ZAKHARIA 5:3 - KITTA' MATANGKASA'

³ Nampa nakana ri nakke, “Nia' tattulisi' lalang ri anjo kitta' ta'gulunga iamintu kana-kana pattunra mae ri sikontu anne pa'rasanganga. Niaki tattulisi' angkanaya sikamma palukkaka lanipasuluki battu anrinni ri pa'rasanganga. Siagang ri maraengannaya tattulisi' tongi angkanaya sikamma tau assumpa balle-ballea lanipasulu' tongi.

ZAKHARIA 5:3 Iomraidhean Croise

KALAPPASSANG 20:15

Teako a'lukkakki.

PANGNGEBARANG 29:24

Tau assamaturuka siagang palukka', sangkamma nakabirisi kalenna. Punna a'bicarai silambusu'na ri pangadelang, lanipitabai hukkungang. Mingka punna a'merekiji bawang, lanitunrai ri Allata'ala.

PANGNGEBARANG 3:33

Natunrai Batara balla'na tau ja'dalaka, mingka Nabarakkaki balla'na tau mannurukia mae ri Ia.

PANGNGEBARANG 30:9

Saba', punna kalumanynyanga', gassingka kukana sallang angkana tenamo kuparalluangKi'. Na punna kasi-asia', gassingka a'lukkaka' sa'genna kura'massi arenTa.”

YESAYA 24:6

Lanri kammana anjo Natunraimi Batara buttaya siagang Nahukkummi pandudu'na lanri panggaukanna ke'nanga. Nipa'jari ammutungi ke'nanga siagang sike'de' mami battu ri ke'nanga salama'.

YESAYA 43:28

imang-imannu narantassi ballakKu. Jari Kupassareammi nihina Israel, Kubalang parekangi turunganna Yakub nitumpasa'.”

YESAYA 48:1

Pilangngeri, he turunganna Yakub, turunganna Yehuda ammakea areng Israel, nukana numangakui Allata'alana Israel, siagang assumpako lalang arenNa Batara. Mingka tena nannarrusu' kana-kanannu antama' ri atinnu.

YEREMIA 23:10

Pa'rasanganta rassi siagang tau tenaya namajarre' tappa'na mae ri Batara. Ja'dalaki ke'nanga lalang katallassanna siagang napake salai kakoasanna ke'nanga. Lanri pangngalarroinNa Batara, a'jari kalotoroki rukuka ri parang siagang sikontu pa'rasanganga susa ngasengi.

YEREMIA 26:6

Punna tuli teanu mappilangngeri, anne balla' sambayanga laKupa'jari sangkamma Silo, sa'genna sikontu bansaya ri lino napakei arenna kota Yerusalem anne salaku kana pattunra.”

YEREMIA 5:2

Nukana kalennu anynyombako mae ri Batara, nampa takammayaja anjo pattujunnu.

YEREMIA 7:9

A'lukkakko, ammunoko, a'gau' bawangko, sa'bi balle-balleko, assareko koro'bang mae ri Rewata Baal, siagang anynyombako mae ri rewata-rewata tenaya nanuassengi.

YEHEZKIEL 2:9

Nampa nia' kucini' lima ta'jonjo mae ri nakke. Lalang ri anjo limaya nia' kitta' nigulung,

DANIEL 9:11

Sikontu tu Israel nadakkaimi hukkung-hukkunTa siagang taerokami ampilangngeri kananTa. Dorakami ikambe mae ri Katte. Lanri kammanami anjo naKipabattu mae ri kambe pangngalarroinTa, ia niaka tattulisi' lalang ri kitta'na Musa, atanTa.

HOSEA 4:2

Assumpai ke'nanga mingka tena narupai; paballe-ballei ke'nanga, ammunoi, a'lukkaki siagang a'gau' bawangi. Katambangi ka'ja'dallanga, siagang sitampe-tampei kajariang pammunoanga.

KAIMANGNGANG 19:11

Teako a'lukakki, annipui yareka a'balle-ballei.

