YUNUS 1:16 - KITTA' MATANGKASA'

¹⁶ A'jari sanna'mi malla'na anjo sikamma ana' kappalaka mae ri Batara, siagang ri wattunna battu ke'nanga ri bontoa, assaremi ke'nanga koro'bang siagang a'rupa-rupami passala' napa'janjiang mae ri Batara.

YUNUS 1:16 Iomraidhean Croise

PA'JARIANG 28:20

Nampa assumpamo Yakub angkana, “Punna Natulunga' siagang Najagaia' Batara lalang ri anne pa'lampangku, siagang Nasarea' kanre siagang pakeang,

PA'JARIANG 8:20

Appaentemmi Nuh se're tampa' pakkoro'bangngang ri Batara. Nampa angngallemi tassikayu-kayunna massing tassirupaya jangang-jangang siagang olo'-olo' maraengannaya ia hallalaka, nampa napassareang a'jari koro'bang nitunua irate ri anjo tampa' pakkoro'bangnganga.

2 KARAENG-KARAENG 5:17

Nampa nakanamo Naaman, “Punna kamma tenana kiero' antarimai passareku, kipa'biamma' angngerang butta siapa-siapa jaina akkulle naerang siayoka bagal. Nasaba' appakkaramula anne wattua tuli lassarea' koro'bang untu' Batara bawang, teai untu' rewata maraengannaya.

AYUB 37:24

Lanri kammanami nasiratang nipakalompo ri manna pole inai, na taNajampangia tau nakanaya kalenna cara'de'.”

PAMMUJI 107:22

Boli'mi kamma appala' sukkuru' ke'nanga angngerang passare, na nakabarrang panggaukanNa siagang kelong-kelong marannu.

PAMMUJI 116:14

Lakurupai janjingku ri Ia ri dallekanna sikontu umma'Na.

PAMMUJI 50:14

Assare mako koro'bang sukkuru' mae ri Allata'ala, rupai janjinnu mae ri Kaminang Tinggia.

KATO'BA 5:4

Bajikangngangi tenaya ni'janji, kala a'janjia na tanirupaia.

YESAYA 26:9

Punna bangngi, nakkuki nyawaku mae ri Katte, punna bari'basa' mattayangi atingku. Punna sallang Kiadeli buttaya, lanaassemmi pandudu'na linoa apa annabaya.

YEREMIA 5:22

INakke Batara; angngapa natena numalla' ri Nakke? Mustina annekkerekko mae ri Nakke! INakke ampa'jari biring tamparanga a'jari pa'baeng-baeng tamparang tenaya nakkulle nilaloi sa'genna satunggu-tungguna. Tamparanga akkullei lompo bombanna siagang a'jallo' bombanna, mingka takkulleai nalalo anjo pa'baeng-baenga.

DANIEL 6:26

Le'baki anjo akkirimmi sura' Karaeng Darius mange ri tau battua ri sikontu bansaya, suku bansaya siagang bahasaya ri sikontu linoa, angkana, “Salama' battu ri nakke!

YUNUS 1:10

Nampa nacarita antekamma batena appattujuang lari battu ri Batara. Nalangngere'na anjo kammaya, pila' malla'mi pole anjo sikamma ana'-ana' kappalaka, siagang nakana ke'nanga ri ia, “Ta'liwaki anjo panggaukannu!”

YUNUS 1:14

Lanri kammana anjo akkio'mi ke'nanga ri Batara angkana, “O Batara, napalaki ikambe, tea' laloKi' panraki ikambe lanri niallena nyawana tau tenaya gau' salana mae ri kambe. O Batara, Kigaukangi apa Kikaerokia.”

MARKUS 4:31

Punna ammarenta Allata'ala kammaminne pangngebaranna: Nia' silisere' parekang lamungang sannaka ca'dina lisere'na. Iaminjo lisere' rappo kayu kaminang ca'dia ri lino. Na nia'mo sitau angngallei anjo lisere' kaminang ca'dia, nampa nalamung.

LAMPA-LAMPANA 5:11

Sikontu anjo tau tappaka siagang tau maraenga, a'jari malla' ngasemmi nalangngere'na anjo apa kajarianga.

HAKING-HAKING 13:16

Mingka nakanamo anjo malaeka'Na Batara, “Manna kuttayang anrinni, mingka tena nalakukanre anjo apa nupatalaya sinampe'. Mingka punna ero' tojengko ampatalai, patalami anjo untu' a'jari koro'bang tunuang, na nipassareang mae ri Batara.” Tenapa naassengi Manoah anjo wattua angkana malaeka'Na Batara anjo naaganga a'bicara. Jari nakanamo, “Punna kamma kuminasai nakipau arenta. Sollanna punna kajariammo sallang anjo apa kipaua, akkullemi ikambe assareki' pappakala'biri' mae ri katte.”