ZAKHARIA 12:11 - KITTA' MATANGKASA'

¹¹ Ri anjo alloa nia' karru' lompo ri Yerusalem, rapang karru' mae ri Hadad-Rimon ri Ka'bung Lappara'na Megido.

ZAKHARIA 12:11 Iomraidhean Croise

2 PATTOTTORANG 35:22

Mingka kammaji lompona pattujunna Yosia untu' angngewa, siagang taerokai appilangngeri Yosia ri apa Napaua Allata'ala tete ri Karaeng Nekho. Ammake palusu'mi Yosia nampa antama' ri pa'bundukanga ri lappara' rawana Megido.

2 PATTOTTORANG 35:24

Niangka'mi ri ke'nanga battu ri karetana nampa nipalette' ri kareta maraeng niaka anjoreng, nampa nierang mange ri Yerusalem. Anjoremmi mate nampa nitarawang ri pa'jerakkanna sikamma karaenga. Susa kabusu'mi tu Yehuda siagang Yerusalem lanri anjo kamateanna.

ZAKHARIA 12:12

Nampa tunggala' kaluarga ri anjo pa'rasanganga massing langngarruki; kaluarga jari-jarina Daud, kaluarga jari-jarina Natan, kaluarga jari-jarina Lewi, kaluarga jari-jarina Simei, siagang sikontu kaluarga maraenga. Tunggala' kaluargaya massing-massing angngarruki, siagang sikamma tu bura'nea battu ri tunggala' kaluargaya langngarruki tassa'la' battu ri sikamma tubai'-bainea.”

MATIUS 24:30

Le'baki anjo lammumbami rate ri langika pammatei kabattuanNa Ana' Ma'rupataua. Na anjo wattua langngarru' ngasemmi sikontu bansa-bansa niaka lalang lino. Lanacini'mi ke'nanga battu Ana' Ma'rupataua ri tompo'na rammanga, lalang koasaNa siagang kala'birang malompoNa.

PAPPICINI' 1:7

Ciniki, niakI battu lalang ri rammanga! Sikontu rupataua lanacini' ngasengI, kammayatompa tau le'baka antobokI poke. Lanri Iami nalappiraung ngaseng sikontu bansa-bansaya ri lino. Mattantu kammana! Aming!

PAPPICINI' 16:16

Nampa napa'rappung ngaseng roh-roh anjo sikontu karaenga ri tampa' niarenga lalang bahasa Ibrani: Harmagedon.