ZAKHARIA 6:1 - KITTA' MATANGKASA'

¹ Nia' pole paccini' maraeng kugappa. Kamma-kamma anne nia' kucini' appa' kareta pa'bundukang assulu' battu ri alla'na ruaya moncong tambaga.

ZAKHARIA 6:1 Iomraidhean Croise

2 KARAENG-KARAENG 6:17

Nampa appala' doang Elisa angkana, “O Batara, dasi-dasi natassungke matanna palayangku sollanna akkulle accini'!” Niturukiammi pappala'na Elisa, sa'genna ri wattunna assaile palayanna, nacini'mi anjo monconga rassi siagang jarang na kareta a'rinra angkulilingi Elisa.

AYUB 34:29

Punna tappu' a'merekiji bawang Allata'ala, manna sitau tabarani ancallai. Punna Nacokko rupanNa, manna sitau takkulle ambuntuluki.

PAMMUJI 33:11

Mingka rancanaNa Batara tuli attahanna, majarreki apa le'baka Narancang sila'busu'na jammanga.

PAMMUJI 36:6

O, Batara, pangngamaseanTa santinggi langika, tamamminraTa sa'genna rammanga.

PANGNGEBARANG 21:30

Tena kaporeang, tarang pikkirang, siagang kacara'dekang akkulle attahang ri dallekanNa Batara.

YESAYA 43:13

sa'genna satunggu-tungguna tuli iNakke Allata'ala. Taniakka akkulle ta'lapassa' battu ri kakoasangKu, yareka akkulle anrompai rancanaKu.”

YESAYA 66:15

Tojeng, labattui Batara siagang pepe'; laNadongkoki karetaNa rapang anging lompo, untu' ampa'betteseki kalarroanNa, siagang angga'gara' lompo.

YEREMIA 4:13

Ciniki, ammumbami musua sanrapang rammang. Kareta-kareta pa'bundu'na rapangi anging barubu, jarang-jaranna gassingangngangi larina najangang-jangang rajawali. Cilaka maki'! Panra' maki'!

DANIEL 4:15

Mingka lappassangi ammantang tonasa'na lalang ri buttaya. Sikkoki siagang rante bassi na tambaga, nampa nuboli' ri parang rukuka. Lappassangi nibasai ri allung, kammayatompa attallasa' siagang olo'-oloka siagang timbo-timboanga.

DANIEL 4:35

Bansa-bansaya ri lino tena anggaranna. Allata'ala makoasa mae ri malaekaka ri suruga siagang pandudu'na buttaya. Tena manna sitau akkulle ambaliangi ero'Na, tena barani ampakuta'nangngangi apa Nagaukanga.”

DANIEL 8:22

Anjo appaka tanru' ammumbaya ri wattunna tepo'mo tanru' rioloa, battuanna kakaraengang Yunani lata'bage-bagei a'jari appa' kakaraengang, mingka manna se're tania' lasangkamma kassa'na siagang anjo kakaraengang rioloa.

ZAKHARIA 5:1

Kuparhatikangi pole, nampa nia'mo pole kucini' iamintu se're kitta' nigulung anri'baka rate ri allaka.

ZAKHARIA 6:5

Appialimi angkana, “A'lampai ke'nanga mae ri appaka oloang ri wattu le'ba'na ke'nanga andallekang mae ri Batarana sikontu linoa.

LAMPA-LAMPANA 4:28

Asse'remi ke'nanga ero' a'gau' sangka' rupa, situru' apa le'baka Kipattantu angkanaya lakajariang memangi anjo kammaya. Na lanri koasa KalenTa siagang ero' KalenTa naKipattantu anjo apa lakajarianga.

EFESUS 1:11

Sikontu jama-jamanga, Napattantui siagang Nagaukangi Allata'ala situru' ero' KalenNa. Le'ba' maki' Napile memang battu ri pakkaramulanna, lanri Nakellaiki' sollanta a'jari umma'Na lanri a'jari se'reta siagang Almasi.

EFESUS 3:11

Nagaukammi Allata'ala anjo sikammaya situru' ero' laNagaukanga satunggu-tungguna, siagang Nagaukanga tete ri Isa Almasi, Batarata.

1 SAMUEL 2:8

Battu ri pa'risi' Naangka' tu tenaya apa-apanna, battu ri sessa Nalappassang tu tunaya. Nipa'jari ke'nanga aganna tu mala'birika, na Nasare empoang kalompoang. Pa'lapara'na buttaya Batara pata, irateanganna Nabangung linoa.