YUNUS 2:4 - KITTA' MATANGKASA'

⁴ Kukana lalang ri atingku: Nabongkama' anne Batara battu ri dallekanNa. Talakucinikami pole Balla' pammantangang matangkasa'Na.

YUNUS 2:4 Iomraidhean Croise

1 KARAENG-KARAENG 8:48

Punna anjoreng ri pa'rasanganga attojeng-tojeng situlusu' pa'mai'na ke'nanga ambokoi dosa-dosana, nampa appala' doang mae ri Katte a'dalle' mae anrinni ri anne pa'rasangang Kipassareanga mae ri boe-boena ikambe, a'dalle' mae anrinni ri kota nipileTa siagang anne balla' passambayangang le'baka kubangung untu' iKatte,

1 KARAENG-KARAENG 9:7

laKubongkai ummakKu Israel battu ri pa'rasangang le'baka Kupassareang mae ri ke'nanga. LaKubokoi tongi anne balla' le'baka Kupattantu untu' a'jari tampa' passambayangannu mae ri Nakke. Kemae-kemae bansa Israel lanihina siagang lanikakkali.

2 PATTOTTORANG 6:38

Punna anjoreng ri pa'rasanganga attojeng-tojengi siagang tulusuki pa'mai'na ambokoi dosa-dosana, siagang appala' doangi ke'nanga a'dalle' mae anrinni ri pa'rasangang Kipassareanga mae ri boe-boena ikambe, a'dalle' mae ri kota le'baka Kipile siagang ri anne Balla' le'baka kubangung untu' iKatte,

PAMMUJI 31:22

Nipujimi Batara! Tamaka appakalannasa'na pangngamaseanNa mae ri nakke, wattungku nikatulung siagang nibunduki.

PAMMUJI 5:7

Kipossoki tu nangaia a'balle-balle, Kicini' irawai patipua siagang pabuno-bunoa.

PAMMUJI 88:6

Nibokoia' ri alla'na tau matea, sanrapang tunibuno, anra'ba lalang ri kuburuka, sanrapang tau Kikaluppai duduamo, tenayamo naKitulungi.

PAMMUJI 88:7

Kipasambila' antama' ri kali'bong kuburuka, ri leang kuburu' lantanga siagang sassanga.

YESAYA 38:17

Pacceku tappinrai a'jari kasannangang, iKatte ampasalamaka' battu ri bahayaya; Kipammopporangi sikamma dosa-dosaku.

YESAYA 49:14

Mingka nakana pandudu'na Yerusalem, “Nabokoi maki' Batara, Nakaluppai maki' Batarata.”

YEREMIA 15:1

Nakana Batara ri nakke, “Tena nalaKukamaseang anne bansaya, manna pole nania' Musa siagang Samuel anrinni untu' ammenteng ampappalakkangi ke'nanga pangngamaseangKu. Suroi anne bansaya a'lampa, tena Kuero' anciniki ke'nanga!

YEREMIA 7:15

LaKubongkako battu ri dallekangKu sangkamma le'ba'na Kubongka bija-bijannu, umma' Israel.”

PIRAUNG 3:54

Naiki je'neka sa'genna ulungku, nakuappikkiri' angkana, ‘Narapi'mi anne a'jalakku!’

YEHEZKIEL 37:11

Nakana Allata'ala ri nakke, “He tau, anne sikamma buku-bukua iami pangngebaranna bansa Israel. Akkunrarengi ke'nanga lanri kalotoroki, tena panrannuanna siagang tena allo ri bokona.

DANIEL 6:10

Jari natekemmi Karaeng Darius anjo sura' parentaya.