ZAKHARIA 12:10 - KITTA' MATANGKASA'

¹⁰ Nampa jari-jarina Daud siagang pandudu'na Yerusalem laKupa'jari tunangai mangngamaseang pa'mai'na siagang nangai appala' doanga. Lanaciniki ke'nanga anjo tau le'baka nacoka ke'nanga, nampa nakarruki rapang tau angkarruki ana' sitau-tauna matea. Langngarruki ke'nanga pacce pa'mai'na, rapang tau ammoteranga ana' bungasa'na.

ZAKHARIA 12:10 Iomraidhean Croise

PA'JARIANG 45:1

Takkulleami naparrangngi pa'mai'na Yusuf ri dallekanna sikamma pagawena. Jari nasuromi ke'nanga a'lampa ambokoi anjo tampaka, sollanna akkulle napappiassengang kalenna mae ri sikamma sari'battanna.

PA'JARIANG 45:2

A'lampana ngasemmo pagawena ambokoi anjo tampaka, angngarru' lompomi Yusuf, sa'genna nalangngere' tu Mesir niaka pantaranganna anjo tampaka. Na ta'rapi'mo anjo kabaraka mange ri balla'na karaenga.

PAMMUJI 51:12

Pa'jarianga' ati maci'nong untu' inakke, o, Allata'ala, Kiberui atingku siagang sumanga' sa'bara'.

PANGNGEBARANG 1:23

Pilangngeria' punna kupasaileko, na lakupa'nyata bonena atingku, siagang kuajarrangko pangngassengangku.

PANGNGEBARANG 4:3

Ri wattungku ca'di ija, ana' sitau-tauna tau toaku,

YESAYA 32:15

Mingka sikalipi pole labattu Allata'ala siagang koasaNa. Na sikamma parang luaraka la'jari koko-koko coppong, sikamma kokoa la'jari sangkamma romang jaina.

YESAYA 45:22

He, sikontu pandudu'na buttaya, pasailemi kalennu mae ri Nakke sollannu Kupasalama', saba' iNakkeji bawang Allata'ala, tena pantaranganna!

YEREMIA 31:19

Le'baki ma'boko ikambe mae ri Katte, mingka assesse'lalammi ikambe ri gau' kammana anjo. Ri le'ba'namo Kihukkung ikambe, ta'dundumi ulunna ikambe napakamma si'na. Siri'-siriki ikambe siagang a'jari tunai lanri dorakanamo ikambe ri wattu rungkana.’

YEREMIA 31:9

A'jappai ke'nanga nammatti' je'ne' matanna, Kusaleori siagang Kururungangi ke'nanga. Kuerangi ke'nanga allalo ri tampa'-tampa' jaia je'ne'na, allalo ri agang lappara' tenaya nakkulle tatto'ro ke'nanga. INakke rapang mangge mae ri Israel; Efraim ana' bura'ne bungasakKu.”

YEREMIA 50:4

Nakana Batara, “Anjo wattua sallang tu Israel siagang tu Yehuda labattui siagang angngarru' amboyA', Allata'alana ke'nanga.

YEREMIA 6:26

Nakana Batara ri umma'Na, “Ammakeko pakeang karung nampa anggulung-gulungko ri aua. Susa tukamateang mako siagang angngarru' mako pacce nyawanu, rapang tau appiraunga angkarruki ana' sitau-tauna, nasaba' ti'ring labattumi tulammanrakia ambundukiko.”

YEHEZKIEL 20:43

Anjoreng lanuu'rangi sikontu panggaukang appakaringika, anra'massiai kalennu. La'ringi'-ringikko angngu'rangi anjo sikontu kaja'dallannu.

YEHEZKIEL 37:14

LaKupatuiki nappasaka antama' ri kalenna ke'nanga untu' ampakatallasaki ke'nanga, nampa Kusare pakkulle ke'nanga ammantang ri pa'rasangang kalenna. Jari naassemmi ke'nanga angkanaya iNakke Batara. INakke Batara anne akkana, siagang mattantu la'rupana kanangKu.”

YEHEZKIEL 39:29

LaKupantamaki RohKu antama ri bansa Israel, siagang tenamo nalanibokoi pole ke'nanga. INakke, Batara Kaminang Tinggia, anne akkana.”

AMOS 8:10

Sikamma passua'-suarrannu laKupinrai a'jari kasusaang, siagang kelong-kelonnu a'jari karru'. LaKupa'jariko ikau ancukkuruki kalennu siagang ammakeko kaeng karung tanra si'na. Rapangko anrong mangge angkarruki kamateanna ana' sitau-tauna. Anjo alloa lakala'busangi a'jari allo sanna' appakasi'nana pa'mai'.”

ZAKHARIA 13:9

Bage talluna mami lasalama'. Siagang anjo ke'nanga laKupakatangkasaki rapang pera' nipakati'noka siagang pepe'. LaKuuji ke'nanga rapang tau angngujia bulaeng. Nampa lappala' doang ke'nanga mae ri Nakke, siagang laKupiali pappala'na ke'nanga. LaKupauangi ke'nanga angkanaya iami ke'nanga ummakKu, nampa ke'nanga lamangaku tongi angkanaya iNakkemi Karaeng Allata'alana ke'nanga.”

PAMMILANGNGANG 21:9

Jari napare'mi Musa anjo ulara' tambagaya nampa napadongko' irate ri se'reang benteng. Inai-nai nitotto' ri ulara', akkullei ammolle punna naciniki anjo ulara' tambagaya.

