YUNUS 1:6 - KITTA' MATANGKASA'

⁶ Ri wattunna naung anjo juraganna kappalaka nabuntulu'mi Yunus anjoreng sitabang attinro. Nakanamo ri ia, “Angngapa nukkulle tinro kau lalang ri wattu kammaya anne! Ambangungko nai'! Appala' doangko mae ri rewatanu untu' appala' tulung. Inai angngassengi gassingka lanakamaseangki' sa'genna tena nipanra'.”

YUNUS 1:6 Iomraidhean Croise

2 SAMUEL 12:22

Appialimi Daud angkana, “Iyo, memang appuasa' siagang angngarruka' lalang attallasa'na ija anjo anaka lanri kupikkiriki angkanaya: Gassingka lamangngamaseangi Batara mae ri nakke siagang Naerokangi attallasa' anjo anaka.

ESTER 4:16

“Passe'rei sikontu tu Yahudi niaka ri kota Susan untu' ampappala' doanganga'. Teako angnganrei siagang teako angnginungi lalang tallungallo tallumbangngi. Inakke kalengku siagang sikamma tulolo palayangku lappuasa ngaseng tonga'. Le'baki anjo, erokka' mange andallekang ri karaenga, manna nakudakkai undang-undanga. Punna padeng musti matea' passabakkang anjo, boli'mi kamma nakumate!”

PAMMUJI 107:6

Lalang kasusaanna akkioki ke'nanga mae ri Batara, na nipakabebasa'mo ke'nanga battu ri kasukkaranga.

PAMMUJI 78:34

Kere wattu naNabuno Allata'ala siapa are jaina ri ke'nanga, assesse'lalammi maraenga nammotere' mae ri Ia.

YESAYA 3:15

Angngapa nanujallakkang ummakKu siagang nupacco' tu kasi-asia? INakke anne, Batara Kaminang Tinggia siagang Kaminang Koasaya, a'bicara mae ri kau ngaseng.”

YEHEZKIEL 18:2

“Angngapai anne paruntu' kanaya natuli nipau ri pa'rasangang Israel? ‘Tau toaya angnganre rappo anggoro' kacci kasia'na, mingka ana'-ana'na tilu nasa'ring giginna.’

YO"EL 2:11

Assa'ra gunturu'mi sa'ranNa Batara assare parenta, mae ri tantarana. Tamaka jaina pasukanna! Tamaka kassa'na anjo tantara anggaukangai parentaNa! Tojeng tamaka lompona siagang heba'na AllonNa Batara! Tena manna sitau akkulle attahang.

AMOS 5:15

Kabirisi kaja'dallanga, siagang mangngaiko ri kabajikanga, paentengi kaadelanga. Gassingka laNakamaseangi Batara sikamma tau tassesaya battu ri bansa Israel.

YUNUS 3:8

Rupataua siagang olo'-oloka musti ammakei kaeng karung. Salaku tanra assesse' lalang sikontu taua musti appala' doang tojeng-tojengi mae ri Allata'ala. Musti napakabajiki ke'nanga panggaukang ja'dala'na siagang panggaukang dosana.

YUNUS 3:9

Barang ero'ji Allata'ala ampinrai ero'Na siagang tenamo Nalarro sa'genna tenamo ninjari panra'!”

LAMPA-LAMPANA 21:13

Mingka appialimi Paulus angkana, “Apa matu-matunnu angngarru' kamma ngaseng, sa'genna a'jari ancuru' kusa'ring atingku? Kamma-kamma anne sadiama'; teako angkana nijakkala' bawang, mingka sadiama' ba'lalo mate lanri Batara Isa.”

ROMA 13:11

Pantaranganna ngaseng anjo pole, nuassengi angkanaya iaminne ri wattu kamma-kammaya anne nusiratang ambangung battu ri tinronu. Nasaba' kamma-kamma anne pila' ambaniangammi wattunta lanipasalama', naia ri wattu beru appakkaramulata a'jari tappa'.

EFESUS 5:14

Na sikontu apa nicini' bajika, a'jari singara'mi. Iaminjo saba'na nania' nikana, “Ambangungko ikau tau tinroa, ammentengko nai' battu ri kamateanga! Accayami singara'Na Almasi irateangannu.”