ZAKHARIA 2:12 - KITTA' MATANGKASA'

¹² Sikalipi pole Yehuda la'jari nipatang nisa'laka untu' Batara ri butta matangkasa'Na, siagang Yerusalem la'jari kota kaminang NikarimangnginNa.

ZAKHARIA 2:12 Iomraidhean Croise

ESTER 6:13

Nacaritami mae ri bainenna siagang sikamma aganna apa le'baka nagaukang. Jari nakanamo bainenna siagang sikamma anjo agang-aganna appikkiri' bajika, “Appakkaramula mako nabeta gassing Mordekhai. Ia tu Yahudi, nampa takkulleako angngewai. Mattantu lanabetako.”

PAMMUJI 105:15

“Teako ganggui tunipileKu, teako a'gau' ja'dalli mae ri na'bi-na'biKu!”

PAMMUJI 132:13

Saba' le'ba'mi Napile Batara Sion; Naerokangi untu' a'jari tampa' pammantanganNa.

PAMMUJI 132:14

Nakana, “Anrinnimi pammantangangKu sa'genna satunggu-tungguna, erokKa' ammarenta ri anne tampaka.

PAMMUJI 135:4

Napilei Yakub untu' KalenNa, umma' Israel Napa'jari Ia ampatangi.

PAMMUJI 33:12

Mate'nei bansa mangakua ri Batara salaku Allata'alana, mate'nei umma' Napilea a'jari umma' Napatanga!

PAMMUJI 82:8

Battu maKi' o Allata'ala, adelimi linoa, saba' sikontu bansaya iKatte ngaseng pata.

YESAYA 14:1

LaNakamaseangi Batara Israel umma'Na, siagang Napilemi ke'nanga a'jari taunNa. LaNaboliki ammotere' ke'nanga ri pa'rasangang kalenna. Bansa maraenga labattu nampa asse're siagang ke'nanga.

YESAYA 17:14

Ri wattu karuenna appakamalla' lompoi ke'nanga, mingka ri bari'basa'na tenami ke'nanga. Iaminjo rapanna sarenna sikamma tau arrampasakai apa-apanta.

YESAYA 41:9

Kualleko battu ri cappa'-cappa' linoa, Kukiokko battu ri tampa'-tampa' bellaya. Kukana, ‘Ikaumi atangKu; taKutollakai bate pileKu.’

YEREMIA 10:16

Allata'alana Yakub tena nasangkamma anjo barhala-barhalaya; Ia ampa'jari sikontu apa niaka. Arenna iamintu Batara Kaminang Koasaya; Iami le'ba' ampilei Israel a'jari umma'Na.

YEREMIA 30:16

Mingka kamma-kamma anne sikontu angnga'lukako lania'lu' tongi, siagang sikontu musunnu laniengkaki mange ri butta pammelakkang. LaKujallakkangi tau anjallakkangako, laKuellaki tau angngellakako.

YEREMIA 51:19

Allata'alana Yakub tena nasangkamma anjo barhalaya; Iami ampareki sikontu apa niaka. Arenna iamintu Batara Kaminang Koasaya; le'baki Napile tu Israel a'jari umma'Na.

ZAKHARIA 1:17

Nasuro tonga' anjo malaekaka ampabattu tongi anne pasang angkanaya, “A'janji Batara Kaminang Koasaya angkanaya la'jari coppongi kota-kotaNa siagang angkanaya sikalipi pole laNatulung Yerusalem na Naani angkanaya Ia ampatangi.”

ZAKHARIA 3:2

Nakana malaeka'Na Batara mae ri Setanga, “Poro nihukkung laloko ri Batara, Setang! Poro nihukkung laloko ri Batara mangngarimangngia ri Yerusalem. Anne taua sanrapangi polong kayu nibesoka battu ri pepe' a'rinraya.”

PAOLE 32:10

Narapikangi ke'nanga sitabang alla'bang, ri tampa' sinoa ri parang lompoa. Iami ke'nanga rapang pa'mai'Na, Nala'langia siagang Naparakaia.

PAOLE 32:9

Mingka anne jari-jarina Yakub Napilei Batara untu' KalenNa.