danga laKupake ambuccuki sikontu tu Yunani.”

1 KORINTUS 16:13

Paralluko tutu siagang jarre' tappa'nu lalang ri katallassannu salaku tu Karisteng. Pa'baraniangi kalennu anggaukangi jama-jamannu siagang a'jariko tau magassing lalang ri katallassannu.

GALATIA 3:14

Nagaukammi Almasi kammaya anjo, sollanna nisare todong bansa-bansa maraenga barakka' le'baka Napa'janjiang Allata'ala mae ri Abraham. Jari, ikatte tau tappaka mae ri Allata'ala, akkulle tommaki' anggappai anjo Roh Napa'janjianga Allata'ala.

PAOLE 26:19

LaNapa'jari malompoangangko Batara na sikontu bansa maraeng le'baka Napa'jari, kammayatompa lanipujiko siagang lanipakalompoko. La'jariko umma'Na Karaeng Allata'ala, sangkamma le'baka Napa'janjiang.”

PAOLE 28:37

Ri pa'rasangang-pa'rasangang tampa'nu nipasisa'la'-sa'la' ri Batara, lata'bangka ngasengi taua ancinikko; lanicau-cauko siagang lanikakkaliko ri ke'nanga.