ZAKHARIA 1:4 - KITTA' MATANGKASA'

⁴ Teako sangkammai boe-boenu. Wattu jammang riolo napabattui sikamma na'bia pasangKu mae ri ke'nanga sollanna tanagaukangngamo gau' ja'dalaka siagang gau' dosaya ke'nanga. Mingka tanajampangiai ke'nanga siagang taerokai ke'nanga mannuruki ri Nakke.

ZAKHARIA 1:4 Iomraidhean Croise

2 PATTOTTORANG 30:6

Lanri parentana karaenga siagang pagawe-pagawena nikirimmi a'lampa sikamma tunisuroa mange ri sikontu daera Yehuda siagang Israel untu' angngerangi anjo suraka. Kammami anne bonena anjo suraka, “Kupabattui mae ri sikontu ra'ya' Israel! Le'ba' kabusu' mako ta'lappasa' battu ri kakoasanna tu Asyur. Kamma-kamma anne siratang mako ammotere' anynyomba mae ri Batara, Allata'ala nisombaya ri Abraham, Ishak, siagang Yakub, sollanna ammotere' todong untu' antulungko.

2 PATTOTTORANG 30:7

Teako sangkammai boe-boenu siagang tu Israel maraenga tenaya namajarre' tappa'na mae ri Karaeng Allata'alana ke'nanga. Nucini'mi kalennu antekamma battala'na hukkungang Napabattua Karaeng Allata'ala mae ri ke'nanga.

2 PATTOTTORANG 34:21

“A'lampako mange akkuta'nang ri Batara untu' inakke siagang untu' sikontu tu Israel siagang tu Yehuda niaka ija kamma-kamma anne ri passala'na bonena anne kittaka. Larroi Batara mae ri katte lanri tena nagaukangi boe-boeta sikamma apa niparentakanga lalang ri anne kittaka.”

EZRA 9:7

Battu ri boe-boena ikambe sa'genna kamma-kamma anne, ikambe ummatTa dorakai ri Katte. Lanri kammana anjo, nasikamma karaenna siagang imanna ikambe nibetami ri karaenna bansa-bansa maraenga. Nibunoi ikambe, niellaki, siagang nierangi mange nipela'. Nihina tojeng-tojemmi ikambe, sangkamma kaadaanga anne alloa.

NEHEMIA 9:16

Mingka boena ikambe tampoi siagang ka'doro' nyawai; tanaturukiai sikamma parentaTa.

NEHEMIA 9:26

Mingka apparicui ummatTa na tamannurukia, nabawang-bawangngangi hukkunTa siagang paratoranTa, nabunoi na'bi-na'bi ampakaingakai ke'nanga, assuroai ke'nanga ammotere' ri Katte, Allata'alana. O, Batara, a'mole-mole tongKi' nihina ri ke'nanga.

NEHEMIA 9:30

Attaung-taungKi' sa'bara' ampakaingaki; tete ri sikamma na'bia, nama'bicara RohTa ri ke'nanga. Mingka natongkoki tolinna ummatTa, jari Kipassareammi ke'nanga mae ri bansa-bansa sikamma pa'rasangang.

PAMMUJI 78:8

sollanna tena sangkamma ke'nanga boe-boena nangaia angngewa siagang doraka; ana'-ana' ta'lengga-lenggaya tappa'na, siagang tenaya namajarre' mae ri Allata'ala.

YESAYA 31:6

Nakana batara, “O, bansa Israel, nuewaMa' siagang doraka mako ri Nakke. Mingka kamma-kamma anne, ammotere' lalo mako mae ri Nakke!

YEREMIA 18:11

Nakana Batara ri nakke, “Kamma-kamma anne, pabattui mae ri sikamma tu Yehuda siagang pandudu'na Yerusalem angkanaya kamma-kamma anne apparekKa' rancana untu' ambaliangi ke'nanga, siagang Kupasadiangi ke'nanga hukkungang. Suroi ke'nanga ampamari cara tallasa'na ke'nanga dorakaya kammayatompa napakabajiki panggaukanna ke'nanga.

YEREMIA 23:22

Ebara' angkana naassengi ke'nanga apa takkimbolonga lalang ri pikkirangKu, tantu napabattumi ke'nanga mae ri ummakKu sikontu le'baka Kupau. Nalatoba' ummakKu battu ri dosa-dosana siagang battu ri panggaukang ja'dalaka.

YEREMIA 25:8

Lanri teanu mappilangngeri ri kana-kananNa, naNakanamo Batara Kaminang Koasaya,

YEREMIA 26:5

Musti nupilangngeri tongi apa napaua ata-atangKu, sikamma na'bi tenaya ammarina tuli Kusuro battu mae ri kau. Mingka teako ampilangngeri ke'nanga.

YEREMIA 3:12

Nasuroa' Batara a'lampa untu' ampabattui anne passalaka mae ri Israel angkanaya: “He Israel tenaya namajarre' pa'mai'na, ammotere' mako mae ri Nakke! Lompo pangngamaseangA' ri kau siagang tena Kutuli lalarro mae ri kau.

YEREMIA 3:14

Nakana Batara, “He umma' tenaya namajarre' pa'mai'na, ammotere' mako mae ri Nakke! INakke ampatangko. LaKualleko tassitau battu ri tunggala' kotaya, ta'rua tau battu ri tunggala' lokoang bija, nampa Kuerangko ammotere' mange ri Bulu' Sion.

