ZAKHARIA 11:9 - KITTA' MATANGKASA'

⁹ Nampa kukana ri pa'rappunganna anjo sikamma gimbalaka, “Taerokama' angkalawaki ngasengko. Ia tenaya tamatena lappassammi mange mate, siagang ia tenaya tapanra'na lappassammi mange panra'. Nampa la'binnaya akkullei assibuno-buno para ia.”

ZAKHARIA 11:9 Iomraidhean Croise

YEREMIA 19:9

Lanikurungi ri musu anne kotaya, siagang nausahakangi nabuno pandudu'na. Teai sipato' heba'na batena musua angkurungi, sa'genna sikamma tau niaka lalang ri anne kotaya lasikanre-kanrei para ia sipa'gangngang, ba'lalo ana' kalenna nakanre ngaseng.”

YEREMIA 23:33

Nakana Batara, “Yeremia, punna kalase'renna tau battu ri ummakKu, yareka kalase'renna na'bi yareka imang akkuta'nang ri kau angkana, ‘Apa pasanNa Batara?’ Musti appialiko angkana, ‘Ikaumi pisangnganNa Batara; lanri kammanami anjo nalaNapelakko.’

YEREMIA 23:39

laKurappungi ke'nanga nampa kupasambila bella-bella, baji' nakalenna ke'nanga kammayatompa kota le'baka Kupassareang mae ri ke'nanga siagang mae ri boe-boena ke'nanga.

YEREMIA 43:11

Labattui Nebukadnezar siagang lanabetai Mesir. Siagang sikamma tau le'baka nipattantu lamate lanri garring, lamatei lanri garring. Tau le'baka nipattantu laniengka' salaku tau nitahang, laniengkaki salaku tau nitahang; tau nipattantua lamate lalang pa'bundukang, lamatei lalang pa'bundukang.

YEHEZKIEL 5:10

Tau toaya lanakanrei ana' kalenna siagang anaka lanakanrei tau toana. Kammami anjo batena laKuhukkung ke'nanga, siagang ia attallasaka ija laKupasiaraki mae ri sikontu tampa' maraenga.

HOSEA 4:6

Ikau ngaseng, sikamma imanga, tena nujampangiA', jari ummakKu tena tommo najampangiA' sa'genna natuju bala ke'nanga. Nutollaki ajarang-ajarangKu. Jari, iNakke laKutolla' tongko, siagang ana'-ana'nu tena nalaKuani salaku imang-imangKu.

ZAKHARIA 13:8

na ruambageang talluna sikontu pandudu'na pa'rasanganga lamate.

MATIUS 15:14

Tea' mako jampangi anjo tu Farisia. Anjo ke'nanga sangnging pamimping-pamimping buta. Na punna tau buta ammimping tau buta, tena tatu'guru'na rua-rua naung ri solonganga.”

MATIUS 21:19

Nia' nacini' se're poko' ara ri biring aganga. Mangemi anjoreng ri poko' araya. Mingka manna sibatu tania' Nacini' rapponna pantaranganna leko-leko'na bawang. Nakanamo Isa ri anjo poko' araya, “Tenamo nukkulle a'rappo pole!” Nakalumeng memammo silalonna anjo poko' araya.

MATIUS 21:43

Nakanamo pole Isa, “Jari u'rangi angkanaya, yangasenna ha'nu a'jari umma'Na Allata'ala lanialleangko ammotere', nampa nipassareang mae ri bansa maraenga, eroka anggaukangi ero'Na Allata'ala. [

YOHANES 12:35

Appialimi Isa Nakana, “Poro untu' sinampe'ji lania' anjo singaraka ri tangnga-tangnganu ngaseng. Jari a'jappa mako ilalang nia'na ija anjo singaraka, sollanna tena nanatujuko sassang. Inai-nai a'jappa lalang ri sassanga, tanaassengai angkana kemae lanaolo.

YOHANES 8:21

Nakanamo pole Isa ri ke'nanga, “ErokKa' a'lampa sallang, siagang lanuboyA'; mingka lamate ngasengko lanri dosa-dosanu. Ri tampa' laKumangeia, takkulleako mange anjoreng.”

YOHANES 8:24

Lanri kammana minjo naKukana ri kau ngaseng, angkanaya lamate ngasengko lanri dosa-dosanu. Na memang lamateko lanri dosa-dosanu punna tena nutappa' angkanaya, ‘INakkeminne nikanaya INAKKE NIA'.’ ”

PAPPICINI' 22:11

Ia tau ja'dalaka, lappassammi a'gau' ja'dala' turus; ia tau ra'masaka lappassammi tuli nara'massi kalenna; ia mannurukia ri ero'Na Allata'ala lappassammi tuli mannuruki ri ero'Na Allata'ala, siagang ia napassareangamo katallassanna untu' Allata'ala bawang, lappassammi attallasa' turus untu' Allata'ala bawang.”