YUNUS 1:3 - KITTA' MATANGKASA'

³ Mingka ba'lalo a'lampa maraengi Yunus untu' ampakabellai kalenna battu ri Batara. A'lampa mangei ri Yopa, na sitabangi nia' kappala' ero' a'lampa mange ri Spanyol. Le'baki a'bayara' ongkoso' kappala', nai'mi ri kappalaka, nampa assombala' siagang ana' kappalaka mange ri Spanyol, untu' ampakabellai kalenna battu ri Batara.

YUNUS 1:3 Iomraidhean Croise

PA'JARIANG 3:8

Anjo karuenga nalangngere'mi ke'nanga nia' Karaeng Allata'ala a'jappa lalang ri kokoa. Jari accokkomi ke'nanga ri alla'na poko'-poko' kayua sollanna tanicinika ri Batara.

PA'JARIANG 4:16

Nampa a'lampamo Kain battu ri dallekang mala'biri'Na Batara, namange ammantang ri butta niarenga “Pa'lampang” irayanganna koko Eden.

1 KARAENG-KARAENG 19:3

A'jari malla'mi Elia, sa'genna lari sollanna tena nibunoi. A'lampai siagang palayanna mange ri Bersyeba ri Yehuda. Anjoreng naboli'mi anjo palayanna,

1 KARAENG-KARAENG 19:9

A'bangngimi Elia anjoreng lalang ri se'reang kali'bong batu. Nampa Nakanamo Batara ri ia, “Elia, apa nupare' anrinni?”

2 PATTOTTORANG 2:15

Kutayangi anjo ruang rupaya gandung lakikiringa, kammayatompa anggoro' siagang minynya' zaitun kipa'janjianga.

2 PATTOTTORANG 2:16

Lanna'bangi ikambe kayu camara battu ri Libanon sangkamma jaina kiparalluanga, nampa nisikko' a'jari raki', siagang nipalo'lorang ri je'ne' battu ri tamparang sa'genna mange ri Yope. Battu anjoreng akkullei kilaling mange ri Yerusalem.”

2 PATTOTTORANG 9:21

Jai todong kappala' lompona Salomo assombalaka ri tamparang lompoa siagang kappala'-kappala'na Hiram. Tallun taung sikali ammotereki sikamma anjo kappalaka angngerang bulaeng, pera', gading gaja, dare' siagang jangang-jangang ga'ga.

EZRA 3:7

Anynyumbang tommi doe' ra'yaka untu' anggaji tukang batua siagang tukang kayua. Akkiring tommi ke'nanga kanre, inungang siagang minynya' zaitun mange ri kota-kota Tirus siagang Sidon untu' nipassambe siagang kayu camara Libanon battu ri anjo kota-kotaya. Anjo kayu-kayua nierangi mange ri Yafo ammalo tamparang. Yangasenna anjo nagaukangi ra'yaka situru' ising napassareanga Kores, karaeng Persia.

AYUB 1:12

Nakanamo Batara ri lapung Panggoda, “Baji'mi, gaukammi apa eroka nugaukang mae ri sikontu kakalumanynyanganna Ayub, assala' teako pa'risi'!” A'lampami lapung Panggoda battu ri dallekanNa Batara.

AYUB 2:7

A'lampami lapung Panggoda battu ri dallekanNa Batara, nampa napa'jari puru lompomo sibatu kalenna Ayub, battu ri pala' bangkenna sa'genna nai' ri cappa' ulunna.

PAMMUJI 107:23

Nia' todong ansombali tamparanga siagang kappala', untu' a'boya katallassang ri tamparang luaraka.

YESAYA 2:16

Sikamma kappala' lompoa siagang kaminang ga'gaya lanitallangngang ngasengi.

YESAYA 23:1

Iaminne pappasang ri passala'na Tirus. He, sikamma pakappalaka ri Tarsis ansombaliai tamparang lompoa, appiraung mako! Ri wattunnu assombala' ammotere' battu ri Siprus, lanipauang mako angkanaya ancuru'mi Tirus. Pa'labuannu siagang sikamma balla'nu a'jari rumbangang ngasemmi.

YESAYA 23:10

A'lampamako mange anjamai kokonnu, he pandudu'na Tarsis, saba' tenami papparekang kappala'nu.

YESAYA 23:6

Appiraung mako siagang lari mako mange ri Tarsis, he pandudu' niaka ri biring tamparanga.

YESAYA 60:9

Iaminjo sikamma kappala' battua a'labu angngerangi umma'Na Batara ammotere' battu ri pa'rasangang bella. Angngerang tongi pera' siagang bulaeng untu' mammuji ri Karaeng Allata'alanu; mae ri Allata'alana Israel Kaminang matangkasaka, ampa'jariai umma'Na nipakalompo.

