Biblia Todo Logo
Bìoball air-loidhne

- Sanasan -




ZAKHARIA 10:6 - KITTA' MATANGKASA'

6 “LaKupa'jari kassaki pandudu'na Yehuda, laKupasalamaki umma' Israel. Kuerangi ke'nanga ammotere' mange ri pa'rasanganna lanri Kusayanna ke'nanga. LaKupareki ke'nanga sangkamma bansa tenaya nale'ba' Kusassali. INakkemi Karaeng Allata'alana ke'nanga, sikontu pappala' doanna laKuparhatikangi ammotere'.

Faic an caibideil Dèan lethbhreac




ZAKHARIA 10:6
39 Iomraidhean Croise  

Kubuntulu'mi Daud, atangKu, nampa Kulanti' siagang minynya'-minynya' upacara.


Lappanaiki Batara se're bandera untu' bansa-bansaya. Iaminjo pammatei angkanaya laNapasse'rei ammotere' bansa Israel siagang Yehuda ia tassiaraka mae ri sikontu buttaya, nampa naerang ke'nanga ammotere'.


LaNakamaseangi Batara Israel umma'Na, siagang Napilemi ke'nanga a'jari taunNa. LaNaboliki ammotere' ke'nanga ri pa'rasangang kalenna. Bansa maraenga labattu nampa asse're siagang ke'nanga.


Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.


Teako mallakki, talanipakasirikako; talanihinayako sa'gennu ammakkala' kacci. Lanukaluppai tamajarre'na tappa'nu ri wattu rungkanu; tanuu'rangiami sinona nukasia' ri wattunnu rapang janda.


Sinampe'jA' anggilingi rupangKu battu ri kau lanri sanna'na larroKu. Mingka Kukamaseangko siagang pangngamaseang mannannungang.” Kammaminjo kananNa Allata'ala Mappasalama'nu.


Punna ammarentai, lasalamaki tu Yehuda, siagang tu Israel lattallasaki siagang amang. Anjo karaenga lanigallaraki ‘Batara Kasalamakkanta’.


Lasse'rei Israel siagang Yehuda, nasiagang battu ri butta pammelakkanga, battu wara'. Lammotereki ke'nanga mange ri pa'rasangang le'baka Kupassareang a'jari butta pisaka mae ri boe-boenu.”


Nakana pole Batara: “Ikau, ummakKu laKukamaseangko siagang laKupakabajiki ammotere' katallassannu ri butta passolongang cera' kalennu. Lanibangungi ammotere' Yerusalem, siagang lanipakabajiki balla' karaenna.


Bansanu laKupa'jari porei sangkamma riolo, siagang ammenteng ammotere' salaku ummakKu. Sikontu anjallakkangai laKuhukkung tongi.


Nakana Batara, “Lanarapi sallang wattunna naKua'jari Allata'ala mae ri sikontu suku Israel, siagang ke'nanga a'jari ummakKu.


Israel, ikau ana' nisayangKu, ana' Kungaia, bua atingKu. Punna Kuancangko tuli nakkuKa' Kumangngu'rangi ri kau. LaKugaukanga mae ri kau iamintu Kukamaseang sikaliko.


Nakana Batara, “Lanarapiki sallang wattunna naKuppare' parjanjiang beru siagang umma' Israel siagang Yehuda.


Pandudu'nu siagang olo'-olo'nu laKutambai sa'genna a'jari sanna' jaina, la'bi jaiangngangi narioloa, siagang lammana'-manaki naccucu ke'nanga sanna' jaina. Lattallasaki ke'nanga anjoreng sangkamma riolo, siagang Kupa'jari kalumanynyangi, kamma tenayapa nale'ba' nukasia' rioloanganna. Jari lanaassemmi ke'nanga angkanaya iNakkemi Batara.


Nakana Batara Kaminang Tinggia, “He bansa Israel, Kupa'biang mako ammotere' appala' tulung mae ri Nakke; laKutambai jainu, sanrapang pa'rappungang gimbalaka jaina.


“He tau, angngalleko se're takkang siagang tulisiki anne kana-kanaya anjoreng, ‘Kakaraengang Yehuda’. Nampa angngalleko se're takkang maraeng, siagang tulisiki anjoreng, ‘Kakaraengang Israel’.


Nakana Batara Kaminang Tinggia, “Mingka kamma-kamma anne laKukamaseangi umma' Israel jari-jarina Yakub, siagang Kupa'jari kalumanynyang poleangi ke'nanga. Lanri kammana anjo Kujagaimi arengKu sollanna tuli nipakalompo.


