ZAKHARIA 3:5 - KITTA' MATANGKASA'

⁵ Naparentakammi mae ri pambantu-pambantuna untu' ampitabai soro'bang tangkasa' ulunna Yosua. Naturukimi ke'nanga anjo passuroa. Le'baki anjo napipakeimi ke'nanga pakeang beru anjo Yosua na nijagai ri malaeka'Na Batara.

ZAKHARIA 3:5 Iomraidhean Croise

AYUB 29:14

Lambusuki gaukku, tena callangku; kupaentengi kaadelanga situlina.

KALAPPASSANG 29:6

Patabai anjo soro'banga ri ulunna siagang patabai anjo belo-belo bulaeng niaka ta'ukiri', ‘Nisa'laki untu' Batara’, mae ri anjo soro'banga.

YESAYA 3:23

baju nipisi', pakeang lenang, passikko' kallong siagang bongong la'bu.

YESAYA 61:10

Nakana Yerusalem, “Rannui pa'maikku lanri Batara, mate'nei atingku lanri Allata'ala. Rapang bunting bura'ne siagang baine ammake belo-belo ga'ga ngaseng, kammaminjo Napatabaya Batara ri nakke baju kasalamakkang siagang pammetang.

YEHEZKIEL 42:14

Punna le'ba' imanga anggaukangi tugasa'na ri Balla'Na Batara, siagang eroki a'lampa mange ri paranglakkeng bageang pantaranga, anjo pakeang tassa'la' napakea ke'nanga wattu allayani ri ibadaya, musti naboliki ke'nanga ri sikamma anjo kamaraka. Musti ammakei ke'nanga pakeang maraeng; le'baki anjo nampami ke'nanga akkulle a'lampa mange ri tampa'na ra'yaka a'rappung.”

ZAKHARIA 3:6

Nampa napabattu anjo malaekaka kananNa Batara mae ri Yosua angkana,

ZAKHARIA 6:11

Anjo bulaeng siagang pera' napassareanga ke'nanga, pareki se're songko' kalompoang siagang patabai mae ri ulunna Imang Malompo Yosua ana'na Yozadak.

PAPPICINI' 4:10

su'ju'mi anjo pamimping ruampuloa angngappa', mae ri anjo ammempoa ri empoang kala'birang, nampa anynyomba mae ri Ia anjo mattallasaka sa'genna satunggu-tungguna. Nampa napasambila ke'nanga massing songko'na mae ri dallekanna anjo empoang kala'biranga, nangkana,

PAPPICINI' 4:4

Na nia' todong ruampulo angngappa' empoang kala'birang maraengang angkulilingi anjo empoang kala'birang se'rea. Anjoreng nia' ammempo ruampulo angngappa' pamimping ammakeang kebo', siagang ammake songko' bulaeng.