ZAKHARIA 1:17 - KITTA' MATANGKASA'

¹⁷ Nasuro tonga' anjo malaekaka ampabattu tongi anne pasang angkanaya, “A'janji Batara Kaminang Koasaya angkanaya la'jari coppongi kota-kotaNa siagang angkanaya sikalipi pole laNatulung Yerusalem na Naani angkanaya Ia ampatangi.”

ZAKHARIA 1:17 Iomraidhean Croise

NEHEMIA 11:20

Ra'ya' Israel, sikamma imanga siagang sikamma la'binna tu Lewia, ammantangi ri massing tampa'na ke'nanga, ri a'rupa-rupaya kota ri Yehuda.

NEHEMIA 11:3

Ri kota-kota maraenga, ra'ya' Israel, sikamma imanga, tu Lewi, sikamma pajama Balla'Na Batara ri Yerusalem siagang sikamma turungang palayang ri Salomo, ammantangi ri tampa'na ke'nanga ri kota-kotana ke'nanga.

PAMMUJI 69:35

Pujimi Allata'ala, he langika siagang linoa, tamparanga siagang sikontu apa-apa niaka ilalanna.

YESAYA 14:1

LaNakamaseangi Batara Israel umma'Na, siagang Napilemi ke'nanga a'jari taunNa. LaNaboliki ammotere' ke'nanga ri pa'rasangang kalenna. Bansa maraenga labattu nampa asse're siagang ke'nanga.

YESAYA 44:26

INakke ampakajarreki kananna atangKu, siagang anggaukangi rancana napa'nyataya tunisuroKu, iNakke angkana lanipammantangngi poleammi Yerusalem, siagang kota-kota Yehuda laKubangung poleangi ammotere'; laKupakabajiki sikamma rumbanganna.

YESAYA 49:13

Akkelongko he langika, akkio' rannuko he buttaya, he sikamma monconga, akkio' rannuko! Saba' niaki battu Batara ansaleori umma'Na, Nakamaseangi umma'Na nijallakkanga.

YESAYA 51:12

Nakana Batara, “INakkemi ansaleori ngasengko. Angngapa numalla' mae ri rupatau lamatea, mae ri rupatau nipelaka rapang ruku'?

YESAYA 51:3

Ikau Yerusalem, laKusaleoriko, siagang sikontu niaka ammantang ri alla'na rumbangannu. Sikamma parang kalotoro'nu Kupa'jari koko ga'ga, rapang Eden, koko coppongKu. Anjoreng taua larannui siagang ma'reja-rejai siagang appala' sukkuru' lalang kelong-kelong.

YESAYA 52:9

Akkio' rannuko, he sikamma rumbanna Yerusalem, saba' Nasaleori Batara umma'Na na Napakabebasa' Yerusalem.

YESAYA 54:8

Sinampe'jA' anggilingi rupangKu battu ri kau lanri sanna'na larroKu. Mingka Kukamaseangko siagang pangngamaseang mannannungang.” Kammaminjo kananNa Allata'ala Mappasalama'nu.

YESAYA 66:13

LaKusaleoriko ri Yerusalem, rapang se'rea amma' ansaleori ana'na.

YEREMIA 31:13

Ri anjo wattua la'jogeki tau loloa assannang-sannang pa'mai'. Tau toaya siagang tau rungkaya para lamate'ne ngasengi pa'mai'na, nasaba' iNakke lassaleori ke'nanga. Susana ke'nanga Kupinrai a'jari karannuang, Kupinrai si'naya a'jari mate'ne.

YEREMIA 33:13

Ri kota-kota ri daera monconga, ri bangkeng buluka, daera Yehuda bageang timboro', siagang ri daerana Benyamin, ri desa-desa niaka ri tammulilina Yerusalem, kammayatompa ri kota-kota Yehuda, lanabilangi ammotere' gimbala'na sikamma pakalawakia. INakke, Batara, anne akkana.”

YEREMIA 33:9

Yerusalem la'jari karannuangKu siagang kalompoanna nyawaKu. Sikontu bansaya ri lino la'jari mallaki siagang annekkereki kammayatompa lappakalompoi ri Nakke, punna nalangngereki passala'na kabajikang Kugaukanga untu' pandudu'na Yerusalem, siagang kakalumanynyangngang Kupassareanga mae ri anjo kotaya.”

YEHEZKIEL 36:33

Nakana Batara Kaminang Tinggia, “Punna le'ba' mako Kutangkasi battu ri sikontu dosanu, laKupa'biang mako ammantang ammotere' ri kota-kotanu, siagang ambangungi ammotere' battu ri rumbanna.

AMOS 9:14

LaKupa'jari kalumanynyangi ammotere' ummakKu Israel. Lanabangungi ammotere' kota-kotana ke'nanga le'baka runtung, nampa ammantang ke'nanga anjoreng. Lanalamungi koko-koko anggoro'na ke'nanga, siagang nainung je'ne'na. La'lamung-lamungi ke'nanga, nampa nakanre wassele'na.

OBAJA 1:20

Tu Israel waraka lammotereki battu ri pammelakkanga siagang naempoi Fenisia sa'genna Zarfat. Tu Yerusalem nipelaka mange ri Sardis, lammotereki siagang napatangi kota-kota bageang timboro'na Yehuda.

ZAKHARIA 1:14

nampa nasuroa' anjo malaekaka ampabattui apa Napaua Batara Kaminang Koasaya angkana, “Sanna' Kukarimangnginna siagang Kujampanginna kota Yerusalem, iamintu kotaKu matangkasaka.

ZAKHARIA 1:18

Lalang ri paccini' maraengannaya, nia' kucini' appa' tanru' sapi.

ZAKHARIA 2:12

Sikalipi pole Yehuda la'jari nipatang nisa'laka untu' Batara ri butta matangkasa'Na, siagang Yerusalem la'jari kota kaminang NikarimangnginNa.

ZAKHARIA 2:4

Nakana malaeka' makase'rea mae ri malaeka' makaruaya, “A'lampako linta' mange ri anjo tau rungkaya, siagang pauangi angkanaya lateai sipato' rassina kota Yerusalem napakamma tau siagang olo'-olo' niparakai, sa'genna tena olona lakkulle nibangung tembo' pakkallika ri tammulilina.

ZAKHARIA 3:2

Nakana malaeka'Na Batara mae ri Setanga, “Poro nihukkung laloko ri Batara, Setang! Poro nihukkung laloko ri Batara mangngarimangngia ri Yerusalem. Anne taua sanrapangi polong kayu nibesoka battu ri pepe' a'rinraya.”

EFESUS 1:4

Ri wattu tenanapa nipa'jari anne linoa, le'ba' memang maki' Napilei Allata'ala tete ri Almasi; sollanta akkulle a'jari umma' matangkasa'Na, tenaya callanna ri dallekanNa. Lanri pangngamaseanNa Allata'ala,