ZAKHARIA 10:8 - KITTA' MATANGKASA'

⁸ LaKukioki ummakKu siagang Kupa'rappungi ke'nanga a'jari se're. LaKupakabebasaki ke'nanga siagang laKupa'jari jai sangkamma riolo jaina.

ZAKHARIA 10:8 Iomraidhean Croise

1 KARAENG-KARAENG 4:20

Ra'ya' Yehuda siagang ra'ya' Israel sanrapangi kassika ri biring tamparang jaina. Anggannaki ke'nanga ri kanre siagang ri inungang kammayatompa sannangi katallassanna ke'nanga.

KALAPPASSANG 1:7

Mingka anjo turunganna tu Israel a'bija-bijami a'jari sanna' jaina. Teai sipato' linta'na katambang jaina ke'nanga, sa'genna ero'mi rassi pa'rasangang Mesir napakamma ke'nanga.

YESAYA 44:22

Kasalannu Kubongkai rapang rammang, dosanu Kupakabellai rapang saliu'. Ammotere' mako mae ri Nakke, saba' le'ba' mako Kupakabebasa'!”

YESAYA 48:20

A'lampako siagang lariko battu ri Babel, pa'la'bangi anne kabaraka ri kere-keremae. Kabarrangi siagang pakkio' rannu, angkana: “Le'ba'mi Napasalama' Batara atanNa, Israel!

YESAYA 5:26

LaNakioki Batara bansa bellaya na labattu ke'nanga linta'!

YESAYA 51:11

Nalammotere'mo sikamma tau Nalappassanga Batara akkio' rannui ke'nanga antama' ri Yerusalem corai rupanna ke'nanga lanri karannuang mannannungang. Rannui siagang ma'reja-rejai ke'nanga, lanynya'mi susaya siagang kunrarenga.

YESAYA 7:18

Anjo wattua laNakioki Batara tu Mesir siagang tu Asyur, nampa battumo anjo ruaya bansa rapang katingalo siagang bani angkatulungi sikamma ka'bung lantanga siagang alla'-alla'na batu karanga. Lanatongko' ngasengi ke'nanga sikamma romang katintinga kammayatompa sikamma tampa' niaka ruku'na.

YEREMIA 33:22

LaKutambai jari-jarina atangKu Daud siagang imang-imang suku Lewi, sa'genna anjo ke'nanga a'jari rapangi kassi' ri biring tamparanga jaina siagang bintoenga ri langika tenaya nakkulle nirekeng jaina.”

HOSEA 1:10

Bansa Israel la'jari sanrapangi kassika ri tamparanga jaina, sa'genna takkullea nibaku' yareka nirekeng. Kamma-kamma anne Nakana Allata'ala ri ke'nanga, “Ikau teaiko ummakKu,” mingka lanarapiki sallang wattunna nalaNakana ri ke'nanga, “INakkemi Allata'ala mattallasaka siagang ikaumi ana'-anakKu!”

MIKHA 2:12

Nakana pole Batara, “He umma' Israel niaka ija tassesa! Ma'nassa laKupa'rappungko siagang Kupasse'reko rapang gimbala' ammotereka mae ri barana. Rapang parang ruku' rassia siagang gimbala', kamma tomminjo pa'rasangannu larassi siagang tau jai.

ZAKHARIA 9:11

Nakana Batara mae ri umma'Na, “Lanri parjanjiang le'baka Kupare' siagang ikau ngaseng, parjanjiang nipa'jari assaya siagang cera' koro'bang nipassareanga, laKupakabebasaki ra'ya'nu sessaya lalang ri butta pammelakkang sangkamma tau nikurunga lalang ri bungung kalotoro'.

MATIUS 11:28

Battu ngaseng mako mae ri Nakke ikau tau posoa siagang tau battalaka erangnganna; laKupakabajiki pakkasia'nu.

PAPPICINI' 22:17

Nakanamo RohNa Allata'ala siagang Bunting Bainea, “Mae mako!” Sikamma allangngerekai musti angkana tongi, “Mae mako!” Inai-nai turere, battu mako mae! Siagang inai-nai ero' mae mako angngalle cuma-cuma je'ne' katallassang!

PAPPICINI' 7:9

Le'baki anjo kucinikimi pole, na nia'mo kucini' tamparang tau, sannaka jaina tau bonena; tena manna sitau akkulle anrekengi jaina! Ia ke'nanga tau battu ri massing-massing bansa, suku, pa'rasangang, siagang bahasa. Ammenteng ngasengi anjo tau jaia andallekang mae ri empoang kala'biranga siagang andallekang mae ri anjo Ana' Gimbalaka; ammakeang juba kebo' ngasengi ke'nanga siagang massing anna'galaki leko'-leko' kaluku lolo.