YEREMIA 10:9

Nilapisiki siagang bulaeng na pera' nieranga battu ri Spanyol siagang kota Ufas, yangasenna bate pare'na tucara'deka siagang panre bulaenga. Pakeanna battu ri kaeng lame butung toa siagang lame butung lolo cura'na, bate jamana tau cara'deka attannung baji'.

YEHEZKIEL 2:8

He tau, pilangngeri apa Kupaua mae ri kau. Teako amminawangngi tongi angngewa. Sungkei bawanu siagang kanrei apa Kupassareanga mae ri kau.”

YEHEZKIEL 27:12

Nubalukangi anjo barang-barang danggangannu alla'bi-la'bia ri Spanyol; na salaku ballinna annarima mako pera', bassi, tima kebo', siagang tima le'leng.

YEHEZKIEL 3:14

KakoasanNa Batara battu mae ri nakke sanna' heba'na, siagang ri wattungku Niangka' siagang Nierang ri RohNa, atingku sanna' pai'na siagang bambanna kusa'ring.

YUNUS 1:10

Nampa nacarita antekamma batena appattujuang lari battu ri Batara. Nalangngere'na anjo kammaya, pila' malla'mi pole anjo sikamma ana'-ana' kappalaka, siagang nakana ke'nanga ri ia, “Ta'liwaki anjo panggaukannu!”

YUNUS 4:2

Nampa appala' doang nakana, “O Batara, sai le'ba'mi kupau ri tenanapa ku'lampa ri ballakku pirangalloang, angkanaya tantu laKigaukanna anne kammaya? Iaminjo saba'na nakutulusu' lari mange ri Spanyol! Kuassengi angkanaya iKatte Allata'ala assayang siagang angngamaseang, la'bu ri sa'bara', lamma siagang alusu' pa'mai', siagang tuli sadiaKi' untu' ampinrai rancanaTa anghukkung.

LUKAS 9:62

Nakanamo Isa ri anjo taua, “Punna appakkaramulamo taua appa'jeko, nampa assaile pole mae ri boko, tena nasiratang a'jari umma'Na Allata'ala.”

LAMPA-LAMPANA 15:38

Mingka napikkiriki Paulus angkanaya tabajikai nierang Markus; nasaba' taerokai assamaturu' anjama siagang ke'nanga, kammayatompa le'baki Markus ampilari ke'nanga ri wattunna nia' ri Pamfilia ke'nanga.

LAMPA-LAMPANA 26:19

“Jari lanri kammana, Karaeng Agripa, tuli kuusahaimi nikanaya amminawang turu' mae ri anjo apa le'baka nipicinikianga' siagang kutarimaya battu ri Allata'ala.

LAMPA-LAMPANA 9:36

Anjoreng ri Yope, nia' sitau baine, niarenga Tabita. Ia tau tappa' ri Isa. (Lalang bicara Yunani arenna nikana, Dorkas, battuanna jonga.) Tuli nagaukangi apa-apa bajika, nanatulung tu kasi-asia.

LAMPA-LAMPANA 9:38

Anjo Yope tena nasiapa bellana battu ri Lida. Jari nalangngere'na tau tappaka ri Yope angkana niaki Petrus ri Lida, nia'mo rua tau nasuro ke'nanga mange ambuntuli Petrus. Appasammi ke'nanga ri Petrus angkana, “Akkaro-karoki' battu mae.”

LAMPA-LAMPANA 9:42

Tassiara'mi anjo apa kajarianga mae ri sikontu tau niaka ri Yope. Sa'genna jaimi tau a'jari tappa' ri Isa, a'jari Karaeng Mappasalama'na ke'nanga.

LAMPA-LAMPANA 9:43

Ammantammi Petrus pirangallo are anjoreng, ri balla'na sitau pajama kukkuluka, niarenga Simon.

1 KORINTUS 9:16

Nasaba' takkullea' ampakatinggi pa'maikku punna passabakkang iaja anjo kubirittakanna Kabara' Baji' battua ri Allata'ala; nasaba' Allata'ala assuroa' anggaukangi anjo jama-jamanga. Cilakama' kusa'ring punna tena nakubirittakangi anjo Kabara' Bajika!

2 TESALONIKA 1:9

Anjo tau kammaya langgappai hukkungang kapanrakang sa'genna satunggu-tungguna; nipelaki assulukang battu ri pammantanganNa Batara, battu ri kalompoanNa siagang kakoasanNa,

YOSUA 19:46

Me-Yarkon, Rakon, kammayatompa daera niaka ri tammulilina Yope.