YUNUS 3:4 - KITTA' MATANGKASA'

⁴ Antama'mi Yunus ri anjo kotaya, na le'baki a'jappa siallo bujuru', appakkaramulami akkato'ba nakana, “Patampulo allopi, nalaancuru' Niniwe!”

YUNUS 3:4 Iomraidhean Croise

2 KARAENG-KARAENG 20:1

Ri anjo wattua garring lattangi Karaeng Hizkia. Sanna' sikali anjo garrinna sa'genna a'birimmo mate. Battumi Na'bi Yesaya ana'na Amos angkunjungi siagang nakana, “Appasangi Batara sollanna kipa'le'ba' sikontu urusanga, nasaba' tena kila'jari baji'. Tenamo nasallo kimate.”

2 KARAENG-KARAENG 20:6

LaKutambai umuru'nu 15 taung pole. Ikau siagang kota Yerusalem laKulappassangko battu ri karaeng Asyur. Anne kotaya laKula'langngi lanri kala'birangKu siagang lanri parjanjiangKu siagang atangKu Daud.”

YESAYA 30:18

Mingka manna nakamma, Natayangi Batara wattunna untu' Napappicinikang pangngamaseanNa mae ri kau ngaseng. Sadiai langkamaseangko. Saba' Batarami Allata'ala anggaukangi apa kaminang cocoka mae ri KalenNa. Mate'nei tau manrannuanga mae ri Ia.

YEREMIA 42:10

‘Punna erokko tuli ammantang anrinni ri pa'rasanganga, laKuangkakko, tena nalaKutu'gurangko; laKupaentengko nai', tena nalaKura'bako. Sanna' si'nana nyawaKu lanri Kupabattuna balaya mae ri kau.

YUNUS 3:10

Nacini'mi Allata'ala panggaukanna ke'nanga; Naciniki angkanaya nabokoimi ke'nanga panggaukang ja'dala'na. Jari Napinrami kaputusanNa, siagang tanjariami Nahukkung ke'nanga.

MATIUS 12:41

Punna Allo Kiama' sallang lambangungi taua ri Niniwe siagang taua ri anne jammanga antudui ke'nanga. Nasaba' anjo taua ri Niniwe toba'mi ri wattunna akkato'ba Na'bi Yunus ri ke'nanga. Mingka kamma-kamma anne nia' anrinni lompoangang na Na'bi Yunus!

LUKAS 11:30

Antekamma appakalannasa'na anjo apa kajarianga ri kalenna Yunus mange ri tau niaka ri Niniwe, kamma tomminjo lappakalannasa'na apa kajarianga ri KalenNa Ana' Ma'rupataua mae ri taua ri anne jammanga.

LUKAS 11:32

Ri allo kiamaka sallang, lambangummi nai' tau niaka ri Niniwe siagang taua ri anne jammanga, ansalakangi ke'nanga nasaba' ri wattunna akkato'ba Yunus mae ri taua ri Niniwe, toba'mi ke'nanga battu ri dosa-dosana. Mingka kamma-kamma anne, siagang anrinni ri tampaka nia'mi lompoanganga na Yunus!”

PAOLE 18:22

Punna nia' sitau na'bi a'bicara lalang arenNa Batara, mingka tena na'rupa anjo apa napaua, anjo napabattua teai battu ri Batara. Anjo na'bia bicara kalenna napabattu, siagang tena nuparallu malla' mae ri ia.”