ZAKHARIA 11:7 - KITTA' MATANGKASA'

⁷ Nampa inakke, Zakharia, nigajima' ri sikamma padanggang gimbalaka untu' angkalawaki sikamma gimbala' lanipolonga. Inakke nia' rua takkangku; se'reanga kuarengi “Kalammorang” nampa se'reanga pole kuarengi “Sikkokang”. Nampa appakaramulama' anjagai siagang amparakai anjo sikamma gimbalaka.

ZAKHARIA 11:7 Iomraidhean Croise

PAMMUJI 23:4

Manna kullalo ri ka'bung sassanga, tena kumalla' ri bahaya, saba' iKatte anrurunganga'. IKatte anjagaia' sanrapang pakalawaki anjagai gimbala'na siagang takkang na palu-palu lompo.

PAMMUJI 27:4

Se'reji bawang kupala' ri Batara, iajinne bawang kukaerokia: ammantanga lalang ri Balla'Na Batara lalang sikontu umurukku, untu' angkasiaki kabajikanNa Batara siagang appala' panrurunNa.

PAMMUJI 90:17

O, Batara Allata'alana ikambe, Kibarakkaki ikambe, sollanna angngerang wassele' sikamma jama-jamanna ikambe.

YESAYA 11:4

Tu kasi-asia naadeli siagang adele', tau tamakkullea nabantui siagang lambusu'; nahukkungi tau salaya lanri parentana, tau ja'dalaka natumpassangi.

YESAYA 40:11

Rapang sitau pakalawaki amparakai olo'-olo'Na; KalenNa ampa'rappungi ke'nanga. Ana'-ana' gimbalaka Nakalawingi, na Naemba baji'-baji' sikamma anronNa.

YESAYA 61:1

KoasaNa Batara Kaminang Tinggia niaki ri nakke; Napilea' siagang Nasuroa' untu' angngerang kabara' baji' mae ri tau kasi-asia siagang ampammollei tau ancuruka pa'mai'na; untu' ampa'la'bangi mae ri tau nitahanga angkanaya tasalloami nanilappassang ke'nanga, siagang mae ri sikamma tau nitarungkua angkanaya lanipasulu'mi ke'nanga.

YEREMIA 39:10

Sipa'gang ra'ya' kaminang kasi-asia siagang tenaya barang-baranna, nibokoi ri Yehuda siagang nisarei koko anggoro' siagang koko maraenga.

KAIMANGNGANG 27:32

Tasse're battu ri sampuloa kayunna olo'-olo' iamintu Batara pata. Punna nirekengi anjo olo'-olo' piaraya, tunggala' tassikayu, iamintu makasampuloa battu ri anjo olo'-oloka, Batara pata.

MIKHA 7:14

O Batara, Kikalawaki laloi ummatTa, iamintu umma' nipileTa. Ammantangi ke'nanga bella ri parang lompoa, ri tangnga-tangngana butta copponga. Lappassammi ke'nanga anggappa kanre ri parang ruku'na Basan siagang ri Gilead sangkamma jammang riolo.

ZEFANYA 3:12

Anjoreng laKuboliki ammantang tuli se'reang bansa tuna pa'mai', ampattoangai pannulungKu. Akkullei ke'nanga ammantang anjoreng.

ZAKHARIA 11:14

Le'baki anjo kutepo'mi takkangku makaruaya, iamintu takkang kuarenga “Sikkokang”, sa'genna reppe'mi kase'reanna Yehuda siagang Israel.

ZAKHARIA 11:4

Nakana Karaeng Allata'ala mae ri nakke, “A'gau' sanrapangko pakalawaki angkalawakiai gimbala' lanipolonga.

MATIUS 11:5

accini'mi tau butaya, a'jappami tau pesoka, a'jari baji'mi tau garring salaya, allangngere'mi tau tongoloka, attallasa' poleammi tau matea, kammayatompa nibirittakammi Kabara' Baji' battua ri Allata'ala mae ri tu kasi-asia.

MARKUS 12:37

Jari punna nakio' ‘Batara’, Daud anjo Karaeng Mappasalamaka, antekamma nakkulle nikana sossoranna Daud?” Anjo tau jaia lalang ri Balla'Na Batara sannang ngasemmi nyawana allangngereki bateNa Isa angngajara'.

YOHANES 10:16

Nia' ija gimbala' maraeng, iNakke todong pata, mingka tantamayapi ri pa'rappunganna anne gimbalaka. Musti Kuerang tongi ke'nanga battu na lanapilangngeri todong sa'rangKu. La'jari sipa'rappungang ngasengi ke'nanga na se're pakalawaki napa'jului.

YAKOBUS 2:5

U'rangi sikamma sari'battangku, sannaka kukarimangnginna! Ia tau nicini' kasi-asia ri anne linoa, iami nipilei ri Allata'ala untu' a'jari tu kalumanynyang lalang ri katappakkanga. Iaminjo tau kammaya la'jari Umma'Na Allata'ala situru' Napa'janjianga Allata'ala mae ri sikamma tau angkamaseangai.

1 SAMUEL 17:40

Nampa naalle takkang pakkalawakinna, nammile lima batu a'bundala' ri binangaya, nampa napantama' ri kocikanna. Patte' naerang a'lampa mange angngewai Goliat.

1 SAMUEL 17:43

Nakanamo Goliat ri Daud, “Lanuapai anjo takkanga? Apa nucini' kongkonga' anne?” Nampa nahinamo anjo Daud lalang arenna sikamma rewatana ke'nanga.