ZAKHARIA 7:14 - KITTA' MATANGKASA'

¹⁴ Sanrapang anging barubu, Kubarrasaki ke'nanga sa'genna tarpassa ammantang ri sikamma pa'rasangang-pa'rasangang maraenga. Anne butta copponga a'jari sino sikalimi, tena sikali tau ammantang, siagang roso'mi buttana.”

ZAKHARIA 7:14 Iomraidhean Croise

2 PATTOTTORANG 36:21

Kammami anjo na'rupamo apa Napaua Batara tete ri Na'bi Yeremia, angkanaya anjo pa'rasanganga la'jari kalotoroki sallang 70 taung sallona, salaku sambenna taung-taung allo Pammari-mariang tenaya nijampangi.

PAMMUJI 58:9

Boli'mi kamma ke'nanga sangkamma biku assolonga sangkamma urusu', sangkamma ana' lolo matea ri tenanapa naccini' singara'.

YESAYA 17:13

Majui ke'nanga rapang a'ba sannaka lompona. Mingka Niancangi ke'nanga ri Allata'ala, nampa lari ke'nanga sa'genna bella lampana. Niondangi ke'nanga rapang awang niri'bakang ri anging nai' ri buluka, yareka rapang limbu'bu' nitui' ri anging lompoa.

YESAYA 21:1

Iaminne pappasang ri passala'na Babel: Rapang anging puttusu' ammarrunga allalo ri parang lompoa, kammaminjo kabattuanna bala lompoa battu ri pa'rasangang hebaka.

YESAYA 60:15

Tena nulanibokoi siagang tena nulanikabirisi', siagang tena nulanibalang parekang a'jari sino. Kupa'jariko nikalompoang pa'maika satunggu-tungguna, tampa' karannuang mannannungang.

YESAYA 66:15

Tojeng, labattui Batara siagang pepe'; laNadongkoki karetaNa rapang anging lompo, untu' ampa'betteseki kalarroanNa, siagang angga'gara' lompo.

YEREMIA 12:10

Jai pamarenta bansa maraeng le'ba' ampanraki koko anggorokKu siagang angngonjo'-onjokangi sikamma kokongKu. Pa'rasangang ga'gaKu napinrai a'jari parang luara' sinoa.

YEREMIA 23:19

LarroNa Batara rapangi anging barubu a'jalloka siagang antujui sikamma tau ja'dalaka.

YEREMIA 30:23

PangngalarroinNa Batara rapangi anging lompo, rapangi anging barubu a'jalloka antujui tau ja'dalaka, siagang tena nalammari punna tenapa na'jari rancanaNa. Ribokoang allo lanapahangi umma'Na anjo passalaka.

YEREMIA 36:19

Nakanamo ke'nanga, “Ikau siagang Yeremia musti acokkoko. Tea' laloko naniakki tau angngassengi tampa' paccokkoannu anjo.”

YEREMIA 44:6

Iaminjo saba'na naKutumpa lussakKu siagang pangngalarroingKu mae ri kota-kota Yehuda siagang agang-aganga ri Yerusalem. Yangasenna Kutunui sa'genna a'jari loro-loro siagang kalotoro' sangkamma akkullea nicini' kamma-kamma anne.

YEREMIA 5:15

He umma' Israel, Napabattui Batara bansa battua ri pa'rasangang bella untu' ambundukiko. Anjo bansaya nia' memammi battu riolo dudu, tanuassengai nupahang bicaranna. Teai sipato' kassa'na ke'nanga,

YEHEZKIEL 12:19

Pabattui mae ri sikontu bansaya apa Kupaua, iNakke Batara Kaminang Tinggia, mae ri pandudu' Yerusalem niaka ija ammantang ri tampa'na ke'nanga. Lannekkereki ke'nanga ri wattunna angnganre siagang annekkereki napakamma malla' ri wattunna angnginung. Buttana ke'nanga la'jari kalotoroki, lanri sikontu tau ammantanga anjoreng tulusu' nadakkaina hukkunga.

YEHEZKIEL 22:15

LaKupasisa'la'-sa'laki pandudu'nu mange ri sikontu pa'rasanganga siagang bansaya, siagang laKupammari anjo panggaukang ja'dala'nu.

YEHEZKIEL 5:10

Tau toaya lanakanrei ana' kalenna siagang anaka lanakanrei tau toana. Kammami anjo batena laKuhukkung ke'nanga, siagang ia attallasaka ija laKupasiaraki mae ri sikontu tampa' maraenga.

DANIEL 8:9

Battu ri kalase'renna anjo tanruka nia'mo attimbo tanru' ca'di, a'jari sannaka lompona siagang a'la'baka kakoasanna a'lampa timboro', anrai', siagang mae ri butta ga'gaya.

