ZAKHARIA 1:5 - KITTA' MATANGKASA'

⁵ Kemaemi boe-boenu siagang anjo na'bi-na'bia ri kamma-kammaya anne? Tena ngasemmi ke'nanga.

ZAKHARIA 1:5 Iomraidhean Croise

2 KARAENG-KARAENG 13:14

Ri se'reang wattu garring sannaki Na'bi Elisa, na nia' battu Karaeng Yoas antoaki. Ri wattunna nacini' angkanaya la'birimmi mate Elisa, angngarru'mi karaenga siagang nakanamo, “O Bapakku, Bapakku, pannulung lompona tu Israel!”

2 KARAENG-KARAENG 13:20

Tena siapa sallona matemi na nitarawang Elisa. Anjo wattua masarroi garombolang-garombolanna tu Moab battu ambunduki pa'rasangang Israel iamintu tassikali sitaung.

PAMMUJI 90:10

Wattu tallasa'na ikambe poro tujupulo taunji bawang, punna gassing ikambe, sagantujupulo taung. Mingka kasukkarrang siagang kapa'risang bawang nagappa ikambe; le'baki attallasa' poro sinampe', allanynya'mi ikambe.

KATO'BA 1:4

Ammumbai sossorang se'rea na lanynya' sossorang maraenga, mingka linoa tuli kammana.

KATO'BA 12:5

Mallakko angngambi' ri tampa' tinggia na musti tutuko a'jappa. Uu'nu kebo'mi napakamma uang na nure'resang bangkennu punna a'jappako. Na tappela' ngasemmo sikamma ero'nu siagang cinnanu. A'lampa mangeki' ri tampa' pammantangngang kala'busanta, susa ngasengi taua siagang nakarrukiki' ri aganga.

KATO'BA 12:7

Tubuta lammotereki, a'jari limbu'bu ri buttaya Nappasa' tallasatta lammotereki mae ri Allata'ala. Ia assareki' a'jari passare kalammoranNa.

YEREMIA 36:28

angngalle kitta' nigulung maraeng, nampa kusuro tulisi' sikontu apa le'baka tattulisi' ilalang ri anjo kitta' nigulung makase'rea.

PIRAUNG 5:7

Dorakai boe-boena ikambe, anne kamma tenami ke'nanga; mingka musti ballasaki ikambe lanri dosa-dosana ke'nanga.

YOHANES 8:52

Nakanamo anjo tu Yahudia ri Isa, “Kamma-kamma anne niassemmi angkanaya ma'nassa nasosokKo setang! Kalenna Abraham matemi, kammayatompa na'bi-na'bia mate ngaseng tommi. Mingka iKau Nukana, ‘Inai-nai anturuki kanangKu, tena nalamate sa'genna satunggu-tungguna.’

LAMPA-LAMPANA 13:36

Matemi Daud ri le'ba'namo nagaukang apa-apa Napassuroanga Allata'ala ri ia. Le'ba'mi nitarawang siagang boe-boena. Anjo maya'na Daud ancuru' tommi a'jari butta ngaseng.

IBRANI 9:27

Le'ba'mi Napattantu Allata'ala angkanaya sikaliji bawang mate rupataua. Le'baki anjo niadelimi ri Allata'ala.

1 SAMUEL 25:1

Tena nasallo, matemi Samuel. A'rappungang ngasemmi tu Israel untu' anghaderi pa'gaukang kasusaanga. Nampa nitarawang Samuel ri balla'na ri Rama. Le'baki anjo a'lampami Daud mange ri parang lompo Paran.