YUNUS 1:17 - KITTA' MATANGKASA'

¹⁷ Lalanna anjo wattua appabattumi Batara sikayu juku' sannaka lompona angnga'luki Yunus. Jari ammantammi Yunus lalang ri battanna anjo jukuka tallu allo tallu bangngi.

YUNUS 1:17 Iomraidhean Croise

PA'JARIANG 1:21

Na Napa'jarimo Allata'ala olo'-olo' lompoa lalang ri tamparanga siagang sikamma apa-apa attallasaka ilalang je'ne', kammayatompa sangka' rupaya jangang-jangang. Nasannammo nyawaNa Allata'ala anciniki anjo passalaka.

YUNUS 2:10

Nampa lanri parentaNa Batara, anjo jukaka nalangngeammi Yunus nai' ri bontoa.

YUNUS 4:6

Appatimbomi Karaeng Allata'ala se're poko' a'lamba' akkullea alla'langngi Yunus sa'genna sannang nasa'ring. Memang, sannang sikali nyawana Yunus mae ri anjo lamung-lamunga.

HABAKUK 3:2

O Batara, kulangngereki passala' panggaukanTa, na napirassi pa'maikku eroka mappakalompo. Poro Kipaollei anjo panggaukang malompoTa na Kipa'nyata ri anne jammanna ikambe. Poro Kikamaseangi ikambe manna pole nabambang nyawaTa.

MATIUS 12:40

Tallungalloi le'ba' ammantang Na'bi Yunus lalang ri battanna juku' lompoa. Kamma tomminjo sallang Ana' Ma'rupataua, latallungalloi ammantang lalang ri battanna buttaya.

MATIUS 16:4

Teai sipato' ja'dala'na siagang dorakana ngaseng taua ri anne jammanga. NusuroA' anggaukangi gau' appakalannasaka. Mingka manna sirupa gau' appakalannasa' tena todong lanipicinikiangko, pantaranganna gau' appakalannasa' le'baka kajariang ri kalenna Na'bi Yunus.” Le'baki akkana kamma Isa, a'lampami ambokoi ke'nanga.

LUKAS 11:30

Antekamma appakalannasa'na anjo apa kajarianga ri kalenna Yunus mange ri tau niaka ri Niniwe, kamma tomminjo lappakalannasa'na apa kajarianga ri KalenNa Ana' Ma'rupataua mae ri taua ri anne jammanga.