YUNUS 1:2 - KITTA' MATANGKASA'

² Nakana, “A'lampako mange ri Niniwe, anjo kota lompoa, untu' angngancangi, lanri Kuassengi angkanaya pandudu'na sanna' ja'dala'na.”

YUNUS 1:2 Iomraidhean Croise

PA'JARIANG 10:11

Battu anjoremmi na'lampa mange ri Asyur, nampa nabangung kota Niniwe, Rehobot-Ir, Kalah,

2 KARAENG-KARAENG 19:36

Jari ammunduru'mi Sanherib karaeng Asyur nampa ammotere' mange ri Niniwe.

2 PATTOTTORANG 28:9

Nia' sitau na'biNa Batara niarenga Oded ammantang ri kota Samaria. Ri se'reang wattu ammotereki tantara Israel angngerang tunitahang battu ri Yehuda. Battumi Oded anruppai ke'nanga ri wattunna lantama' ke'nanga ri kotaya. Nakanamo ri ke'nanga, “Le'ba'mi nubeta tu Yehuda lanri larroi Karaeng Allata'alana boe-boenu mae ri ke'nanga. Mingka Nalangngereki Batara antekamma palla'nu ambunoi anjo tantara Yehuda.

EZRA 9:6

Kukanamo, “O, Allata'alaku, siri'-sirika' angngangkaki ulungku ri dallekanTa. Dosa-dosana ikambe attambung-tambungi irate ri ulunna ikambe sa'genna narapi' langika.

YESAYA 37:37

Ammunduru'mi Karaeng Sanherib, karaeng Asyur, nampa ammotere' mange ri Niniwe.

YESAYA 58:1

Nakana Batara, “Gassingi ammarrang! Pauangi sikamma dosana ummakKu.

YEREMIA 20:9

Mingka punna lalang atingku kukana, “Boli'mi kamma kukaluppai Batara, teama' a'bicara lalang arenNa,” rapammi pepe' pasanNa a'bara ilalang ri ati mailalangku. Le'baki kucoba amparrangngi, mingka ma'nassa tena nakukullei.

YEHEZKIEL 2:7

Pabattui sikontu pasangKu mae ri ke'nanga, apaka eroki yareka teai ke'nanga ampilangngeri. U'rangi angkanaya anjo ke'nanga tau paewa-ewa.

HOSEA 7:2

Tena le'bakai ammumba ri pikkiranna ke'nanga angkanaya laKuu'rangi ngasengi anjo sikontu kaja'dallanna ke'nanga. Mingka katongkokangi ri dosa-dosana ke'nanga sa'genna a'nassai Kucini'na.”

YUNUS 3:2

Nakana, “A'lampako mange ri Niniwe, anjo kota lompoa, siagang pabattui mae ri ra'yaka, pasang Kupassareanga mae ri kau.”

YUNUS 3:3

Jari naturukimi Yunus kananNa Batara siagang a'lampami mange ri Niniwe, se're kota sannaka lompona; sa'genna tallungallopi nampa la'busu' nijappai ngaseng.

YUNUS 4:11

Maka tena nalasi'na nyawaKu ampikkiriki Niniwe, anjo kota lompoa. Nasaba' pantaranganna olo'-olo' tenaya nakkulle nibilang jaina anjo, anjoreng nia' todong tau la'bi ri 120.000 ana'-ana' tenayapa naissengi ampasimmaraengi apa bajika siagang apa ja'dalaka.”

MIKHA 3:8

Mingka ri sesena anne inakke, Nasarema' Batara RohNa siagang koasaNa. Nasarea' pammahang ri passala'na kaadelanga, kammayatompa kabaraniang untu' ampaui mae ri tu Israel dosa-dosa le'baka nagaukang ke'nanga.

NAHUM 1:1

Iaminne pasanNa Allata'ala ri passala'na Niniwe. Anjo pasanga Napa'nyatai lalang paccini' Napassareanga mae ri Nahum, iamintu sitau na'bi battua ri Elkos assala'na.

NAHUM 3:19

Bokka'nu takkulleai niballei, siagang loko'-loko'nu takkulleami pia. Sikontu tau allangngerekai kaancurannu attempa limami napakamma rannu. Nasaba' sessa ngasemmi taua napakamma anjo kaja'dallannu kala'busanga.

MATIUS 10:18

Lanierangko mange andallekang ri pamarentaya siagang karaenga, passabakkang amminawannu ri Nakke. Mingka iaminjo wattua la'jari kasampatang ri kau untu' la'jari sa'bingKu ri dallekanna ke'nanga siagang tu tenayapa naassengi Allata'ala.

MATIUS 12:41

Punna Allo Kiama' sallang lambangungi taua ri Niniwe siagang taua ri anne jammanga antudui ke'nanga. Nasaba' anjo taua ri Niniwe toba'mi ri wattunna akkato'ba Na'bi Yunus ri ke'nanga. Mingka kamma-kamma anne nia' anrinni lompoangang na Na'bi Yunus!

YAKOBUS 5:4

Tanubayarrai gajina sikamma tungnganre gajia ri kokonnu. Kamma-kamma anne pilangngerimi kunrarenna ke'nanga! Sikamma tau ampasse'reai wassele'na kokonnu akkiok-kio'mi appala' tulung mae ri Allata'ala; siagang Nalangngere'mi Allata'ala, Batara Kaminang Koasaya anjo pakkio'na ke'nanga.

PAPPICINI' 18:5

Nasaba' attambung-tambungi dosana sa'genna ri langika, na Nau'rangi Allata'ala kaja'dallanna.