KAIMANGNGANG 19:12

Teako a'janji lanri arengKu punna tena nuttojeng-tojeng ero' anrupai anjo janjia, nasaba' lanri kammana anjo nuhinami arengKu. INakke Karaeng Allata'alanu.

AMOS 3:10

Nakana Batara, “Sikamma anjo taua nabonei balla'-balla' karaenna ke'nanga siagang barang-barang nagappaya battu ri gau' ammacco' siagang gau' palla'. Ba'lalo tena sikali nangngasseng ke'nanga anggaukangi gau' lambusuka.

ZAKHARIA 5:4

Nakana Batara Kaminang Koasaya angkanaya anjo kana-kana pattunraya lanapattujui mae ri sikamma balla'na palukkaka siagang ri balla'na sikamma tau assumpa balle-ballea. Tuli lanitujuna anjo ballaka ri anjo kana-kana pattunraya sa'genna a'jari lica'.”

ZAKHARIA 8:17

Teako appareki rancana ja'dala' mae ri parannu tau. Teako appasuluki sumpa a'balle-balle. INakke birisikka' mae ri balle-ballea siagang mae ri tenaya naadele' kammayatompa ri katerassanga.”

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

MALEAKHI 4:6

Lanapa'jari sikamma manggea siagang sikamma anaka asse're pa'mai', sollanna tena Kubattu ampanraki pa'rasangannu.”

MATIUS 25:41

Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

LUKAS 21:35

Nasaba' lasanrapangi sikko' nitannanga mae ri sikontu rupataua ri lino, kabattuanna anjo alloa.

EFESUS 4:28

Tau biasaya a'lukka' musti napammarimi a'lukkaka. Nampa musti anjamami sollanna nagappa pattallasanna siagang lambusu'; siagang nakkulle nutulung tau kakuranganga.

1 TIMOTIUS 1:9

Tantu musti niu'rangi angkanaya teai untu' tau bajika nanipare' anjo hukkung-hukkunga, passangalinna untu' sikamma tau andakkayai hukkunga, tau bannaka, tau dorakaya, tau tenaya agamana, tau assipa' pakkalinoanga, tau ambunoai tau toana, yangasenna tau pabunoa,

YAKOBUS 5:12

Sikamma sari'battangku; ia lomoro' se'rea, iamintu: Teako assumpai, baji' nanupau langika, baji' nalinoa, yareka naapa-apa mamo nupau. Iamo bawang nupau angkanaya “Iyo” punna iyo memang todong, siagang “Tena” punna tena memang todong; sollanna tena naNahukkungko Allata'ala.

YAKOBUS 5:4

Tanubayarrai gajina sikamma tungnganre gajia ri kokonnu. Kamma-kamma anne pilangngerimi kunrarenna ke'nanga! Sikamma tau ampasse'reai wassele'na kokonnu akkiok-kio'mi appala' tulung mae ri Allata'ala; siagang Nalangngere'mi Allata'ala, Batara Kaminang Koasaya anjo pakkio'na ke'nanga.

YOSUA 9:20

Takkulleaki' ambunoi ke'nanga nasaba' le'ba' maki' a'janji; napunna tena nanirupai anjo janjia, lanihukkungki' ri Allata'ala.

PAPPICINI' 21:8

Mingka tau balloranga, tau a'bali' ballanga, tau bambalaka pabuno-bunoa, tau pagau' bawanga, tau ammakea pangngissengang siagang baca-baca, tau anynyombaya barhala, kammayatompa sikontu tau paballe-ballea, lanipelaki antama' ri tamparang pepeka siagang bara a'rinra-rinraya, iamintu kamateang makaruaya.”

PAPPICINI' 22:15

Mingka sikontu tau anggaukangai apa-apa tenaya matu-matunna, tau ammakea pangngissengang baca-baca, tau a'gau' bawanga, tau ammunoa, tau anynyombaya barhala, siagang tau a'balle-ballea, baji' na'balle-balle lalang bicara yareka lalang panggaukang, sikontu anjo tau kammaya pantaranganna ngasengi anjo kotaya tampa'na.