ZAKHARIA 5:4 - KITTA' MATANGKASA'

⁴ Nakana Batara Kaminang Koasaya angkanaya anjo kana-kana pattunraya lanapattujui mae ri sikamma balla'na palukkaka siagang ri balla'na sikamma tau assumpa balle-ballea. Tuli lanitujuna anjo ballaka ri anjo kana-kana pattunraya sa'genna a'jari lica'.”

ZAKHARIA 5:4 Iomraidhean Croise

AYUB 18:15

Anne kamma manna inai akkullei ammantang ri kemana, siagang nikioro' anjoreng batu a'baraya, untu' ambunoi ku'mang garrinna.

AYUB 20:26

Ancuru'mi sikontu barang boli'-boli'na: ia siagang sikontu kaluargana nikanre ri pepe' taniparinraya ri rupatau.

AYUB 8:15

Maka gassingkai anjo ru'mung kammaya punna nipareki pammanjengang? Maka attahangi anjo bannang kammaya punna nipareki panna'gallang?’

AYUB 8:22

Lasiri'-siriki siagang latunai nasa'ring tau birisika ri kau, na balla' tau ja'dalaka lanipanraki sa'genna ancuru'.”

PANGNGEBARANG 3:33

Natunrai Batara balla'na tau ja'dalaka, mingka Nabarakkaki balla'na tau mannurukia mae ri Ia.

YESAYA 24:6

Lanri kammana anjo Natunraimi Batara buttaya siagang Nahukkummi pandudu'na lanri panggaukanna ke'nanga. Nipa'jari ammutungi ke'nanga siagang sike'de' mami battu ri ke'nanga salama'.

YEREMIA 2:26

Nakana Batara, “Rapang palukka' siri'-sirika ri wattunna nijakkala', kamma tomminjo batenu lasiri'-siri' ngaseng, he tu Israel, siagang sikamma karaenga, sikamma pamarentaya, siagang imang-imanga siagang sikamma na'bi-na'binu!

HOSEA 4:2

Assumpai ke'nanga mingka tena narupai; paballe-ballei ke'nanga, ammunoi, a'lukkaki siagang a'gau' bawangi. Katambangi ka'ja'dallanga, siagang sitampe-tampei kajariang pammunoanga.

HOSEA 4:3

Lanri kammana anjo anne pa'rasanganga la'jari kalotoroki, siagang sikontu apa attallasaka anjoreng lamate kabusuki. Sikontu rupanna olo'-olo' niaka ri allaka, ri buttaya siagang ri tamparanga lapanra' kabusuki.”

AMOS 3:10

Nakana Batara, “Sikamma anjo taua nabonei balla'-balla' karaenna ke'nanga siagang barang-barang nagappaya battu ri gau' ammacco' siagang gau' palla'. Ba'lalo tena sikali nangngasseng ke'nanga anggaukangi gau' lambusuka.

ZAKHARIA 5:3

Nampa nakana ri nakke, “Nia' tattulisi' lalang ri anjo kitta' ta'gulunga iamintu kana-kana pattunra mae ri sikontu anne pa'rasanganga. Niaki tattulisi' angkanaya sikamma palukkaka lanipasuluki battu anrinni ri pa'rasanganga. Siagang ri maraengannaya tattulisi' tongi angkanaya sikamma tau assumpa balle-ballea lanipasulu' tongi.

ZAKHARIA 8:17

Teako appareki rancana ja'dala' mae ri parannu tau. Teako appasuluki sumpa a'balle-balle. INakke birisikka' mae ri balle-ballea siagang mae ri tenaya naadele' kammayatompa ri katerassanga.”

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

PAOLE 28:16

Nitunrai kota-kotanu siagang koko-kokonnu.

PAOLE 7:26

Teako ammoliki patung barhala lalang balla'nu, sollanna anjo pattunra antujuai tena natuju tongko. Anjo apa kammaya musti numusui siagang musti nupakatunai, lanri nitunrai ri Batara.”

YOSUA 9:20

Takkulleaki' ambunoi ke'nanga nasaba' le'ba' maki' a'janji; napunna tena nanirupai anjo janjia, lanihukkungki' ri Allata'ala.