ZAKHARIA 3:10 - KITTA' MATANGKASA'

¹⁰ Punna battu sallang anjo alloa, tunggala' taua lanakioki siampi' balla'na untu' battu siagang ampisa'ringi kasiamakkanga siagang salewanganga ri tangnga-tangngana koko anggoro'nu siagang poko'-poko' aranu.”

ZAKHARIA 3:10 Iomraidhean Croise

1 KARAENG-KARAENG 5:5

Le'ba'mi a'janji Batara mae ri manggeku Daud angkana, ‘Ana' bura'nenu laKuangkaka' a'jari karaeng ansambeangko, iami lambangung tampa' passambayangang mae ri Nakke.’ Lanri kammana anjo, Karaeng Hiram mala'birika, inakke Salomo, le'ba'mi kutappuki untu' ambangungi anjo bangunanga.

YESAYA 32:18

Lanipakabellai umma'Na Allata'ala battu ri kasusaanga nampa attallasa' ri tampa' sannanga siagang amanga.

YESAYA 36:16

Teako pilangngeri Hizkia! Inakke, Karaeng Asyur ampalaki sollannu assulu' ngaseng battu ri kotaya numanyara. Sinampe' akkulleko angnganre rappo anggoro' battu ri koko kalennu, siagang angkasiaki rappo ara battua ri poko' ara kalennu, siagang angnginung battu ri bungung kalennu,

YEREMIA 32:15

Batara Kaminang Koasaya, iamintu Allata'alana Israel, Nakana angkanaya, balla', tampa', siagang koko anggoro' lanipare' balukangi sallang.”

HOSEA 2:18

Anjo wattua lapparekKa' parjanjiang siagang sikontu rupanna olo'-oloka, sollanna tanaganggua ke'nanga ummakKu. LaKupammari sikontu pa'bundukanga siagang Kupabella ngasengi sikontu pakkakasa' pa'bundukanga battu ri pa'rasanganna ummakKu, naKupakasannang siagang Kupakaamang tallasa'na ke'nanga.

MIKHA 4:4

Tunggala' taua laamangi siagang salewangang lalang tallasa'na ri tangnga koko anggoro'na siagang koko poko' arana; tenamo lampakamallaki, iaminjo janjinNa Batara Kaminang Koasaya.

ZAKHARIA 2:11

Anjo wattua jai bansa labattu mae ri Batara untu' a'jari umma'Na. Ia lammantang ri tangnga-tangnganu, siagang lanuassengi angkanaya Batara assuroa' battu mae ri kau ngaseng.