ZAKHARIA 7:10 - KITTA' MATANGKASA'

¹⁰ Teako jallakkangi sikamma jandaya, ana'-ana' kukanga, bansa maraeng battua ammantang ri tangnga-tangnganu, yareka inai-nai mamo niaka lalang kasusaang. Siagang tea tongko appareki rancana ja'dala' mae ri parannu tau.’

ZAKHARIA 7:10 Iomraidhean Croise

PAMMUJI 140:2

Kilappassanga' battu ri tau ja'dalaka, o, Batara, Kijagaia' battu ri tau anggaukangai katerassanga.

PAMMUJI 21:11

Tena latassesa battu ri turunganna ke'nanga, lanitumpasa' ngasengi ke'nanga ri karaenga.

PAMMUJI 36:4

Kana-kananna ja'dalaki siagang rassi balle-balle, tenamo nagaukangi apa bajika siagang annabaya.

PAMMUJI 72:4

Poro naalleangangi karaenga ha'na ra'ya' ca'dia, natulung tu kasi-asia siagang natumpasa' sikamma tau anjallakkangiai ke'nanga.

KALAPPASSANG 23:9

Teako paero'-eroki panggaukannu mae ri bansa maraenga; nuassemmi kasia'na nikanaya a'jari bansa maraeng, saba' riolo ikau a'jari bansa maraeng tongko ri wattunnu ri Mesir.”

PANGNGEBARANG 3:29

Teako rancanai apa-apa lappakarugia mae ri parannu tau ia niaka ri ampi'nu siagang tappaka mae ri kau.

YESAYA 1:23

Sikamma pamimpinnu angngewami mae ri Nakke siagang assikongkolo'mi palukka'; nangai ke'nanga annarima hadia siagang doe' pammuccu'. Taerokai ke'nanga angngalleangangi ana' kukanga ri pangadelanga; taerokai ke'nanga ampilangngeri tuntutanna sikamma janda-jandaya.

YEREMIA 18:18

Nakana taua, “Umba kissikongkolo' angngewai Yeremia. Tena naiaja bawang akkulle a'bicara untu' Allata'ala. Tuli lania'na imang akkulle assare pangngajarang, nia' tucara'de' akkulle assare pappakainga'; siagang nia' na'bi akkulle ampabattui mae ri katte sikamma pasang battua ri Allata'ala. Umba nanituntuki ri pangadelanga nampa tenamo nanilangngereki kana-kananna.”

YEREMIA 49:11

He Edom! Boli'mi ana'-ana' kukannu ri Nakke, iNakke lamparakai ke'nanga. Lappassammi sikamma jandaya napadongko' panrannuanna mae ri Nakke.

YEREMIA 5:28

kammayatompa a'jari co'mo' siagang coppong tallasa'na. Tena sanggana kaja'dallanna ke'nanga. Tena na'gau' adele' lalang ri passala'na ana'-ana' kukanga, siagang tena naalleangngangi ha'na sikamma tau nijalakkanga.

YEREMIA 7:6

Tea' mako manjallakkangngi pole mae ri bansa maraenga, ana'-ana' kukanga, siagang janda-jandaya. Teako ammunoi tau tena salana ri anne pa'rasanganga. Teako anynyombai ri rewata-rewata maraenga, nasaba' anjo kammaya langngerangi kapanrakang mae ri kau.

YEHEZKIEL 18:12

Nangai annipu tu kasi-asi, angngella', naalle barang-barang napappita'gallanga taua mae ri ia. A'lampai mange ri balla' rewatana tau tenaya natappa' ri Batara siagang anynyombaya barhala appakaringi'-ringi'.

YEHEZKIEL 22:12

Nia' todong a'jari pabuno nigaji, nangaia ampaccoki julu bansana. Kabusu'na ke'nanga nakaluppaiMa'. INakke, Batara Kaminang Tinggia, anne akkana.

YEHEZKIEL 22:29

Sikamma tau kalumanynyanga annipui siagang angngellaki. Appaero'-eroki ke'nanga appanggaukang mae ri tau kasi-asia siagang napangngallei passawallang bansa maraeng annumpanga.

YEHEZKIEL 22:7

Tena manna sitau battu ri pandudu'nu ampakalompoi tau toana. Nutipui bansa maraeng niaka annompang siagang angngalleko passawallang battu ri kasusaanna jandaya siagang ana' kukanga.

AMOS 4:1

Pilangngeri, he sikamma bai'-bainea ri Samaria pila' co'moka rapang sapi-sapi co'moka ri Basan! Nujallakkangi tau tenaya pakkullena, nupaccoki tu kasi-asia, siagang nutuntuki bura'nennu sollanna tuli napasadiangko inungang terasa'!

ZAKHARIA 8:17

Teako appareki rancana ja'dala' mae ri parannu tau. Teako appasuluki sumpa a'balle-balle. INakke birisikka' mae ri balle-ballea siagang mae ri tenaya naadele' kammayatompa ri katerassanga.”

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

MATIUS 23:13

Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [

1 KORINTUS 6:10

inai-nai a'lukka', angngoa, siagang painung, inai-nai nangai ambicara kodi paranna tau siagang ampaccoki paranna tau – yangasemmi anjo tau kammaya takkullea a'jari umma'Na Allata'ala.

PAOLE 27:19

‘Nitunrai tau anrampasakai ha'na tubattu-battua, ana' kukanga, siagang jandaya.’ ‘Aming!’

YAKOBUS 5:4

Tanubayarrai gajina sikamma tungnganre gajia ri kokonnu. Kamma-kamma anne pilangngerimi kunrarenna ke'nanga! Sikamma tau ampasse'reai wassele'na kokonnu akkiok-kio'mi appala' tulung mae ri Allata'ala; siagang Nalangngere'mi Allata'ala, Batara Kaminang Koasaya anjo pakkio'na ke'nanga.

1 YOHANES 3:15

Inai-nai angkabirisi paranna tau iami pabuno tau; na nuassemmo angkanaya anjo tau kammaya takkulleai nagappa katallassang sitojennaya siagang mannannunganga.