HOSEA 9:17

Anjo Allata'ala kulayania laNatollaki umma'Na, lanri teai ke'nanga mappilangngeri ri Ia. La'lampai ke'nanga mange-mange ri alla'na bansa-bansaya.

YO"EL 2:3

Rapang pepe' akkanrea siagang appakamutung naputtai ke'nanga sikontu lamung-lamunga. Riolo, anjo pa'rasanganga rapangi Eden, iamintu kokonNa Batara, kale'bakkanna, santanja'mi parang kassi' kalotoroka. Tenamo nia' ammantang tassesa, tena sikali ta'lappasa' battu ri pa'bakkaina ke'nanga.

KAIMANGNGANG 26:22

LaKupabattui olo'-olo' sekkeka ri tangnga-tangnganu. Anjo olo'-olo' sekkeka lanakokkoki ana'-ana'nu, lanabunoi olo'-olo' piaranu siagang lanapaccappukko, sa'gennu a'jari sike'de' dudu mamo tassesa, siagang la'jari sinoi sikamma oloanga lalang ri pa'rasangannu.

KAIMANGNGANG 26:33

Lappa'niakKa' pa'bundukang ri pa'rasangannu siagang laKupasimbung-simbungko mae ri pa'rasanganna bansa maraenga. Lammantangi ta'ronang sikamma kokonnu siagang laKulappassangi a'jari loro kota-kotanu.

AMOS 1:14

Lanri kammana anjo, lakkiringA' pepe' mae ri tembo'-tembo'na kota Raba, siagang Kutunu sa'genna cappu' sikamma pattahanganna. Anjo wattua lania' nilangngere' karicuang pa'bundukang, siagang anjo pa'bundukanga hebaki sanrapang anging lompo dudua.

NAHUM 1:3

Memang, Batara tena nalinta' larro; mingka sanna' todong makoasaNa sa'genna inai-nai anggaukangi salaya tena nalaNapata'lappasa' battu ri hukkunganga. Kemae-kemae Batara a'jappa, anjorengi ammumba anging lompoa; kemae angngonjo' bangkenNa, anjorengi limbu'buka a'jari rammang.

HABAKUK 3:14

Pana-panaTa natarrusuki pamimpinna pasukang balia ri wattu battuna tantarana kamma anging lompo kassa'na, sollanna nipatassimbung-simbung ikambe. Sannang nyawana ke'nanga ammakkala' kamma tau a'mere'-merekia anjallakkangi tau kakuranganga.

ZEFANYA 3:6

Nakana Batara, “Jaimi bansa le'ba' Kupa'lanynya'; Kuancuruki kota-kotana ke'nanga, siagang tembo'-tembo'na kammayatompa menara-menarana ke'nanga Kupa'jari loro-loroi. Kota-kotana ke'nanga a'jari sinoi tena bonena siagang agang-aganga sino kabusuki.

ZAKHARIA 2:6

Nakana Batara mae ri umma'Na, “Le'bakko Kupasiara' mae ri kere-keremae. Mingka kamma-kamma anne, ikau sikamma tau nipelaka a'lampako ampilari Babel siagang ammotere' mako mange ri Yerusalem.

ZAKHARIA 8:1

Napassareangi Batara Kaminang Koasaya anne pasanga mae ri nakke angkana,

ZAKHARIA 9:14

LaNapappicinikangi KalenNa Batara mae ri umma'Na, sanrapangi kila' nipabuccu' ana'-ana' panaNa. Batara Kaminang Tinggia lappasa'ra' tarompe' pammatei maju a'bundu', nampa a'jappa maju lalang anging barubu battu timboro'.

PAOLE 28:33

Lanaalle ngasengi bansa maraeng sikontu wassele' nugappaya lanri anjama terasa'nu, nampa ikau tena apa-apa nugappa pantaranganna nijallakkanga situlusu'na siagang panggaukang nikapallakkia.

PAOLE 28:49

Nia' se'reang bansa tenaya nuassengi bicaranna laNapabattu Batara battu ri cappa'na buttaya anne untu' angngewako. Rapang jangang-jangang rajawali labattui antamberoko.

PAOLE 28:64

LaNapasisa'la'-sa'lakko Batara ri alla'na bansa-bansaya ri sikontu linoa. Anjoreng lanynyombako mae ri rewata-rewata nipareka battu ri batu siagang kayu, rewata-rewata tenaya nanuassengi siagang tenaya todong nanaassengi boe-boenu.

PAOLE 4:27

LaNapasisa'la'-sa'lakko Batara ri alla'na bansa-bansa maraenga siagang sike'de' mami ri kau lammantanga attallasa'.