MATIUS 24:30

Le'baki anjo lammumbami rate ri langika pammatei kabattuanNa Ana' Ma'rupataua. Na anjo wattua langngarru' ngasemmi sikontu bansa-bansa niaka lalang lino. Lanacini'mi ke'nanga battu Ana' Ma'rupataua ri tompo'na rammanga, lalang koasaNa siagang kala'birang malompoNa.

MATIUS 26:75

Nau'rangimi Petrus le'baka Napau Isa ri ia angkanaya, “Ri tenanapa nattingkoko janganga na pintallumMa' nusassali.” Assulukammi Petrus angngarru', si'na pa'mai'na.

YOHANES 1:29

Ammukona, nia'mi Isa nacini' Yohanes battu mae ri ia. Nakanamo Yohanes, “Cini'mi, Iaminjo Ana' Gimbala'Na Allata'ala, antangkasiai dosana bonena linoa.

LAMPA-LAMPANA 10:45

Sikamma tu Yahudi tappakamo ri Isa, anjo niaka amminawang ri Petrus battu ri Yope, a'jari lannasa' ngasemmi anciniki anjo apa kajarianga. Lannasa' ngasengi ke'nanga anciniki nasaba' Napassareang tongi RohNa Allata'ala mae ri bansa maraenga, pantaranganna bansa Yahudia.

LAMPA-LAMPANA 11:15

Napannarrusuki caritana Petrus nakana, “Na ri wattungku appakkaramula a'bicara kamma anjo, Naummi RohNa Allata'ala mae ri ke'nanga ngaseng, sangkamma le'baka kajariang mae ri katte ngaseng pirangalloang.

LAMPA-LAMPANA 2:17

Nakana Allata'ala, ‘Ri allo kala'busanna jammanga laKupaturungi RohKu mae ri sikamma taua. Lanapabattuangko ana'-ana' bura'nenu siagang ana'-ana' bainenu sikamma apa-apa le'baka Kupabattu mae ri ke'nanga. Lanaciniki tu rungkanu apa-apa Kupappicinikanga mae ri ke'nanga. Lasso'nai tu toa-toanu, iamintu so'na Kupabattua mae ri ke'nanga.

LAMPA-LAMPANA 2:33

Niangka'mi nai' ri empoang kaminang tinggia siagang nisaremi koasa ri Allata'ala, nampa Natarima RohNa Allata'ala, le'baka Napa'janjiang Manggea. Na anne apa nulangngereka siagang nucinika kamma-kamma anne iaminjo RohNa Allata'ala, Napaturunga mae ri kambe.

LAMPA-LAMPANA 2:37

Nalangngere'na ngaseng ke'nanga anjo napaua Petrus, sanna' ngasemmi dinging-dinginna atinna ke'nanga. Jari akkuta'nammi ke'nanga ri Petrus siagang anjo tunisuro maraenganga, angkana, “Jari apamo musti nigaukang anne, sari'battang?”

ROMA 8:15

Nasaba' anjo Roh Napassareanga Allata'ala mae ri kau ngaseng, tena Napa'jari atako sa'gennu a'jari malla' lalang ri katallassannu. Passangalinna anjo RohNa Allata'ala ampa'jariko ana'-ana'Na Allata'ala. Siagang lanri koasaNa anjo RohNa Allata'ala akkulle maki' angkana ri Ia, “Manggeku, Manggeku!”

ROMA 8:26

Kamma tomminjo, punna lammaki', battui RohNa Allata'ala antulungki'. Nasaba' taniassengai angkana antekamma bateta musti appala' doang; Iaminjo Roh mange andallekang ri Allata'ala sannaka batena ampappalakkangki', sa'genna taniassengamo ikatte nipau anjo apa parallua nipala'.

EFESUS 6:18

Gaukang ngasemmi anjo kammaya, nanuappala' doang siagang appala' tulung mae ri Allata'ala. Ri sikamma kasampatang niaka, appala' doangko situru' panrurunganNa RohNa Allata'ala mae ri kau. Paralluko tuli jaga-jaga, siagang teako eroki ampappibetangi kalennu. Tuli pappala' doangangi sikontu Umma'Na Allata'ala.

IBRANI 12:2

Parallui tuli tattuju paccinitta mae ri Isa, nasaba' Iami ampabangungi siagang amparakai tappatta battu ri pakkaramulanna sa'genna kala'busang. Attahangi Isa angkasiaki sessaya ri kayu sallika! TaNajampangiai angkanaya anjo matea ri kayu sallika sannaki appakasiri'na. Iaji bawang Nau'rangi karannuang laNakasiaka sallang. Nakamma-kamma anne ammempomi ri sa'ri kanang empoang kala'biranNa Allata'ala, ammarenta siagang Allata'ala.

YUDAS 1:20

Mingka ikau ngaseng, sikamma sari'battangku, parallui tuli nupakajarre' turus katappakkannu mae ri Isa Almasi; anjo tappa'nu sanna' tangkasa'na. Na lalang kammana anjo appala' doangko siagang koasa RohNa Allata'ala;

PAPPICINI' 1:7

Ciniki, niakI battu lalang ri rammanga! Sikontu rupataua lanacini' ngasengI, kammayatompa tau le'baka antobokI poke. Lanri Iami nalappiraung ngaseng sikontu bansa-bansaya ri lino. Mattantu kammana! Aming!

1 SAMUEL 7:2

Sallo tongi ammantang anjo Patti ParjanjianNa Batara ri Kiryat-Yearim, kira-kira niaki ruampulo taung. Lalang sikammaya anjo sallona, akkio'mi sikontu umma' Israel appala' tulung ri Batara.