ZAKHARIA 5:6 - KITTA' MATANGKASA'

⁶ Akkuta'namma' angkana, “Apa anjo?” Appialimi angkana, “Se're karanjeng. Iaminjo pangngebarang dosana sikontu anne pa'rasanganga.”

ZAKHARIA 5:6 Iomraidhean Croise

KAIMANGNGANG 19:36

Pakei metere', timbangang siagang pa'baku' annabaya. INakke Karaeng Allata'alanu, siagang iNakkemi le'ba' angngerangko assulu' battu ri butta Mesir.

AMOS 8:4

Pilangngeri, he ikau ngaseng anjallakkangai tu kasi-asia ri anne pa'rasanganga sa'genna panra' ke'nanga!

AMOS 8:5

Nukana ngaseng mae ri kalennu, “Teai sipato' sallona allo-allo passua'-suarranga. Erokki' akkaro-karo mange ambalukangi gandunta, mingka anne passua'-suarranga tena le'ba'-le'ba'na. Angngapapi nale'ba' anne allo Pammari-marianga, sollanta akkullemo a'balu pole? Erokki accatu', annipu ri pa'baku' siagang jekkong ri timbanganga.

AMOS 8:6

Gandung panraka akkullei nibalukang tinggi ballinna. A'boyaki' tu kasi-asi tenaya nakkulle ambayaraki inranna, manna pole nainrang sipammalli sandala' bawang, na niballi a'jari atanta.”

MIKHA 6:10

Ri balla'na sikamma tau ja'dalaka nia' barang-barang wassele' pannipuang. Ammakei ke'nanga pa'baku' tenaya natojeng, iamintu panggaukang Kukabirisia. Inai-nai tau anggaukangi anjo kammaya laKuhukkungi.

ZEFANYA 1:9

LaKuhukkungi sikontu tau anggaukangai ibadaya sangkamma tau tenaya natappa' mae ri Nakke, siagang tau a'lukkaka kammayatompa tau ammunoa untu' ampirassi balla'na pinggawana ke'nanga siagang barang-barang nirampasa'.”

ZAKHARIA 5:7

Anjo karanjenga tima pattongko'na. Lalang kuparhatikanna, ta'angkaki anjo pattongko'na, siagang a'nassami angkanaya nia' sitau baine ammempo lalang ri anjo karanjenga.