ZAKHARIA 8:10 - KITTA' MATANGKASA'

¹⁰ Rioloangannaya anjo jammanga tena akkulle ansewai kitta' magassinna rupataua yareka olo'-oloka, siagang tena tau amang pakkasia'na battu ri gangguanna musua. Le'ba'mi Kupasisala-sala se'reang tau siagang maraengannaya.

ZAKHARIA 8:10 Iomraidhean Croise

YESAYA 19:2

Nakana Batara, “LaKupa'jari pa'bundukanga ri para tussari'battanga ri Mesir: Sari'battang ambaliangi sari'battanna, siampi' balla'na ambaliangi siampi' balla'na, kota se'reanga ambaliangi kota maraenganga siagang kakaraengang se'rea ambaliangi kakaraengang maraengannaya.

YEREMIA 16:16

Nakana Batara, “LakkiokKa' jai paboya juku' untu' anjakkalaki anne taua. Nampa lakkiokKa' jai pasoso' untu' assosoki ke'nanga ri sikamma monconga siagang buluka, siagang ri sikamma leang-leang batua.

AMOS 3:6

Maka latena nannekkere' tau ri kotaya punna nalangngere' sa'ra tarompe' tanra pa'bundukanga? Maka akkullei natuju bala se'rea kota, punna tena Napabattui Batara?

AMOS 9:4

Punna nitahangi ke'nanga ri musua, laKuparentakangi sollanna nibuno ke'nanga. Le'ba' Kupattantumi laKupanraki ke'nanga, siagang tena nalaKubantu ke'nanga.”

HAGAI 2:15

Nakana Batara, “Cobasai parhatikang apa le'baka kajariang rioloanganna anne alloa, iamintu ri tenanapa nanibajiki anne BallakKu! Antekamma pattallassannu anjo wattua?

HAKING-HAKING 5:11

Ri sa'rinna sikamma bungung-bungunga, suara'mi nilangngere' tu makkelonga, ancaritai pammeta ma'mole-molena Batara, pammetanna Israel, umma'Na Batara. Na a'barrisi'mo ke'nanga mange ri pakke'bu' lompona kotaya.