YEREMIA 35:15

Tena ammariKu assuroi battu mae ri kau sikamma atangKu na'bi-na'bia, siagang napakainga' mako ke'nanga sollanna nupakabaji' panggaukannu na nupamari a'gau' ja'dalaka. Napakaingakko ke'nanga sollanna tena nunynyomba mae ri rewata-rewata maraenga siagang tena nupare' atai kalennu mae ri anjo rewata-rewataya, sollannu akkulle ammantang tuli anrinni ri pa'rasangang Kupassareanga mae ri kau siagang mae ri boe-boenu. Mingka taerokako amparhatikangi siagang taerokako mappilangngeri ri Nakke.

YEREMIA 4:1

Nakana Batara, “He umma' Israel, punna erokko ammotere', ammotere' mako mae ri Nakke. Pelaki rolong anjo barhala-barhala Kukabirissia, nampa majarre' mako mae ri Nakke.

YEREMIA 44:16

“Taerokai ikambe ampilangngeri apa nupabattua mae ri kambe lalang arenNa Batara.

YEHEZKIEL 14:6

Pabattuang tongi tu Israel angkanaya iNakke, Batara Kaminang Tinggia, angkana ri ke'nanga, ‘Toba' mako battu ri dosa-dosanu, siagang bokoimi anjo barhala-barhalanu appakalanrea.’

YEHEZKIEL 20:18

Kabalekanna sikamma tau rungka-rungkaya ri tangnga-tangngana ke'nanga, Kupakaingaki kamma anne, ‘Teako turuki paratorang-paratorang napareka boe-boenu. Teako palembai kabiasanna ke'nanga siagang tea tongko ra'massi kalennu lanri anynyombako ri barhala-barhalana ke'nanga.

YEHEZKIEL 33:11

Paui mae ri ke'nanga angkanaya lanri iNakke, Allata'ala mattallasaka, Batara Kaminang Tinggia, tena naKusannang punna mate tau ja'dalaka; kabalekanna Kukellai nabokoi ke'nanga dosa-dosana sollanna tuli attallasa'. He bansa Israel, ammari mako a'gau' ja'dala'! Angngapa nuero' mate?

YEHEZKIEL 33:4

Inai-nai allangngereki anjo tanra bahayaya, mingka tena najampangi, nampa battumo musua ambunoi, ia matei lanri salana tonji. Ebara' angkana naparhatikangi anjo tanra bahayaya, tantu akkullei salama'.

DANIEL 9:6

Tena namappilangngeri ikambe mae ri na'bi-na'bia, iamintu ata-atanTa, le'baka a'bicara lalang arenTa mae ri sikamma karaenna ikambe, mae ri sikamma pamimpinna ikambe, mae ri boe-boena ikambe kammayatompa mae ri sikontu bansana ikambe.

HOSEA 14:1

Samaria musti nihukkungi lanri angngewana ri Nakke. Lamatei ra'ya'na lalang pa'bundukanga; ana'-ana' lolona lanilissaraki, siagang bai'-baine tiananga lanipuei battanna.”

AMOS 5:24

Bajikangngangi appatujuangko sollanna a'lo'loro' kaadelanga rapang je'ne', siagang kalambusanga rapang binanga tenaya nale'ba' kalotoro'.

MIKHA 2:6

Akkato'bai sikamma taua mae ri nakke, angkana, “Teako akkato'bai mae ri kambe. Teako akkato'bai ri passala'na sikammaya ngaseng anjo. Tena nalanipakasiri' ikambe.

ZAKHARIA 1:3

Mingka kamma-kamma anne Kukana mae ri kau ngaseng: Ammotere' mako mae ri Nakke, naKuammotere' todong mae ri kau ngaseng.

ZAKHARIA 7:7

Iaminjo Napaua Batara tete ri na'bi-na'biNa ri jammang allaloa ri wattunna nipammantangngi ija Yerusalem siagang coppong katallassanna pandudu'na. Anjo wattua tena nanjorenja ri desa-desa ri tammulilina kotaya ammantang taua, mingka ba'lalo ri bageang timboro' siagang ri bangkeng-bangkeng bulu' niaka ri bageang ilau'.

LAMPA-LAMPANA 26:20

Kupaumi silambusu'na mae ri taua angkanaya musti toba' ngasengi ke'nanga battu ri massing dosa-dosana. Musti napassareangi tallasa'na ke'nanga mae ri Allata'ala. Siagang musti napa'butti lalang ri katallassanna ke'nanga, angkanaya ma'nassa toba' tojeng-tojemmi battu ri dosa-dosana ke'nanga. Uru-uruna anjorengi ri Damsyik kupau anne passalaka. Le'baki anjo nampa ri Yerusalem, siagang ri sikontu Yudea, ri tangnga-tangngana bansa maraenga.

LAMPA-LAMPANA 3:19

Lanri kammana minjo sari'battangku ngaseng, nuparallumo massing toba' battu ri dosa-dosanu, siagang ammotere' mako ri Allata'ala sollanna naNapammopporang dosa-dosanu.

1 PETRUS 1:18

Nuassengi apa le'baka nipa'bayarrang untu' kalappassannu battu ri katallassang tenaya matu-matunna nasossoranga boe-boenu mae ri kau. Ia pa'bayara'na teai apa-apa akkullea panra' sangkamma peraka yareka bulaenga,