ZAKHARIA 6:15 - KITTA' MATANGKASA'

¹⁵ Labattui tau battua ri tampa' bellaya siagang nabantui ke'nanga ambangungi BallakKu. Punna le'ba' anjo pambangunanga, lanaassemmi ke'nanga angkana iNakke Batara Kaminang Koasaya le'ba' assuroko battu mae ri ke'nanga. Sikontu anjo kammaya lakajariang ngasengi punna naturuki tojeng-tojeng ke'nanga sikamma parentaKu, Karaeng Allata'alana ke'nanga.”

ZAKHARIA 6:15 Iomraidhean Croise

YESAYA 3:10

Nakana Batara, “Pabattui mae ri tau mannurukia ri Nakke angkana lamate'nei siagang lasalamaki ke'nanga. Lanakasia' bajiki ke'nanga wassele' posona.

YESAYA 49:12

Battu bellai ummakKu para battu, battu wara', battu lau' siagang battu ri kota Sinim bageang timboro'.”

YESAYA 57:19

LaKusarei kasannangngang sikontu taua, baji' tau ambania kammayatompa tau bellaya. LaKupakabajiki ummakKu.

YESAYA 60:10

Nakana Batara mae ri Yerusalem, “Bansa maraeng lambangungi ammotere' kalli' tembo'nu, siagang lanalayaniko sikamma karaenga. Riolo Kuhukkungko lalang larroKu, mingka kamma-kamma anne ero'Ma' angkamaseangko.

YEREMIA 7:23

Poro Kuparentakanji bawang ke'nanga sollanna mannuruki ri Nakke, sollanna iNakke a'jari Allata'alana ke'nanga, siagang ke'nanga a'jari ummakKu. Kusuroi ke'nanga attallasa' situru' parenta-parentaKu sollanna mate'ne ke'nanga.

ZAKHARIA 2:13

A'mereki ngaseng mako ri dallekanNa Batara! Nasaba' ammentemmi battu ri tampa' pammantanganNa ri suruga.

ZAKHARIA 3:7

“Punna mannurukiko ri hukkung-hukkungKu siagang nugakang sikamma tugasa' Kupassareanga mae ri kau, situlusu'nu lakkulle a'jari pamimping ilalang ri Ballakku siagang angngurusuki paranglakkenna. LaKupilangngeri sikamma pappala' doannu, sangkamma Kupilangngerinna pappala' doanna sikamma malaeka' niaka ri ampikKu.

ZAKHARIA 6:12

Pauangi angkanaya iNakke Batara Kaminang Koasaya angkana, ‘Tau niarenga I Cu'la', la'jari apa napattujuanga ri tampa' napammantangia siagang ia lambangungi ammotere' Balla'Na Batara.

LAMPA-LAMPANA 2:39

Nasaba' anjo Napa'janjianga Allata'ala untu' ikau ngaseng siagang sossorannu, kammayatompa untu' tau battua ri pammantangang bellaya – iamintu sikontu tau Nakioka Allata'ala Batarata battu mae ri Ia.”

ROMA 16:26

Mingka kamma-kamma anne, situru' passuroNa Allata'ala mannannunganga, le'ba'mi nipa'nyata siagang nipabattu anjo rancanaya mae ri sikontu bansa-bansaya, iamintu le'baka natulisi' na'bi-na'bia, sollanna tappa' ngaseng siagang mannuruki ngaseng ke'nanga mae ri Allata'ala.

PAOLE 30:10

Mingka musti mannurukiko mae ri Ia siagang mannuruki ri sikontu hukkunNa niaka tattulisi' lalang ri anne kittaka, iamintu kitta' HukkunNa Batara. Musti attojeng-tojengko ri pa'mai'nu ammotere' mae ri Ia.