ZAKHARIA 4:2 - KITTA' MATANGKASA'

² Akkuta'nangi angkana, “Apa nucini'?” Appialima' angkana, “Se're bangkeng lampu bulaeng. Ri coppo' ratena nia' pammolikang minynya', siagang ri tammulilina nia' tuju lampu, massing niaka tuju tampa' sumbuna.

ZAKHARIA 4:2 Iomraidhean Croise

1 PATTOTTORANG 28:15

untu' sikamma suloa siagang bangkeng suloa,

2 PATTOTTORANG 13:11

Tunggala' bari'basa' siagang karueng attunui ke'nanga dupa siagang assarei koro'bang nitunu untu' Batara, kammayatompa appasadiai roti nipatala. Tunggala' bangngi ke'nanga apparinra kanjoli-kanjoli ri pa'dongkokang kanjoli bulaenga. Ikatte tuli mannurukiki' ri parenta-parentaNa Batara, mingka ikau ngaseng nubokoimi Batara.

2 PATTOTTORANG 4:7

Appare' tongi 10 pa'dongkokang kanjoli bulaeng sangkamma modele' le'baka nirancanakang, siagang 10 meja. Sikontu anjo pa'dongkokang kanjolia siagang mejanga niboliki lalang ri kamara' makase'rea ri Balla'Na Batara, lima ri kairi siagang lima ri sa'ri kananna. Appare' tongi 100 mangko' bulaeng.

KATO'BA 12:6

Rante peraka latappuki na sisa'la'-sa'la'; lampu bulaenga tu'guruki na reppe'; otere' se'roka tappuki na panra'; gucia ancuruki na tassiara'.

YEREMIA 24:3

Nampa Nakana Batara ri nakke, “Yeremia, apa nucini'?” Appialia' angkana, “Rappo ara, Batara. Ia baji'-bajika sanna' baji'na, siagang ia bottoka sanna' botto'na sa'genna takkullea nikanre.”

YEREMIA 52:19

Barang-barang bulaeng siagang pera', kammayami mangko'-mangko' ca'dia siagang tampa' bara pepe', mangko'-mangko' untu' tampa'na cera' olo'-olo' nisamballea untu' koro'bang, tampa' au, bangkeng kanjoli, mangko'-mangko' untu' dupa, siagang mangko'-mangko' untu' pappatirikang passare je'ne' anggoro', kabusu'na naallei kalenna Nebuzaradan.

AMOS 7:8

Akkuta'nangi mae ri nakke angkana, “Apa nucini' Amos?” Appialima' angkana, “Otere' pa'ladung ammenteng lambusu', Batara.” Nampa Nakanamo Batara, “Kupakei anne pa'ladunga untu' ampappicinikangi angkanaya ummakKu rapangi tembo' tenaya nammenteng lambusu'. Tenamo nalaKupinra poleang rancanaKu, ma'nassa laKuhukkungi ke'nanga.

ZAKHARIA 5:2

Napakkuta'nangngangi anjo malaekaka anjo apa kucinika. Appialima' angkana, “Se're kitta' ta'gulung anri'ba' rate ri allaka. La'buna salapang metere' siagang sangkara'na appa' sitangnga metere'.”

PAPPICINI' 1:12

Assailema' mae ri boko ero' anciniki angkana maka inai anjo a'bicara mae ri nakke. Nampa nia' kucini' tuju bangkeng lampu ammakea sumbu, bulaenga nipare'.

PAPPICINI' 1:20

Iaminne rahasiana tujua bintoeng nucinika lalang ri lima kanangKu, siagang anjo tujua bangkeng lampu bulaenga: Anjo tujua bintoeng, iamintu tujua malaeka'na anjo tujua jama'ah; na anjo tujua bangkeng lampu, iamintu anjo tujua jama'ah.”

PAPPICINI' 4:5

Accayai anjo empoang kala'biranga sanrapang kila' angngeranga sa'ra gunturu' sannaka lompona. Na ri dallekanna anjo empoang kala'biranga, nia' tuju sulo a'rinra; iaminjo tujua RohNa Allata'ala.