Bansa Yehuda siagang bansa Israel lanipakase'rei ammotere'. Langngangkaki ke'nanga sitau pamimping, siagang la'bakkaki ke'nanga kammayatompa lakkalumanynyangi ammotere' ke'nanga ri pa'rasangang kalenna. Tojeng, allo Yizreel la'jarimi allo lompo!


Mingka bansa Yehuda laKukamaseangi. INakke, Batara, Allata'alana ke'nanga lampasalamaki ke'nanga; mingka teai lanri pa'bundukang, teai todong lanri pa'dang yareka pana yareka jarang siagang pabaena.”


Lanapelaki tu Israel patung-patung barhalana; laKuparakai ke'nanga naKupilangngeri pappala' doanna. Rapang poko' kayu tuli jaina leko'na, iNakke lalla'langngi ke'nanga. INakkemi kabattuanna sikontu barakkaka mae ri ke'nanga. INakke, Batara, anne akkana.”


LaKupa'jari salewangangi tallasa'na ummakKu siagang ammantang tuli ri pa'rasanganna ke'nanga. Ri ke'nanga nigallaraka ‘Tenaya Nikamaseangi’ laKupappicinikangi angkanaya Kukamaseangi ke'nanga, na ri ke'nanga nigallaraka ‘Teai UmmakKu’, laKukanai, ‘Ikau Ngaseng UmmakKuko’. Lappiali ke'nanga kamma anne, ‘IKatte Allata'alana ikambe.’ ”


UmmakKu Israel larapangi pepe' angkanrei jari-jarina Esau, rapang pepe' angkanreai sa'genna cappu' raramea ri kokoa. Tena manna sitau battu ri jari-jarina Esau akkulle lata'lappasa'. INakke, Batara anne akkana!


Nakana Batara, “He pandudu'na Yerusalem, a'lampamako mange angngonjo'-onjokangi musunnu! LaKupakagassingko rapang sapi attanru' bassia siagang akkanuku tambagaya. Lanuancuruki jaia bansa, siagang kakalumanynyangngang wassele' narampasaka ke'nanga lanupassareangi mae ri Nakke, Batarana sikontu linoa.”


Nakana Batara, “Lanarapiki sallang wattunna naKupa'rappung tau Kuhukkunga, iamintu ia ke'nanga angkasiakai sessaya ri pammelakkanga.


Punna battu anjo tumakoasaya, laNaparentai umma'Na lalang kagassinganNa siagang kakoasang battua ri KalenNa Karaeng Allata'ala. Laamangi tallasa'na umma'Na, lanri sikontu taua ri sikontu linoa lanamangakui kabusuki kalompoanNa,


Israel lanabetai musu-musunna kammayatompa naancuru' kabusuki ke'nanga.


Lanaciniki bansa-bansaya anjo passalaka siagang a'jari siri'-siri' lanri nasadarina angkanaya sikontu kagassinganna ke'nanga tena anggaranna. Latakkaluppai ke'nanga sa'genna takkulleamo a'bicara yareka allangngere'.


Kamma-kamma anne ammoterekKa' mae ri Yerusalem untu' ampamopporangi anjo kotaya. Lanibangungi ammotere' BallakKu siagang lanipakabajiki ammotere' kota Yerusalem.”


LaKupa'jari kassaki ummakKu, lamannuruki siagang lanynyombai ke'nanga ri Nakke. INakke, Batara, anne akkana.”


Bage talluna mami lasalama'. Siagang anjo ke'nanga laKupakatangkasaki rapang pera' nipakati'noka siagang pepe'. LaKuuji ke'nanga rapang tau angngujia bulaeng. Nampa lappala' doang ke'nanga mae ri Nakke, siagang laKupiali pappala'na ke'nanga. LaKupauangi ke'nanga angkanaya iami ke'nanga ummakKu, nampa ke'nanga lamangaku tongi angkanaya iNakkemi Karaeng Allata'alana ke'nanga.”


Mingka kamma-kamma anne sikamma tau niaka attallasa' ija battu ri anne bansaya sisalami gaukKu mae ri ke'nanga siagang rioloa.


Punna battu anjo alloa, laNapasalamaki Batara umma'Na, sanrapang pakalawaki ampasalamaki gimbala'na battu ri bahayaya. Laccayai ke'nanga ri buttaNa Batara, sanrapang paramata songko' karaeng accilla'-cillaka.


Lean sinn:

Sanasan


Sanasan