ZAKHARIA 6:6 - KITTA' MATANGKASA'

⁶ Kareta pa'bundukang nibesoka ri jarang le'lenga a'lampa mangei Babel ri bageang wara'. Jarang keboka a'lampa kalauki siagang jarang baloa a'lampa mangei ri pa'rasangang niaka ri bageang timboro'.”

ZAKHARIA 6:6 Iomraidhean Croise

YESAYA 30:6

Kammaminne pappasanNa Batara ri passala'na sikamma olo'-olo' niaka ammantang ri butta bageang timboro', “Sikamma tunisuroa napilurangngimi keledaina siagang untana ke'nanga rassi hadia, nampa numalo ri daera jaia bahaya lanri napammantangngi singa, ulara' a'racung, siagang naga akka'nyi'. Sikontu anjo hadiaya napassareangi ke'nanga mae ri bansa tenaya kullena antulungi ke'nanga.

YESAYA 43:6

Kuparentakangi mae ri wara' siagang ri timboro', sollanna linta' ke'nanga nilappassang. Lappassammi ana'-ana' bura'nenu ammotere' battu bella, siagang ana'-ana' bainenu ammotere' battu ri cappa'-cappa'na buttaya.

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

YEREMIA 4:6

Picinikiangi oloang mangea ri Sion, bulu'Na Batara, a'liliko linta', teako ammantangngi a'mereki. Appabattui Batara bala siagang kaancurang lompo battu wara'.

YEREMIA 46:10

Mingka inakke, Yeremia kukanamo, iaminne allonNa Karaeng Allata'ala Kaminang Tinggia siagang Kaminang Koasaya; ri anjo alloa Napa'balassi sikontu musu-musunNa. Pa'danNa bassoroki angnganre tau siagang angnginung cera'. Anne alloa Batara Kaminang Koasaya, Nasamballei koro'bang-koro'banga wara', ri anjo birinna Binanga Efrat.

YEREMIA 51:48

Sikontu apa niaka ri langi' siagang ri butta lakkio' rannui punna tu'guru' Babel mae ri limanna bansa waraka, ia battua untu' angngancuruki.

YEREMIA 6:1

A'lampako alliliangi kalennu, he sikamma tu Benyamin! Bokoi Yerusalem! Pasa'rai tarompeka ri Tekoa, siagang apparinrako pepe' ri Bet-Kerem salaku pammatei! Niaki battu wara' balaya siagang bahaya lompoa lantujuko.

YEHEZKIEL 1:4

Acconga' nai', nakucini'mo angnging lompoa ammiri' battu wara'. Kuciniki kilaka a'lepa'-lepa' battu ri sigompoang rammang ia sannaka lompona; nampa langika ri tammulilina teai sipato' singara'na. Lalang ri anjo kila' a'lepa'-lepaka nia' kucini' apa-apa accila'-cilla' sangkamma tambaga.

DANIEL 11:40

Punna la'birimmo battu allo kala'busanna kakoasanna anjo karaeng pa'rasangang waraka, labattumi karaeng pa'rasangang timboroka untu' ambunduki. Nampa karaeng pa'rasangang waraka lanabalasaki anjo bunduka siagang kabaraniang lompo. Lanapagioki kareta bundu' jaia, jarang na kappalaka. Lamajui rapang je'ne' a'baya, nampa jaimo pa'rasangang naempoi.

DANIEL 11:9

Nampa la'bakka anjo karaeng battua ri anjo pa'rasangang bageang waraka mange ambunduki anjo pa'rasangang bageang timboroka; mingka nitunrungi sa'genna nipaono' boko, nampa ammotere' mange ri pa'rasangang kalenna.

PAPPICINI' 6:5

Nampa Nareppe' anjo Ana' Gimbalaka segele' makatallua. Nakulangngere'mo olo'-olo' makatallua angkana, “Maeko!” Kucinikimi, nampa nia' kucini' sikayu jarang le'leng. Pabaena anna'galaki sipasang timbangang ri limanna.